ខេត្តកំពង់ធំ ៖ ដីព្រៃលិចទឹកគឺ ជាព្រៃមានសារៈសំខាន់ក្នុងការ ជម្រកដល់មឆ្ឆាជាតិធ្វើការពង កូន តែបច្ចុប្បន្នត្រូវបានឈ្មួញ ឃុបឃិតគ្នារវាងមន្ត្រីជំនាញ លបលួចឈូសឆាយរុករាន្តដីព្រៃ នៅតំបន់ហាមឃាត់បង្ករឱ្យព្រៃ លិចទឹកមានភាពរិចរិលពីសំណាក់ ឈ្មួញដោយសមត្ថកិច្ចស្រុក ស្ទោងខ្វះវិធានការទប់ស្កាត់ ។
ជាក់ស្តែងតាក្រ់ទ័រជាច្រើន គ្រឿងបានធ្វើសកម្មភាពឈូស ឆាយដីព្រៃលិចទឹក ដើម្បីវាតទី យកដីរបស់រដ្ឋមកគ្រប់គ្រងជា កម្មសិទ្ធិ ដោយមានការអែប អាងពល្លាតព្រំដីសកម្មភាពនេះ ត្រូវបានគេឃើញមានការពង្រីក បរិមាណដីជារៀងរាល់ឆ្នាំក្នុង មួយឆ្នាំគេពង្រីកដីខុសច្បាប់ ចាប់ពី៥០ម៉ែត្រទៅ១០០ម៉ែត្រ រហូតដល់ទៅ៥ហិកតា និងត្រូវ បានពង្រីកជាប្រចាំជារៀងរាល់ ឆ្នាំ ។
សកម្មភាពនេះត្រូវបានគេ ដឹងថា ពិតជាមានការដឹងលឺពី សំណាក់មន្ត្រីជំនាញ តែពុំមាន ការបង្ក្រាបនោះទេ ជាហេតុធ្វើ ឱ្យមានការរិះគន់យ៉ាងពេញទំហឹង ទៅលើអាជ្ញាធរស្រុកស្ទោង ដែលពុំមានឆន្ទៈក្នុងការបង្ក្រាប បើកចំហរឱ្យឈ្មួញរុករានតាម តែអំពើចិត្ត ។
សូមបញ្ជាក់ផងដែរ កន្លង មកអាជ្ញាធរស្រុកស្ទោងនិង អាជ្ញាធរខេត្តព្រមទាំងមន្ត្រីពាក់ ព័ន្ឋនៅមិនទាន់ដោះស្រាយចប់ នៅឡើយទេពាក់ព័ន្ឋទៅនឹងការ ឃុបឃិតជាមួយឈ្មួញឈូស ឆាយដីព្រៃ និងសមត្ថកិច្ចចុះ បង្ក្រាបចាប់ បានត្រាក់ទ័រ ជិត ៧០គ្រឿង ដែលដឹកនាំដោយ ឯកឧត្តម លឹម គានហោ រដ្ឋមន្ត្រី ធនធានទឹក ។
ខណៈពេលនេះគេសង្កេត ឃើញសកម្មភាពរុករានដីព្រៃ លិចទឹកត្រូវបានចាប់ផ្តើមសារ ជាថ្មី ក្នុងភូមិសាស្ត្រ ឃុំម្សាក្រង ស្រុកស្ទោង ខេត្តកំពង់ធំ ធ្វើ សកម្មភាពដោយលោក វែន សុធិន ភេទប្រុស អាយុ ៣១ រស់នៅភូមិ ប្រឌិត ឃុំ សព្រោធ ស្រុកស្ទោង ខេត្តកំពង់ធំ បាន វាតទីយកដីព្រៃលិចទឹកនៅចំនុច ល្បាប់ ឃុំ ម្សាក្រង ស្រុកស្ទោង ខេត្តកំពង់ធំ បានឈូសឆាយដី រាប់សិបហិកតា ហើយត្រូវបាន ប្រជាពលរដ្ឋរាយការណ៍អោយ ជំនាញនិងអាជ្ញាធរចុះទៅចាប់ ទាំងបង្ខំចិត្តនិងត្រូវបានបិទបាំង លាក់ការណ៍សម្ងាត់ដែលត្រូវ បានគេដឹងថាការចុះទៅចាប់ នេះទាំងបង្ខំចិត្តព្រោះថ្នាក់លើ បញ្ជា ។
លោក គន ចាន់ស៊ីហា នាយសង្កាត់រដ្ឋបាលជលផល ស្ទោងបានឱ្យដឹងថា ការបង្ក្រាប គ្រឿងចក្រនេះ ត្រូវបានចូលរួម ដោយលោក ឈយ កុសល់ អភិ បាលរងស្រុកស្ទោងមន្ត្រីរដ្ឋបាល ជលផល ប៉ូលិស ប៉េអ៊ឹម ចុះនៅ ចំណុចខាងលើ រឹបអូសបាន គ្រឿងចក្រត្រាក់ទ័រ ០២គ្រឿង នៅតំបន់៣ ចំណែកម្ចាស់ត្រូវ បានរត់គេចខ្លួនហើយបានកត់ត្រា សំណុំរឿងបញ្ជូនទៅខណ្ទរដ្ឋ បាលជលផលខេត្តកំពង់ធំចាត់ ការតាមនិតិវិធី ។
លោក ប៉ែន វណ្ណរិទ្ធ នាយ ខណ្ទរដ្ឋបាលជលផល កំពង់ធំ បានឱ្យដឹងនៅព្រឹកថ្ងៃទី ២៩ ខែ ឧសភា ឆ្នាំ ២០១៥ ថា សំណុំ រឿងលោក វែន សុធិន ដែលជា ម្ចាស់ស្រែនិងបានធ្វើសកម្មភាព ឈូសឆាយដីព្រៃលិចទឹកនេះ លោកបានឆ្លងទៅអភិបាលខេត្ត ហើយដោយបានបញ្ជាឱ្យនាំយក ម្ចាស់ស្រែទៅបំភ្លឺដីស្រែនិងទីតាំង ឱ្យពិតប្រាកដ ដើម្បីងាយស្រួល វិនិឆ្ឆ័យ ៕
ដោយ ៖ សុផាត
