ភ្នំពេញ ៖ប្រធានគណបក្សកាន់អំណាច នឹង ប្រធានគណបក្សប្រឆាំង បានខិតជិតគ្នាតាមវប្បធម៍សន្ទនា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជាបានជួបពិសារ អាហារ ជាមួយឯកឧត្តមសម រង្ស៊ីប្រធានគណបក្សសង្គ្រោះជាតិ និងជាប្រធានក្រុម
តំណាងរាស្ត្រភាគតិចក្នុងសភា ជាលក្ខណៈគ្រួសារនៅ សណ្ឋាគារកាំបូឌីយ៉ាណា ភ្នំពេញនៅល្ងាចថ្ងៃទី១១ ខែកក្កដាឆ្នាំ២០១៥នេះ។
លោកឈឹម ផលវរុណ មន្ត្រីអ្នកនាំពាក្យគណបក្សប្រជាជនកម្ពុជាបាននិយាយវាយតម្លៃថា ការទទួលទានអាហាររួមគ្នានេះបានបង្ហាញពីវប្បធម៌មួយដ៏ល្អសម្រាប់មេដឹកនាំ ហើយក៏បញ្ជាក់ពីការមិនគុំកួនគ្នាក្នុងរឿងនយោបាយនោះដែរ បើទោះបីជាស្ថិតនៅក្នុងគណបក្សផ្សេងគ្នាក៏ដោយ ហើយជាពិសេសគឺបញ្ជាក់ថាក្នុងនាមជាខ្មែរដូចគ្នា។មានការគួរឲ្យកត់សម្គាល់ដែរថាការជួបបាយជាមួយគ្នានេះបានកើតឡើងក្នុងពេលដែលការខ្វែងគំនិតគ្នាលើទិដ្ឋភាពនយោបាយមួយចំនួនរបស់គណបក្សទាំងពីរ។ជាអាទិបញ្ហាព្រុំដែនដែលលោកសមរង្ស៊ីសុំចូលមកដោះស្រាយជាមួយដែរនិងបញ្ហាច្បាប់សមាគមនិងអង្គការមិនមែនរដ្ឋាភិបាលដែលនិងត្រូវដាក់ចូលធ្វើការពិភាក្សាអនុមត្ត័នាថ្ងៃទីទី១៣កក្កដាឆ្នាំ២០១៥។គណបក្សប្រជាជនកម្ពុជាបានត្រៀមកម្លាំងតំណាងរាស្ត្ររបស់ខ្លួនគ្រប់គ្រាន់សម្រាប់អនុមត្ត័ បើទោះបីគណបក្សសង្គ្រោះជាតិពហិការក៏ដោយ។មានន័យថាអត់រាំងស្ទះបានទេ!!.។
សូមបញ្ជាក់ដែរថា នៅក្នុងឱកាសនៃការទទួលទានអាហារ ជាលក្ខណៈមហាគ្រួសាររបស់អ្នកនយោបាយជាន់ខ្ពស់ទាំងពីរដែលចាប់ផ្តើមនៅម៉ោង៧:០០ យប់ រួមមាន សម្តេចតេជោ ហ៊ុន សែន, ឧត្តមភរិយា គឺសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ព្រមទាំងកូនៗសម្តេចបង្កើត៤នាក់ និងកូនប្រសារ២នាក់ ។ ចំណែក ឯកឧត្តម សម រង្ស៊ី អមដោយភរិយា លោកជំទាវ ជូឡុង សូមួរ៉ា ព្រមទាំងកូន៣នាក់ ក្នុងនោះមានកូនប្រសារចូលរួមផងដែរ ។ កូនៗសម្តេចតេជោ ហ៊ុន សែន ដែលរួមពិសារអាហារជាលក្ខណ:មហាគ្រួសាររួមមាន ឯកឧត្តម ហ៊ុន ម៉ាណែត, ឯកឧត្តម ហ៊ុន ម៉ានិត, លោកជំទាវ ហ៊ុន ម៉ាណា និង លោកជំទាវ ហ៊ុន ម៉ាលី ។
