កាលពីថ្ងៃទី១៣ខែកក្កដា នាយករដ្ឋមន្ត្រីអង់គ្លេសលោកDavid Cameron បានប្រកាសថាកម្លាំងទាហានអង់គ្លេសត្រូវការចំណាយ ប្រាក់ជាច្រើនទៀតសម្រាប់ទិញយន្តហោះសើបការគ្មានមនុស្សបើក សម្រាប់កម្លាំងប្រឆាំងនិងក្រុមអិស្លាមបង្កើតរដ្ឋIS ។កាលពីចុងសប្តាហ៍កន្លងមករដ្ឋាភិបាលអង់គ្លេសបានប្រកាសបង្កើនការចំណាយបន្ថែម២ភាគរយសម្រាប់សកម្មភាពយោធា។ដូច្នេះអង់គ្លេសត្រូវចំណាយប្រាក់បន្ថែមយ៉ាងតិច74ពាន់លានដុល្លារ សម្រាប់សកម្មភាពការពារជាតិរហូតដល់ឆ្នាំ២០២០។
មេដឹកនាំអង់គ្លេសបានប្រកាសផ្តល់ភារកិច្ចទាំងនោះដល់មេដឹកនាំក្រសួងសន្តិសុខជាតិ និងការពារជាតិ ត្រួតពិនិត្យមើលឲ្យបានច្បាស់លាស់ ពិវិធីសាស្ត្រទប់ទល់និងក្រុមអិស្លាមបង្កើតរដ្ឋនៅស៊ីរីនិងអីរ៉ាក់។ ការសម្រេចបង្កើនការចំណាយដោយសារតែក្រុមភេរវកម្មនៅលើពិភពលោកបានកើនឡើងដល់ទៅ៣៥ភាគរយបើប្រៀបធៀបនឹងឆ្នាំ ២០១៣។
តាមរបាយការណ៍របស់ក្រសួងការបរទេសអាមេរិកបានលើកឡើងផងដែរពីវត្តមាន ពង្រីកឥទ្ធិពលរបស់ក្រុមជីហាត នៃអង្គការរដ្ឋអ៊ីស្លាមដែលកំពុងបាំងលុបពីលើបណ្តាញអាល់កៃដាដែលជាក្រុមភេរវនិយមក្នុងពិភពលោក។ នៅក្នុងរបាយការណ៍ស្តីពីភេរវកម្ម ក្រសួងការបរទេសអាមេរិកបានរកឃើញមានអំពើភេរវកម្ម ចំនួន ១៣ ៤៦៣ ដែលបានសម្លាប់មនុស្ស៣២ ៧០០នាក់។តួលេខនេះបង្ហាញថា ក្នុងរវាងតែ១ឆ្នាំ ចំនួនភេរវកម្មបានកើនឡើង៣៥ភាគរយ ចំណែក ជនរងគ្រោះស្លាប់ នៅក្នុងអំពើភេរវកម្ម កើនឡើង ដល់ទៅ៨០ភាគរយ។
បើនិយាយពីការប្រកួតប្រជែងធ្វើភេរវកម្ម បណ្តាញភេរវនិយមអាល់កៃដាត្រូវវ៉ាដាច់ដោយ អង្គការរដ្ឋអ៊ីស្លាមដែលកំពុងធ្វើសង្រ្គាមដណ្តើមទឹកដីក្នុងប្រទេសស៊ីរី និងអ៊ីរ៉ាក់។ បន្តិចម្តងៗ ក្រុមនេះដែលមានទីតាំងតែនៅក្នុងទឹកដីស៊ីរី និងអ៊ីរ៉ាក់បានចេញមុខប្រកាសទទួលខុសត្រូវលើអំពើភេរវកម្ម មិនថានៅក្នុងប្រទេសយេម៉ែន អ៊ីរ៉ាក់ លីប៊ី ឬសូម្បីអាហ្វហ្កានីស្ថានដែលធ្លាប់ជាទីតាំងរបស់ក្រុមអាល់កៃដា ក្រុមភេរវកម្មពិភពលោក។តាមរបាយការណ៍របស់ក្រសួងការបរទេសអាមេរិក ភេរវកម្ម របស់ក្រុមជីហាតទៅលើគុកក្នុងម៉ូស៊ូល ប្រទេសអ៊ីរ៉ាក់ដែលបានសម្លាប់អ្នកកាន់សាសនាស៊្ហីអ៊ីត ៦៧០នាក់គឺជាភេរវកម្មសម្លាប់មនុស្សច្រើន មិនធ្លាប់មាននៅក្រោយភេរវកម្មក្នុងក្រុងញូវយ៉កបង្កឡើងដោយក្រុមអាល់កៃដា។
