ភ្នំពេញ ៖ លោក ប៉ែន ស៊ីម៉ន មេគយធំ ដែលកាន់តំណែង យូរជាងគេ គឺឋិតក្នុងតំណែង ជាមេគយមានរយៈពេលប្រមាណ ១៦ឆ្នាំ ត្រូវបានដាក់ឱ្យ ចូលនិវត្តន៍នៅចុងឆ្នាំនេះគឺនៅ ថ្ងៃទី១ ខែតុលា ឆ្នាំ២០១៤ ។
នេះជាព័ត៌មានមួយដែល សាធារណៈជនចាប់អារម្មណ៍ តាមដានព្រោះស្ថាប័នគយត្រូវ បានមតិសាធារណៈចាត់ទុក ជាស្ថាប័នខ្លាញ់ អ្នកធ្វើគយពុំ សូវដែលត្អូញត្អែរពីការខ្វះខាត ក្នុងជីវភាពនោះឡើយ ផ្ទុយ ស្រឡះពីមន្ត្រីរាជការ ស្ថាប័ន ដទៃទៀតដែលតែងតែត្អូញត្អែរ ពីជីវភាពប្រចាំថ្ងៃរបស់ខ្លួន ហើយការឱ្យមន្ត្រីគយកំពូល មួយរូបចូលនិវត្តន៍អាចឋិតនៅ ក្នុងគម្រោងកែទម្រង់របស់ រាជរដ្ឋាភិបាល ។
តាមប្រភពព័ត៌មានឱ្យដឹង ថា ព្រះរាជក្រឹត្យឡាយព្រះ ហស្តលេខាដោយព្រះមហា- ក្សត្រ នរោត្តម សីហមុនី កាលពីថ្ងៃទី៣ ខែមេសា បាន ដាក់ឱ្យ លោក ប៉ែន ស៊ីម៉ន ដែលជាអគ្គនាយកកាន់តំណែង យូរជាងគេបំផុតរបស់អគ្គ-នាយកដ្ឋានគយនិងរដ្ឋាករ កម្ពុជា ចូលនិវត្តន៍នៅថ្ងៃទី១ ខែតុលា ឆ្នាំនេះ ។
លោក ប៉ែន ស៊ីម៉ន ដែល ជាប្រតិភូរាជរដ្ឋាភិបាលផង នោះជាអគ្គនាយកកាន់តំណែង អស់រយៈពេលប្រហែល១៦ឆ្នាំ តាំងពីឆ្នាំ១៩៩៨ ដែលបន្តពី លោក អ៊ិន សារឿង ជាអតីត អនុរដ្ឋមន្ត្រីក្រសួងហិរញ្ញវត្ថុ របស់រដ្ឋកម្ពុជា ។
ព្រះរាជក្រឹត្យនេះបានឱ្យ ដឹងថា “ លោក ប៉ែន ស៊ីម៉ន ឋានន្តរស័ក្តិឧត្តមមន្ត្រីថ្នាក់ លេខ៣ នៃក្របខណ្ឌមន្ត្រីគ្រប់ គ្រងរដ្ឋបាលនៅក្រសួងសេដ្ឋកិច្ច និងហិរញ្ញវត្ថុនឹងចូលនិវត្តន៍ ចាប់ពីថ្ងៃទី ០១ ខែតុលា ឆ្នាំ ២០១៤ តទៅ”។
លោក ម៉ី វ៉ាន់ អគ្គនាយក ឧស្សាហកម្មហិរញ្ញវត្ថុរបស់ ក្រសួងសេដ្ឋកិច្ចនិងហិរញ្ញវត្ថុ បានប្រាប់ប្រព័ន្ធផ្សព្វផ្សាយអំពី ការចូលនិវត្តន៍របស់លោក ប៉ែន ស៊ីម៉ន ប៉ុន្តែមិនបាន បង្ហាញថា នរណានឹងដាក់ ជំនួសកន្លែងនេះទេការសំរេច គឺស្ថិតលើរដ្ឋាភិបាល ។ ខ្ញុំមិន ដឹងថា តើនរណានឹងចូលមក កាន់តំណែងនេះទេ ។
