ខេត្តកំពង់ឆ្នាំង ៖ តំបន់អភិរក្សឡូតិ៍នេសាទលេខ១០ B ស្ថិត ក្នុងភូមិសាស្ត្រភូមិជើងគ្រួស ស្រុកកំពង់លែង ខេត្តកំពង់ឆ្នាំង ដែលមានព្រំប្រទល់តំបន់អភិរក្ស ចាប់ពីស្ទឹងស្តីដង្គង លូប ព្រៃស ជើង គ្រួស បឹងផ្សោត ជ្រោយកប៉ាល់ ព្រែកតូច ស្ទឹងត្រកួន ផ្សោតតូច ដៃលន្លង់ សន្តាយ ដៃ ក្របីខ្វាក់ ផ្សោតធំ កៀនផ្តៅទឹក ដៃដុំរទេះ ស្ទឹងសណ្តាន់ ស្ទឹង ប្រពុល ជាប់ជាមួយព្រំប្រទល់ ភូមិប៉ប្រក ឃុំសំរោងសែន ។
ចំណុចខាងលើនេះបច្ចុប្បន្ន មានមន្ត្រីឈរជើងការពារ លោក លាក់ សំអាត មន្ត្រីជល ផល, លោក ឡាម សាមន ប៉េអឹម ស្រុកជលគីរី, លោក នូ សារុំ ប៉ូលិសប៉ុស្តិ៍ស្វាយរំពារ និងលោក កឹស ហៃ, លោក យន់ ឡា អនុប្រធានសហគមន៍ ស្វាយរំពារ បានបញ្ជាក់ប្រាប់ អ្នកយកព័ត៌មាននៅក្នុងនោះក៏ មានលោក អ៊ុក សេង ជាប្រធាន សហគមន៍នេសាទគ្រប់គ្រងឃុំ សំរោងសែននិងឃុំស្វាយរំពារ បានសហការណ៍ជាមួយមន្ត្រី នគរបាលប៉ុស្តិ៍សំរោងសែនចុះ ល្បាតម្តងៗផងដែរ ។
យោងតាមប្រភពពីប្រជាពលរដ្ឋធ្វើស្រែនិងចំការនៅទី នោះបានបង្ហើបប្រាប់អ្នកយកព័ត៌ មានថ្ងៃនេះ នាពេលថ្មីៗនេះ ពួក គាត់បានឃើញមានទូកអួនក្រឡា ញឹក (៥លី)មានចំនួន ៣ ទៅ ៥វង់ បានចូលទៅនេសាទក្នុង តំបន់អភិរក្សនៅពេលយប់បាន បង់លុយមួយវង់ចំនួន ៣០ម៉ឺន រៀល និងបាឡាស្មាច់រុញ បវរ កម្លាំងម៉ាស៊ីន ១៨សេស មាន ចំនួន ៥គ្រឿង បានបង់លុយមួយ គ្រឿងចំនួន ១០ម៉ឺន មង៣ជាន់ (មងគ្រប)មានចំនួន ២ទូក បានបង់លុយក្នុងមួយទូកចំនួន ១ម៉ឺនរៀល ក្បាលមូងឆែកត្រី មានចំនួនពី ៧ ទៅ ១០គ្រឿង ឆក់នៅពេលយប់ និងពេលថ្ងៃ បង់លុយមួយគ្រឿងចំនួន ៧ម៉ឺន រៀល បាឡាស្មាច់ចោះបាតធន់ធំ រុញជនមានចំនួន ២គ្រឿង កម្លាំងម៉ាស៊ីន នីសាក់ ៣៥សេស របស់ជនជាតិវៀតណាម ។
