ភ្នំពេញ : កម្មករ-កម្មការ ក្រុមនីរោងចក្រកាត់ដេរសម្លៀកបំពាក់(ខរវើលដ៍ ហ្គាមេន) ដែលមានទីតាំងស្ថិតនៅតាមផ្លូវលំ ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍ សែនជ័យ ចំនួនប្រាណជាង៧០០នាក់។ នាំគា្នធ្វើការតវ៉ាទាមទាររកប្រាក់ឈ្នួលរបស់ពួកខ្លួន បន្ទាប់ពីសង្ស័យថា ថៅកែព្យាយាមរត់គេចវេស កាលពីល្ងាចថ្ងៃទី១០ខែកក្កដា ឆ្នាំ២០១៥ ដោយពុំបើកប្រាក់ឈ្នួលឱ្យ រហូតមកដល់ព្រឹកថ្ងៃទី១៣កក្កដា ឆ្នាំ២០១៥ នេះ ។
តាមសេចក្តីរាយការណ៏ឱ្យដឺងថា រហូតមកដល់ព្រឹកថ្ងៃទី១៣ខែកក្កដា ឆ្នាំ២០១៥នេះ ថៅកែរោងចក្រកាត់ដេរសម្លៀកបំពាក់(ខរវើលដ៍ហ្គាមេន) ដែលមានជនជាតិ(កូរ៉េ)អ្នកគ្រប់គ្រងនោះ ។ នៅតែពុំទាន់បើកលុយថ្លៃឈ្នួលជូនឱ្យដល់កម្មករនភឡើយទេ បន្ទាប់ពីព្យាយាមរត់គេចទៅបរទេស មិនបានសម្រេច ខណ:ដែលទៅដល់អាកាសយានដ្ឋានអន្តរជាតិពោធិ៍ចិនតុង ត្រូវបានតំណាងកម្មករនិងបុគ្គលិករោងចក្រ ឃាត់ខ្លួនប្តឹងទៅ អគ្គនាយកដ្ឋានអន្តោប្រវេសន៍ ។
ប្រភពពត៌មានចេញពីបុគ្គលិក ដែលបម្រើការងារក្នុងក្រុមហ៊ុនរោងចក្រកាត់ដេរនោះឱ្យដឹងថា រោងចក្រកាត់ដេរសម្លៀកបំពាក់ខាងលើនេះ បើកដំណើរការប្រមាណជា៤-៥ឆ្នាំកន្លងមកហើយ មានកម្មករសរុបជាង៧០០នាក់ ។ ហើយបញ្ហនេះគឺកើតឡើងបន្ទប់ពីនាយកក្រុមហ៊ុនទី១ បានចាកចេញទៅបាត់ មានថៅកែថ្មីទី២ឈ្មោះPMKOR LEE SUNG BONG ភេទប្រុស អាយុ៥១ឆ្នាំ កាន់ខិលិតឆ្លងដែន លេខM25586351 មកជំនួសជានាយកក្រុមហ៊ុន ទើបតែបានជាង២ខែប៉ុណ្ណោះ ។
ប្រភពដដែលបន្តទៀតថា ជាទូទៅរោងចក្រ តម្រូវបើកប្រាក់ឈ្នួល ជូនកម្មករ រៀងរាល់ ថ្ងៃទី១០ ដើមខែ លុះមកដល់ ខែកក្កដា ឆ្នាំ២០១៥ នេះហើយ កម្មករទូទាំងរោងចក្រ រងចាំបើកប្រាក់ខែរបស់ខ្លួន តាំងពីរសៀលម៉ោង៣ ដូចដែលការកំណត់របស់ក្រុមហ៊ុនកន្លងមក បែជាពុំមានវត្តមាន ថៅកែយកលុយមកសម្រាប់បើកជូនកម្មករឡើយ ។ ផ្ទុយទៅវិញបែជាលេចឮពត៌មានថា ថៅកែរោងចក្រប៉ុនប៉ងរត់ឡើងយន្តហោះទៅវិញ ហើយត្រូវបានតំណាងកម្មករ ប្តឹងទៅអគ្គនាយកដ្ឋានអន្តោប្រវេសន៍ ឃាត់ខ្លួននាំទៅអគ្គនាយកដ្ឋានរងចាំមានដំណោះស្រាយ រឿងប្រាក់ខែជាមួយកម្មករ ជាមុនសិន ។
តាមសម្តីកម្មករជាច្រើននាក់ បានបញ្ជាក់ឲ្យដឹងថា ជាទូទៅរោងចក្របើកលុយឱ្យកម្មកររៀងរាល់ថ្ងៃទី១០ដើមខែ លុះមកដល់ខែកក្កដាឆ្នាំ២០១៥ នេះ ខណ:ដែលកម្មកររងចាំបើកប្រាក់ឈ្នួល បែជាគ្មានវត្តមានថៅកែ គ្មានឃើញលុយសម្រាប់បើកឱ្យកម្មករ រហូតមកដល់ព្រឹកថ្ងៃទី១៣រោងចក្រ (ខរវើរដ៍ ហ្គាមេន)ខាងលើនេះ នៅតែពុំមានលុយបើកជូនកម្មករដដែល ។ ក្រុមកម្មករ-កម្មការនីទូទាំងរោងចក្រ បានត្រឹមនាំគ្នាឈរតវ៉ាទាមទារនិងសុំការអន្តរាគមន៍ ពីអាជ្ញាធរពាក់ព័ន្ធ ជួយដល់ពួកគាត់ ។ ព្រោះខំបម្រើការងារសង្ឃឺមលើប្រាក់ឈ្នួលដើម្បីទ្រទ្រង់ជីវភាពគ្រួសា និងដោះស្រាយ លើការហូបចុក ថ្លៃជួលបន្ទប់ស្នាក់នៅប្រចាំថ្ងៃ ប៉ុន្តែបែជាមានបញ្ហាបែបនេះឱ្យពួកគាត់សង្ឃឺមអី ។