មន្ត្រីបក្សប្រឆាំងស្វាគមន៍ ការរៀបចំនេះ ប៉ុន្តែថា ស្ថិត ក្រោមអាណត្តិលោក ប៉ែន ស៊ីម៉ន ធ្វើឱ្យប្រទេសខាតបង់ ប្រាក់ចំណូលដ៏ច្រើនក្នុងអំឡុង ពេលមានអំពើពុករលួយនៅ អគ្គនាយកដ្ឋានគយ ។
លោក យឹម សុវណ្ណ អ្នក នាំពាក្យគណបក្សសង្គ្រោះជាតិ អះអាងថា រដ្ឋាភិបាលខាត បង់ប្រាក់ដ៏ច្រើនសម្រាប់ថវិកា ជាតិដោយសារតែអំពើពុក រលួយនៅអគ្គនាយកដ្ឋានគយ និងរដ្ឋាករនិងអគ្គនាយកដ្ឋាន ពន្ធដារៈ“បើអ្នកសម្លឹងមើល ទៅបណ្តាប្រទេសជិតខាង ដែលមានការគោរពច្បាប់ ត្រឹមត្រូវ នាយកដ្ឋានគយ និង ពន្ធដាររបស់ពួកគេអាចរក បានចំណូលជាង២០ភាគរយ នៃផលិតផល ក្នុងស្រុកសរុប ខណៈយើងអាចរកបានត្រឹម តែជាង១២ភាគរយប៉ុណ្ណោះ។ នេះមានន័យថាយើងខាតបង់ ចំណូលពីស្ថាប័នទាំងពីរនេះ យ៉ាងច្រើនក្នុងមួយឆ្នាំៗដោយ សារតែអំពើពុករលួយរបស់ មន្ត្រីទាំងនោះ”។ នេះបើតាម ការផ្សាយរបស់ប្រព័ន្ធផ្សព្វ ផ្សាយក្នុងស្រុក ។
គេមិនទាន់ដឹងថា តើរាជ រដ្ឋាភិបាលដាក់មន្ត្រីជាន់ខ្ពស់ រូបណាឱ្យមកទទួលតំណែង ជំនួសលោក ប៉ែន ស៊ីម៉ន នៅឡើយ ប៉ុន្តែតាមការខ្សឹប ខ្សៀរបានឱ្យដឹងថា លោក ប៉ែន សំអាត អាចឡើងកាន់ តំណែងជាមេគយថ្មីតែប្រភព មួយទៀតបានឱ្យដឹងថា មន្ត្រី មួយរូបមកពីនាយសមុទ្រអាច នឹងទទួលមុខតំណែងដ៏ខ្ពស់ មួយនេះ ។
ក្នុងការកែទម្រង់ថ្មីរាជ រដ្ឋាភិបាលបានឱ្យស្ថាប័នគយ ធ្វើកំណែទម្រង់មុនគេដោយ ឱ្យបង្កើនប្រាក់ចំណូលពន្ធគយ ក្នុងរយៈពេលប្រាំមួយខែក្រោយ ការបោះឆ្នោតហើយយុទ្ធនា ការខាងលើ ត្រូវបានទទួល ជោគជ័យដោយអនុវត្តតាម ផែនការបានសម្រេចមួយរយ ភាគរយ ។
ទោះបីជាយ៉ាងណាស្ថា- ប័នគយដែលជាស្ថាប័នរក ប្រភពចំណូលជូនរដ្ឋត្រូវតែកែ ទម្រង់បន្ថែមទៀត ហើយការ ផ្លាស់ប្តូរមេគយនាពេលដ៏ខ្លី ខាងមុខនេះអាចស្ថិតនៅក្នុង កំណែទម្រង់របស់រដ្ឋាភិបាល ក្នុងការបង្កើនចំណូលចូលរដ្ឋ ៕
