ខេត្តកំពង់ស្ពឺ ៖ កាលពីម្សិលមិញ មន្ទីរសាធារណការនិងដឹកជញ្ជូនខេត្តកំពង់ស្ពឺ បានសេចក្ដីជូនដំណឹងស្ដីពីការផ្អាកសកម្មភាពចរាចរណ៍ដឹកជញ្ជូនលើមធ្យោបាយ រថយន្តប្រភេទធុនធ្ងន់ឆ្លងកាត់ តាមផ្លូវជាតិលេខ៤ (ភូមិសាស្ត្រ ខេត្ដកំពង់ស្ពឺ ) ផ្លូវជាតិលេខ៤១ (ពីចំណុចថ្នល់ទទឹង រហូតទៅស្រុកបសេដ្ឋ ) ផ្លូវលេខ១៤១ (ចាប់ពីចំណុច ផ្សារព្រៃផ្ដៅទៅកាន់ផ្លូវ១៣០) ។
ដូច្នេះ បងប្អូនប្រជាពលរដ្ឋ មេត្ដាជ្រាប និងយោគយល់ដោយក្ដីអនុគ្រោះ ចំពោះការផ្អាកចរាចរណ៍ខាងលើ គឺបណ្ដាល មកពីការលិចទឹកធ្វើអោយលក្ខណៈផ្លូវជង្ហុគ និងខូចខាត ពេលមានរថយន្ដធុនធ្ងន់នៅបន្ដបើកឆ្លងកាត់ទៅមក ។
រដ្ឋបាលខេត្ដកំពង់ស្ពឺ នឹងជូនដំណឹងអំពីការបើកឱ្យដំណើរវិញ បន្ទាប់ពីស្ថានភាព ទឹកបានស្រក់ចុះមកជាធម្មតាវិញ ៕