ច្បាប់ស្តីពីជលផលជំពូកទី ១៥ “ទោសប្បញ្ញត្តិ”មាត្រា ១០៣ ចំពោះសកម្មភាពដូច ខាងក្រោម ដែលប្រព្រឹត្តឡើង ដោយមន្ត្រីរដ្ឋបាលជលផលត្រូវ ចាត់ទុកជាបទល្មើសនិងត្រូវ ផ្តន្ទាទោសដាក់ពន្ធនាគារពីមួយ (១)ឆ្នាំ ទៅ បី (៣)ឆ្នាំ និង ពិន័យជាប្រាក់ពី ប្រាំលាន ទៅ ៥០លានរៀល ចំណុចទី ៦ ធ្វេសប្រហែសដោយចេតនាក្នុង ការបំពេញភារកិច្ច ឬផ្តល់ព័ត៌មាននូវរបាយការណ៍ក្លែងបន្លំជា លាយលក្ខណ៍អក្សរដែលជាមូល ហេតុបង្កឱ្យកើតមានបទល្មើស ជលផលថ្នាក់ទី១ ។ នៅថ្ងៃទី ១៤ ខែមករា ឆ្នាំ២០១៥ សាលា ខេត្តកំពង់ឆ្នាំងបានចេញសេចក្តី ណែនាំលេខ ០៩ ស.ណ.ន ស្តី ពីវិធានការលុបបំបាត់ការប្រើ ប្រាស់ឧបករណ៍ឆក់ត្រី ចំណុច៣ គណៈបញ្ជាការឯកភាពរដ្ឋបាល ក្រុង-ស្រុក ត្រូវរៀបចំផែនការ ជាក់ស្តែងឱ្យរដ្ឋបាល ភូមិ-ឃុំ សង្កាត់ និងកម្លាំងនគរបាលប៉ុស្តិ៍ រដ្ឋបាលនិងសមត្ថកិច្ចជលផល សហការចុះស្រង់ស្ថិតិមុខសញ្ញា ដែលប្រើប្រាស់និងផលិតឧបករ ណ៍ឆក់ត្រីនៅតាមភូមិ-ឃុំនីមួយៗ និងអប់រំដល់ពួកគាត់ឱ្យស្ម័គ្រចិត្ត ប្រគល់ឧបករណ៍នោះមកសមត្ថ កិច្ច ។
ប្រជាពលរដ្ឋនៅក្នុងខេត្ត កំពង់ឆ្នាំងពុំសប្បាយចិត្តនូវទង្វើ សមត្ថកិច្ចជំនាញពាក់ព័ន្ធខាង លើយកតួនាទីដៃម្ខាងធ្វើការ បង្ក្រាបបទល្មើសដៃម្ខាងទៀត ទទួលសំណូកពុករលួយពីសំណាក់ ជនប្រព្រឹត្តបទល្មើសនេសាទ ។
ក្តីកង្វល់ និងការព្រួយបារម្ភ ពីប្រជាពលរដ្ឋទៅថ្ងៃអនាគត ហ្វូងមច្ឆជាតិច្បាស់ជារលាយ ផុតពូជជាក់ជាពុំខានគឺនៅសល់ ទឹក និងភក់តែប៉ុណ្ណោះ ។
សម្តេច ហ៊ុន សែន បាន មានប្រសាសន៍សង្កត់ធ្ងន់ៗថា ការកាប់បំផ្លាញព្រៃឈើនិងរដ្ឋ បាលជលផលត្រូវតែទទួលខុស ត្រូវជៀសវាងកុំឆ្លើយដាក់តៗគ្នា។ ប៉ុន្តែជំនាញពាក់ព័ន្ធដែលជាឈ្លើង សង្គមពុំយកចិត្តទុកដាក់ទទួល ខុសត្រូវហាក់ដូចជិះសេះលែងដៃ ទៅវិញ ។ ប្រជាពលរដ្ឋសួរថា តោកៗសឹកសសៃមាត់ត្រដោក ឆ្អែតពោះក្របី ក្តៅស៊ីរាក់ត្រជាក់ ស៊ីជ្រៅ ឬសត្វស្វាស៊ីបាយយក ទៅលាប់មាត់ពពែ ៕
