ខេត្តព្រះវិហារ ៖ បុរសវ័យក្មេងអាយុម្នាក់បានធ្វើអត្ថឃាតចងកសំលាប់ខ្លួនកាលពី ថ្ងៃទី០៩ ខែ មិថុនា ឆ្នាំ២០១៥ ស្ថិតនៅចំនុចភូមិ ស្រែធ្នុង ឃុំ រមណីយ៏ ស្រុក រវៀង ខេត្តព្រះវិហារ។
ប្រភពព័ត៌មានពីកន្លែងកើតហេតុបានឲដឹងថា បុរសធ្វើអត្ថឃាតខាង លើឈ្មោះយឹម រ៉ាក់ អាយុ១៧ ឆ្នាំ មានមុខរបរធ្វើស្រែចំការ ស្រុកកំណើតនៅភូមិ ចុងព្រៃ ឃុំ កំពង់ស្វាយ ស្រុកកំពង់ស្វាយ ខេត្តកំពង់ធំ បានមករស់នៅក្នុង ភូមិ ឃុំ កើតហេតុ ខាងលើបានប្រហែល១ឆ្នាំ មានម្ដាយឈ្មោះលី មី ទៅធ្វើការនៅ ប្រទេស ថៃ គ្មាន ឪពុក រស់នៅក្នុងខ្ទមតែម្នាក់ឯង លុះមុនពេលកើតហេតុ ប្រមាណម៉ោង៤:៣០ទាបភ្លឺ បុរសដែលធ្វើអត្ថឃាតនោះប្រហែលជា ស្រវឹងស្រា ហើយរត់តាមផ្លូវរទេះ ស្រែកប្រាប់គេថា មានគ្រូ ពេទ្យមកចាក់ថ្នាំឲ្យ ហើយចុក ណាស់ លុះប៉ុន្មានម៉ោង ក្រោយ មកក៏បានដើរទៅ ដេកនៅមុខរានចាប់ហួយមួយកន្លែងនៅក្នុងភូមិនោះ ពេលក្រោកឡើងម៉ោងប្រហែលជា១១:៣០នាទីថ្ងៃ ម្ចាស់លក់អីវាន់ចាប់ហួយ នោះបានឲបាយហូបតែហូបបានស្ទើរតែអតហើយ ក៏លាទៅផ្ទះ លុះរហូតដល់ ម៉ោង៥ល្ងាចក៏បានឃើញបុរស់ខាងលើចងករ សំលាប់ខ្លួននៅក្នុងផ្ទះរបស់ខ្លួន ស្លាប់បាត់ទៅហើយ ។
តាមការធ្វើកុសល្យវិច័យរបស់ប៉ូលីសស្រុករវៀងបានឲ្យដឹងថា បុរសខាងលើបានធ្វើអត្ថឃាតដោយយកកន្សែងពោះគោចងករទៅនឹងរនូតផ្ទះនោះពិតមែន ព្រោះមានធុងប៉េត្រូលសំរាប់ជាន់ឡើងដួលនៅជិតនោះ ហើយមានហូរទឹកកាម ទៀតផង បើស្លាប់ដោយសារអ្វីផ្សេងនោះ គឺមិនដូចចងកនោះទេ ហើយការរបកស្បែកនៅនិងករនោះ គឺដោយសារមានការប្រកាច់ខ្លាំង ។
អ្នកភូមិនៅទីនោះគាត់បានប្រកែកគ្នាថាទី១ ខ្មោចចងកនិងកន្សែងមិនអាចស្លាប់បាននោះទេ ទី២ម្ដេចបានជាមានការរលាត់ស្បែកកខ្លាំងម្លេះ ទី៣ ស្នាមនៅនិងកញ្ចឹងកទៀតផង ហើយទី៤ ចុងជើងគឺដល់និងក្ដាតែម្ដង ដូចនេះ ពួកគាត់គិតថា មានគេសំលាប់រួចយកមកចងករនៅក្នុងផ្ទះ។ ហើយនៅពេលនេះម្ដាយរបស់សពមិនទាន់ទំនាក់ទំនងបាននៅឡើយនោះទេ រីឯសពត្រូវបានអ្នកភូមិធ្វើបុណ្យតាមប្រពៃណី៕
