កំពង់ធំ ៖ សាលាឆាន់មួយដែលស្ថិតនៅវត្តគុហះនគរ ឃុំពង្រ ស្រុកបារាយណ៍ ខេត្តកំពង់ធំ ត្រូវបានអគ្គឺភ័យឆាបឆេះ យ៉ាងសន្ធោសន្ធៅ កាលវេលា ម៉ោង3,50នាទីទៀបភ្លី ថ្ងៃទី11ខែឧសភាឆ្នាំ2014 ។ សាលាឆាន់មានទំហំ 20x22m ហើយសង់ជាខ្នងៗចំនួនបួនខ្នង ជាប់ៗគ្នា តែត្រូអគ្គីភ័យឆាបឆេះ អស់មួយខ្នងកន្លះប៉ែកខាងជើង ជ្រុងខាងលិច តាមកាខូចខាតអស់14x22m ។
លោកចៅអធីកាវត្តគុហះនគរ ហៅវត្តពង្រ ព្រះនាម តុន ពិសី បានមានសង្ឃដីកាថា នៅវេលាម៉ោង 3,50 នាទីទៀបភ្លឺ មិនដឹងមូលហេតុអ្វីទេ ស្រាប់តែឃើញភ្លើងឆេះ យ៉ាងសន្ធោសន្ធៅ ចេញពីក្នុងឃ្លាំងដាក់សំភារៈរបស់ព្រះសង្ឃ ។
ព្រះចៅអធិកាវត្តបានបន្តទៀតថា នៅក្នុងឃ្លាំងនេះ មានសំភារៈ ដូចជា កន្ទេលខ្នើយចានឆ្នាំង នឹងសំភារៈប្រើប្រាស់ក្នុងវត្តមួយចំនួនជាច្រើនទៀត ក្នុងនោះដែរ ក៏មានកំប៉ុង ហ្គាស ចំនួនប្រាំកំប៉ុង ព្រះចៅអធិកាបានបញ្ជាក់ថា ខូចខាត សរុបជាទឹកប្រាកអស់ម្ភៃលានរៀល ។
ក្នុងហេតុការណ៍នេះ ក៏មានការចុះជួយផ្ទាល់ពីលោក ហាក់ ម៉ុងហួត អភិបាលស្រុកបារាយណ៍ និងលោក ឃុន ប៊ុនហួរ មេបញ្ជារកាអាវុធហត្ថស្រុកបារាយណ៍ នឹងលោក ស៊ួង ថេន អធិការនគរបាលស្រុកបារាយណ៍ និងបងប្អូនចំណុះជើងវត្តជាច្រើននាក់ផងដែរ ព្រមទាំងមានរថយន្តពន្លត់អគ្គីភ័យរបស់ស្នងកាខេត្តកំពង់ធំមួយគ្រឿង ទើបពន្លត់ភ្លើងបាននៅវេលាម៉ោង7,00នាទីព្រឹក ។
ក្នុងហេតុការណ៍នេះ សមត្ថកិច្ចមិនទាន់សន្និដ្ឋានថា ឆេះមកពីអ្វីទេ បច្ចុប្បន្នកំពុងស្រាវជ្រាវ រកមូលហេតុពិត ។
បើតាមការឲ្យដឹងពីដូនជី ដែលរស់នៅក្នុងវត្តថា យប់នោះ ពុំមានអ្នកណាដុតធូបទ ទៀនអ្វីទេ ហើយឌីសសង់ទ័រក៏ពុំមានលោតដែរ ។
