ខេត្តស្វាយរៀង ៖ ថ្ងៃទី01 ខែមីនា ឆ្នាំ2021 វេលាម៉ោង16.45នាទី មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងម៉ូតូ ស្ថិតនៅលើផ្លូវ317B ភូមិកំពោតម្រាក់ ឃុំពពែត ស្រុកស្វាយទាប ខេត្តស្វាយរៀង។ អ្នកបើកបរឈ្មោះឥន វាសនា ភេទប្រុស អាយុ14ឆ្នាំ មុខរបរសិស្ស រស់នៅភូមិទួលច្រេស ឃុំពពែត ស្រុកស្វាយទាប ខេត្តស្វាយរៀង ជិះម៉ូតូម៉ាកសង់ ស៊េរីឆ្នាំ2015 ពាក់ផ្លាកលេខស្វាយរៀង1E 2117 គ្មានមួកសុវត្ថិភាព បានស្លាប់នៅនឹងកន្លែងកើតហេតុ។
តាមប្រជាជនឲ្យដឹងថា មានម៉ូតូបើកទិសដៅពីត្បូងទៅជើង ស្រាប់តែមកដល់ចំណុចកើតហេតុខាងលើ ក៏មានម៉ូតូមួយគ្រឿងទៀតម៉ាកសង់ទឿតែមឆេះផ្លាកលេខស្វាយរៀង1I.8742 ទិសដៅពីជើងទៅត្បូង បើកបរដោយឈ្មោះ វុធ វិរ: ភេទប្រុស អាយុ23ឆ្នាំ មុខរបរកម្មកររោងចក្រពាក់មួកសុវត្ថិភាព រងរបួសស្រាល រួមដំណើរជាមួយប្រពន្ធឈ្មោះ ភិន សុគន្ធ អាយុ20ឆ្នាំ មានផ្ទៃពោះ6ខែ មុខរបរកម្មកររោងចក្រ ពាក់មួកសុវត្ថិភាព ស្នាក់នៅតំបន់សានតុង ក្រុងបាវិត របួសស្រាល បានបុកម៉ូតូខាងលើពេញទំហឹងបណ្ដាលអោយដួលទាំងសងខាង។ បច្ចុប្បន្ន សាកសពត្រូវបានប្រគល់អោយគ្រួសារយកធ្វើបុណ្យតាមប្រពៃណី ចំណែកអ្នករបួសទាំងពីរ ត្រូវបានរថយន្ដមូនិធិវត្តព្រៃតាអីដឹកយកទៅព្យាបាលនៅមន្ទីពេទ្យខេត្តស្វាយរៀង និងម៉ូតូទាំងពីរយកមករក្សាទុកនៅប៉ុស្ដិ៍ រដ្ឋបាលពពែត ៕
