ខេត្តព្រះវិហារ ៖ កម្លាំងសមត្ថកិច្ចចម្រុះ បានចុះបង្ក្រាបទីតាំងស្តុកឈើមួយកន្លែង ក្នុងភូមិអូរស្នៀត ឃុំតស៊ូ ស្រុកជ័យសែន កាលពីរសៀល ថ្ងៃទី២០ ខែមករា ឆ្នាំ២០២១ ។
សមត្ថកិច្ចបានឲ្យដឹងថា កម្លាំងចម្រុះបានរឹបអូស ឈើគ្រឿងផ្ទះប្រភេទ ស្រឡៅលេខ១ ចំនួន ១៣៤ សន្លឹក ដែលស្មើនឹងប្រមាណជា ១០ ម៉ែត្រគូប ក្នុងនោះ មានគោយន្តកន្ត្រៃ ចំនួន ៥ គ្រឿង។
រាល់វត្ថុតាងទាំងអសដែលសមត្ថកិច្ចរឹបអូសបាននេះ បានដឹកជញ្ជូនយកទៅរក្សាទុក នៅសង្កាត់រដ្ឋបាលព្រៃឈើ ជ័យសែន ដើម្បីចងក្រងសំណុំរឿង ចាត់ការបន្តតាមនីតិវិធី។ តាមព័ត៌មានទទួលបាន ឈើទាំងអស់នោះក្រុមឈ្មួញបាននិងកំពុងត្រៀមបម្រុងដឹកយកទៅលក់បន្ត នៅខេត្តកំពង់ធំផងដែរ ៕
