ព្រះវិហ៊ារ នៅថ្ងៃទី០៩ ខែកក្ដដា ឆ្នាំ២០១៥ សមត្ថកិច្ចនគរបាល អធិការដ្ឋានស្រុកត្បែងមានជ័យ បាន ឃាត់ខ្លួនជនសង្ស័យ២នាក់ ទៅកាន់ស្នងការដ្ឋានខេត្តព្រះវិហារ ពីបទឃាតកម្មដោយ ចេតនា។ជនសង្ស័យទី១ឈ្មោះ នឿន សារឿន ភេទប្រុស អាយុ៣៦ឆ្នាំ រស់នៅភូមិត្មាតប៉ើយ ជនសង្ស័យទី២ឈ្មោះ ប៉ុង ឌី ភេទប្រុស អាយុ៣៣ឆ្នាំ រស់នៅភូមិអូរកក់ ឃុំពោធិ៍ ស្រុកត្បែង មានជ័យ ខេត្តព្រះវិហារ។
នៅថ្ងៃកើតហេតុ ថ្ងៃទី០៧ ខែកក្កដា ឆ្នាំ២០១៥ ជនសង្ស័យទាំងពីនាក់បានផឹកស្រាជា មួយនិងជនរងគ្រោះឈ្មោះ ប្រុក ព្រឿង ភេទប្រុស អាយុ៥៥ឆ្នាំរស់នៅភូមិអូរកក់ ឃុំពោធិ៍ ស្រុកត្បែងមានជ័យខេត្តព្រះវិហារ។លុះដល់ផឹកស្រវឹងរៀងខ្លួនក៏បាននាំគ្នាត្រឡប់ទៅ ផ្ទះវិញ។ដោយសារតែស្រវឹងខ្លាំងពេកពួគគេ ក៏បានទាស់ពាក្យសំដីគ្នា ធ្វើអោយជនសង្ស័យ ទាំងពីរនាក់ខឹងក៏បានច្រានជនរងគ្រោះចូលក្នុងស្រះ រួចក៏ចាប់ក្បាលជ្រមុជក្នុងទឹករហូតដល់ ជនរងគ្រោះដាច់ខ្យល់ស្លាប់ទៅ។ក្រោយមកជនសង្ស័យទាំងពីរនាក់ ក៏បានវិលត្រឡប់ទៅផ្ទះ រៀងៗខ្លួនវិញ លុះដល់ថ្ងៃទី០៩ ម្សិលមិញនេះ សមត្ថកិច្ចចុះធ្វើការចាប់ខ្លួនបានតែម្តង។
បច្ចុប្បន្នជនសង្ស័យទាំងពីរនាក់ត្រូវបានអធិការដ្ឋានស្រុកត្បែងមានជ័យ បញ្ជូនមក កាន់ស្នងការដ្ឋានខេត្តព្រះវិហារដើម្បីកសាងសំណុំរៀងបញ្ជូនទៅកាន់តុលាការដើម្បីចាត់ការទៅតាមច្បាប់។
