ខេត្តបន្ទាយមានជ័យ ៖ ប្រភពព័ត៌មានពីមន្ត្រីប៉ូលិស ទេសចរបានបង្ហើបអោយដឹងថា សមាគមដឹកជញ្ជូនភ្ញៀវទេសចរ របស់កម្ពុជាចំនួន ៥ និងក្រុមហ៊ុន ចំណតចំនួន ០២ គឺសូជីង និង អូហ្វេសធី នៅច្រកទ្វារអន្តរជាតិ ប៉ោយប៉ែត ខេត្តបន្ទាយមានជ័យកំពុងជម្រិតទារប្រាក់ពីភ្ញៀវ ទេសចរនិងចំណតទាំងពីកំពុង រងការខូចខាតដូចជាប៉ាយដាក់ អក្សរដូចជាទង់ជាតិសំគាល់អត្ត សញ្ញាណជាតិមានការខូចខាត ជាដំណំធ្វើឱ្យមតិប្រជាពលរដ្ឋ មានការរិះគន់យ៉ាងខ្លាំងទៅលើ លោកអភិបាលខេត្តបន្ទាយមាន ជ័យ លោក គោ ស៊ុំសារឿត និងអភិបាលក្រុងប៉ោយប៉ែត គឺ
លោក ង៉ោ ម៉េងជ្រួន និងមន្ត្រី ជំនាញគ្រប់ជាន់ថ្នាក់ទាំងអស់ គ្មានចំណាត់ការទាល់តែសោះ។
ប្រភពបន្តទៀតថា សមាគមដឹកជញ្ជូនភ្ញៀវទេសចររបស់ កម្ពុជា ត្រូវបានភ្ញៀវទេសចរ និយាយថា ជម្រិតទារប្រាក់ពី អ្នកធ្វើដំណើរដែលចាត់ទុកថា ជាការរំខាន និងធ្វើឱ្យប៉ះពាល់ អារម្មណ៍របស់ភ្ញៀវនិងការដូរ លុយប្រាក់បំបាត់លុយរបស់ភ្ញៀវ នៅចំណតក្រុមហ៊ុន សូជីង និង អូហ្វេសធីនៅពេលឆ្លងព្រំដែន ចូលមកដល់ទឹកដីកម្ពុជាដោយ ស្របច្បាប់ទៀតផង ។
ក្នុងការជម្រិតទារប្រាក់ពី ភ្ញៀវសមាគមដឹកជញ្ជូនភ្ញៀវ ទេសចរទាំងនោះ ប្តូរប្រាក់ឱ្យ ភ្ញៀវមិនត្រូវតាមហាងឆេងទៀត ផង ហើយប៉ាយប្តូរប្រាក់មាន ពីរមួយត្រឹមត្រូវតាមស្តងដានៃ អត្រាប្តូរប្រាក់និងមួយទៀតមិន ត្រឹមត្រូវនោះឡើយ ? ហើយ លក់ភ្ញៀវទៅឱ្យរថយន្តតាក់ស៊ី តាមអំពើចិត្តដូចធ្វើដំណើរទៅ ខេត្តសៀមរាប ៤៨ដុល្លារ តែ ម្ចាស់តាក់ស៊ីទទួលបាន ត្រឹមតែ ៣០ដុល្លារតែប៉ុណ្ណោះ មិនដឹង ថា ១៨ដុល្លារទៀត គេយកទៅ ណាទេ ?
ដោយសារបញ្ហាទាំងអស់ នេះភ្ញៀវទេសចរមានរអ៊ូរទាំយ៉ាង ខ្លាំងលើក្រុមហ៊ុនរកស៊ីនាំភ្ញៀវ ទេសចរពីក្រៅប្រទេសតាមច្រក ទ្វារអន្តរជាតិប៉ោយប៉ែតជាច្រើន និងបានសម្តែងការមិនពេញចិត្ត ទៅលើសមាគមដឹកជញ្ជូនភ្ញៀវ ទេសចរមានការយឺតយ៉ាវធ្វើឱ្យ ប៉ះពាល់ដល់អារម្មណ៍ភ្ញៀវទេស ចរចូលមកទស្សនាកម្ពុជា ។
ដូច្នេះគួរតែលោកអភិបាល ខេត្តបន្ទាយមានជ័យមេត្តាមើល ចំណតរថយន្តអូហ្វេសធីនិងសូជីង កំពុងតែធ្វើព្យុះធ្វើភ្លៀងធ្វើឱ្យ បាត់បង់កំណើនភ្ញៀវទេសចរ ចូលមកទស្សនាកម្ពុជាឬមួយ លោកមានផលប្រយោជន៍ក្នុង ហ្នឹងដែរទើបមិនមានចំណាត់ ការលើក្រុមហ៊ុននេះ ។
គួររំលឹកថា សម្តេចតេជោ ហ៊ុន សែន បានមានប្រសាសន៍ ថា ទេសចរចំហរជើងមេឃក្នុង ន័យបង្កើនភ្ញៀវទេសចរតែទង្វើ អសកម្មរបស់លោកអភិបាល ខេត្តបន្ទាយមានជ័យខាងលើ ធ្វើឱ្យបាត់បង់កំណើនភ្ញៀវទេស ចរយ៉ាងច្រើនចូលមកទស្សនា ប្រទេសកម្ពុជានិងបាត់បង់ចំណូលរដ្ឋយ៉ាងច្រើនសន្ធឹកសន្ធាប់ទៀត ផង ៕ ដោយ ៖ ទន់ ហួន
