ខេត្តបាត់ដំបង ៖ សេចក្តីរាយការណ៏ពីសម្ថកិច្ចមូលដ្ធានបានឲ្យដឹងថា ជនសង្ស័យចំនួន៦នាក់បានធ្វើសកម្មភាពឆក់ទ្រព្យសម្បត្តិតាមដងផ្លូវសាធារ ខណៈ ចេញដំណើរ ពីរាជធានីភ្នំពេញ ត្រូវសមត្ថកិច្ចនគរបាលនៃអធិការដ្ឋាននគរបាលស្រុកមោងឫស្សី ធ្វើការបង្រ្កាបនិងឃាត់ខ្លួនបានចំនួន០៦នាក់ ដែលក្រុមនេះជិះម៉ូតូចំនួន០៣គ្រឿង ធ្វើសកម្មភាពឆក់ទ្រព្យសម្បត្តិប្រជាពលរដ្ឋនៅតាមដងផ្លូវនៅចំណុចឃុំឫស្សីក្រាំង ស្រុកមោងឫស្សី ខេត្តបាត់ដំបង ។
ប្រភពពីសម្ថកិច្ចមូលដ្ធានបានឲ្យដឹងនៅព្រឹកថ្ងៃទី១៩ ខែវិច្ឆកា ឆ្នាំ២០២០ថា ករណីខាងលើនេះ បានកើតឡើងនាវេលាម៉ោង១៥និង១០នាទី រសៀលថ្ងៃទី១៨ ខែវិច្ឆិកា ឆ្នាំ២០២០ នៅខាងលិចស្ពានដើមក្រសាំង ក្នុងក្រុមទី០១ ភូមិថ្នល់បត់ ឃុំឫស្សីក្រាំង ស្រុកមោងឫស្សី ខេត្តបាត់ដំបង ដោយជនសង័្សយប្រើប្រាស់ម៉ូតូចំនួន ០៣គ្រឿង មនុស្សចំនួន ០៦នាក់ ធ្វើសកម្មភាព ឆក់យកប្រាក់របស់ប្រជាពលរដ្ឋឈ្មោះ ភេន ផល ភេទប្រុស អាយុ ៤២ឆ្នាំ រស់នៅឃុំឫស្សីក្រាំង ស្រុកមោងឫស្សី ខេត្តបាត់ដំបង នៅពេលដែលជនរងគ្រោះកំពុងធ្វើដំណើរនៅលើផ្លូវជាតិ ក្នុងនោះពួកគេយកបានប្រាក់រៀលចំនួន១.១៩ ៥. ០០០រៀល(មួយលាននិងដប់ប្រាំម៉ឺនរៀល)រួចជិះគេចខ្លួនបាត់ ។
ប្រភពពីសម្ថកិច្ចដដែលបានបន្តឲ្យដឹងទៀតថាក្រោយពេលទទួលបានព័ត៌មាននេះភ្លាមលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានរាយការណ៍ជូនលោកឧត្តមសេនីយ៍ត្រី សាត គឹមសាន ស្នងការនៃស្នងាការដ្ឋាននគរបាលខេត្តបាត់ ដំបងបានជ្រាបនិងស្នើសុំ គោលការណ៍អនុវត្តជាបន្ទាន់ផងដែរ។លុះក្រោយមកសម្ថកិច្ចស្រុកមោងឬស្សីក៏ទទួលបានទបញ្ជារផ្ទាល់ពីលោកឧត្តមសេនីយ៍ត្រីស្នងការ និងលោកស្នងការរងទទួលផែនលោកវរសេនីយ៍ឯក ស គឹមឡុង បានចាត់វិ ធានការជាបន្ទាន់ដោយប្រើប្រាស់កម្លាំងនគរបាលអន្តរាគមន៍របស់ខ្លួនរួមនិងកម្លាំងនគរបាលប៉ុស្តិ៍រដ្ឋ បាល ព្រមទាំងកម្លាំងផ្នែកជំនាញ ចេញប្រតិប ត្តិការភ្លាមៗ រហូតដល់វេលាម៉ោង ១៥និង ៣៩នាទីថ្ងៃដដែល ។ទើបសមត្ថកិច្ចនគរបាលស្រុកមោងឫស្សីឈានដល់ធ្វើការឃាត់ខ្លួនបានក្រុមជនសង័្សយដែលធ្វើស កម្មភាព(ឆក់ទ្រព្យសម្បត្តិ)នេះចំនួន០៦នាក់ ភ្លាមៗតែម្តង ព្រមទាំងដកហូត បានសម្ភារៈនឹងវត្ថុតាងមួយចំនួន។ហេតុការណ៏បង្ក្រាបជនសង្ស័យចំនួន៦នាក់នៅត្រង់ចំណុចខាងលើរួមមាន។
គួរបញ្ជាក់ដែរថា លោកវរសេនីយ៍ឯក ស គឹមឡុង បានបញ្ជាក់ថា ក្រុមជនសង័្សយខាងលើនេះ បានចេញដំណើរពីរាជធានីភ្នំពេញ ហើយមានគោលបំណងទៅកាន់ខេត្តសៀមរាប ។ ក្នុងពេលធ្វើដំណើរតាមផ្លូវក្រុមគេបានធ្វើសកម្មភាព(ឆក់យកទ្រព្យ សម្បត្តិ)ពីអ្នកធ្វើដំណើរតាមដងផ្លូវដែលក្នុងនោះបានធ្វើសកម្មភាពឆក់យកបានប្រាក់ចំនួន ៧០០.០០០រៀល(ចិតសិបម៉ឺនរៀល)ពីជនរង គ្រោះភេទស្រីម្នាក់នៅចំណុចស្នាមព្រះភូមិសាស្រ្តខេត្តពោធិសាត់ លុះមកដល់ភូមិសាស្រ្តខេត្ត បាត់ដំបងពួកគេបានធ្វើសកម្មភាពទៀតតែត្រូវបានសមត្ថកិច្ចនគរបាលស្រុកមោងឫស្សីបង្រ្កាបបាន។
លោកអធិការបានបញ្ជាក់បន្ថែមថា កិច្ចប្រតិបត្តិការរបស់នគរបាលដែលអនុវត្តបានជោគជ័យនៅពេលនេះ គឺស្ថិតក្រោមបទបញ្ជារបស់លោក ឧត្តមសេនីយ៍ស្នងការ លោកស្នងការរងទទួលផែនជំនាញ និងជាពិសេសបានការចូលរួមផ្តល់ព័ត៌មានទាន់ពេលវេលាពីប្រជាពលរដ្ឋនៅមូលដ្ឋាន ដែលកន្លងមកសមត្ថកិច្ចបានធ្វើការផ្សព្វផ្សាយ លេខទូរស័ព្ទដោយទូលំទូលាយ ហើយប្រជាពលរដ្ឋលោកទទួលយកសម្រាប់ទាក់ទង ទាន់ពេលនៅក្នុងករណី មានហេតុការណាមួយកើតឡើងដូចករណីនេះស្រាប់។
នៅពេលនេះសមត្ថកិច្ចនគរបាលស្រុកបានរៀបចំសំណុំរឿងបញ្ជូនជនសង័្សយនិងវត្ថុតាងមកកាន់ការិយាល័យ ជំនាញដើម្បីរៀបចំបញ្ជូនបន្តទៅកាន់អយ្យការអមសាលាដំបូងខេត្តបាត់ដំបងចាត់ការតាមផ្លូវច្បាប់ហើយ ៕
