ខេត្តរតនគិរី ៖ កាលពីថ្ងៃទី ១៨ ខែមករា ឆ្នាំ២០២១ ដោយមានការចង្អុលបង្ហាញពីលោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី កម្លាំងមូលដ្ឋានកងរាជអាវុធហត្ថស្រុកបរកែវចំនួន ៥នាក់ ដឹកនាំដោយលោកអនុសេនីយ៍ឯក ហេង ប៊ុនឈឿន មេបញ្ជាការរងស្រុក តំណាងឲ្យលោកវរសេនីយ៍ត្រី កាន់ ធីរ័ត្ន មេបញ្ជាការមូលដ្ឋានកងរាជអាវុធហត្ថស្រុកបរកែវ បានចុះត្រួតពិនិត្យទីតាំងធ្វើអាជីវកម្មជីកដីរុករករ៉ែត្បូងចំនួន ៥ទីតាំង ស្ថិតនៅក្នងចម្ការកៅស៊ូ ក្ក្នុងភូមិ១ ឃុំឡាមិញ ស្រុកបរកែវ ខេត្ត រតនគីរី ។
គួររំលឹកផងដែរថា ថៅកែត្បូងនៅក្នុងខេត្តរតនគិរីមួយចំនួនបានទិញត្បូងក្នុងតម្លៃថ្លៃ ហើយប្រជាពលរដ្ឋបាននាំគ្នាទៅទិញដីជីក ដែលមានត្បូងនៅក្នុងចម្ការកៅស៊ូនៅស្រុកបរកែវនាំគ្នាទៅជីករុករករ៉ែត្បូង ហើយពួកគាត់មិនគិតពីហានិភ័យឡើយ។
