បាត់ដំបង៖កាលពីព្រឹកថ្ងៃទី៣ ខែកក្កដា ឆ្នាំ២០១៥ នៅមុខសាលាខេត្ត បាត់ដំបង ឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបង ឯកឧត្តម ឡាយ គឹមលី អគ្គលេខាធិការរងនៃអគ្គលេខាធិការដ្ឋានអជ្ញាធរប្រយុទ្ធប្រឆាំងគ្រឿងញៀន ម៉ន សាម៉ុន មេបញ្ជាការរងនៃទីបញ្ជាការដ្ឋានអាវុធហត្ថលើផ្ទៃប្រទេស អញ្ជើញជាអធិបតីភាព ដុតបំផ្លាញថ្នាំញៀនយ៉ាម៉ា៧៥៥៣គ្រាប់ និងម៉ាទឹកកក១៤២,៥៧ ក្រោមក្នុងទិវាអន្តរជាតិប្រយុទ្ធប្រឆាំងគ្រឿងញៀន ២៦ ខែមិថុនា ឆ្នាំ២០១៥ ក្រោមប្រធានបទ (ចូរធ្វើអោយមនុស្សនិងសហគមន៍យើងគ្មានគ្រឿងញៀន)។
វត្តមានអញ្ជើញចូលរួមជាភ្ញៀវកិត្តិយសមានប្រតិភូរាជរដ្ឋាភិបាល អភិបាលរងខេត្ត លោកព្រះរាជអជ្ញា ព្រះរាជអជ្ញារង ប្រធានមន្ទីរកម្លាំងប្រដាប់អាវុធអ្នកមុខអ្នកការ និងសិស្សានុសិស្សជាច្រើននាក់។
បន្ទាប់ ឯកឧត្តម ឡាយ គឹមលី អគ្គលេខាធិការរងនៃអគ្គលេខាធិការដ្ឋានអាជ្ញាធរប្រយុទ្ធប្រឆាំងគ្រឿងញៀន បានអានសារលិខិតសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសប្រារព្វទិវាអន្តរជាតិប្រយុទ្ធប្រឆាំងគ្រឿងញៀន២៦ខែមិថុនា ឆ្នាំ២០១៥ចប់។
ឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបងបានអានខ្លឹមសារប្រធានបទ (ចូរធ្វើអោយមនុស្ស និងសហគមន៍យើងគ្មានគ្រឿងញៀន) ថា គ្រឿងញៀន ទើបតែមានចរាចណ៍ប្រមានឆ្នាំចុងក្រោយហើយខេត្តបាត់ដំបង គ្រាន់តែជាកន្លែងឆ្លងកាត់ ។ អ្នកមិនធ្លាប់ប្រើប្រាស់ថ្នាំញៀនកុំសាកល្បងកុំប្រើប្រាស់ហើយនៅ អោយឆ្ងាយពីគ្រឿងញៀន គ្រឿងញៀននាំមកនូវការវិនាសក្រុមគ្រួសារនិងភូមិឃុំយើង ។ យើងទាំងអស់គ្នាត្រូវរកអោយឃើញមូលដ្ឋានផលិតចរាចរណ៍ចែកចាយនិងកន្លែង ប្រើប្រាស់ហើយធ្វើការបង្ក្រាបនិងផ្តន្ទាទោសតាមផ្លូវច្បាប់ ត្រូវប្រាស្រ័យទាក់ទងគ្រួសារអ្នកញៀនថ្នាំ ដើម្បីបញ្ជូនជនរងគ្រោះទៅព្យាបាលឬមណ្ឌលកែប្រែគ្រឿងញៀន។ក្នុងនាម មន្ត្រីអនុវត្តន៍ច្បាប់ត្រូវគោរពក្រមសីលធម៌និងវិជ្ជាជីវៈមិនត្រូវ ពាក់ព័ន្ធនិងគ្រឿងញៀនឡើយ ។ ចំពោះការព្យាបាលឬបន្សាបគ្រឿងញឿនមានតាមមន្ទីរពេទ្យ តាមមណ្ឌលឬតាមទីវត្តអារាម តាមវេទិកាផ្សព្វផ្សាយអប់រំអំពីផលប៉ះពាល់ នៃការប្រើប្រាដស់គ្រឿងញៀន ឳពុកម្តាយ ឬអាណាព្យាបាលត្រូវតាមដាន និងពន្យល់ណែនាំ កូនចៅអោយយល់ធ្វើការសម្រេចចិត្តត្រឹមត្រូវ និងអនាគតការរស់នៅក្នុងសង្គម។
លោក តូច សុភក្តី ព្រះរាជអជ្ញារងបានអានសាលដីកាសម្រេចរបស់សាសាដំបូងខេត្តបាត់ដំបង ដុតបំផ្លាញគ្រឿងញៀនលេខ៨៨១ដសរ បន្ទាប់មកគណៈអធិបតីដុតបំផ្លាញថ្នាំ្ញញៀនញៀន យ៉ាម៉ា៧៥៥៣គ្រាប់ និងម៉ាទឹកកក១៤២,៥៧ក្រាម ជាកិច្ចបញ្ចប់កម្មវិធី ៕
សុខកុសល
