ខេត្តកំពង់ធំ ៖ សមត្ថកិច្ចចាប់ ឃាតករត្រូវជាកូនចិត្តតិរច្ឆាន ដែលបានកាប់សម្លាប់ឪពុកបង្កើត ខ្លួនឯងមួយកាំបិតបណ្តាលឱ្យ ស្លាប់នៅក្នុងភូមិអណ្តោតថ្មី ខាងកើត ឃុំបាក់ស្នា ស្រុកបារាយណ៍ ខេត្តកំពង់ធំបានហើយ។
លោកវរៈសេនីយ៏ឯក កែ ខាន់ណារ៉ា ស្នងការរងទទួល បន្ទុកការិយាល័យព្រហ្មទ័ណ្ឌ និងយុត្តិធម៌បានឱ្យដឹងថា ជុំវិញ ករណីអំពើហឹង្សាក្នុងគ្រួសារ ខាងលើនេះបានកើតឡើងកាល ពីល្ងាចថ្ងៃទី ១៣ ខែឧសភា ឆ្នាំ ២០១៥ ដែលបង្ករដោយកូន ប្រុសបង្កើតឈ្មោះ ម៉េត មិ អាយុ ២១ឆ្នាំ រស់នៅក្នុងបន្ទុក ជាមួយឪពុកម្តាយ ។ នៅមុន ពេលកើតហេតុបន្ទាប់ពីកូនប្រុស ដែលជាជនដៃដល់ឈ្មោះ ម៉េត មិ បានជិះម៉ូតូទៅរាំធុងបាស់ ហើយត្រឡប់មកវិញ ឃើញម៉ូតូ ត្រូវគេវ៉ៃបែកស្តុបអស់ឪពុក ឈ្មោះ គី មន អាយុ ៥១ឆ្នាំក៏ បានស្តីបន្ទោសនិងជេរប្រមាថ ។
ចំណែកកូនក៏បានតមាត់ជា មួយនឹងឪពុកពេលនោះឪពុកខឹង ណាស់ក៏ចុះពីលើផ្ទះទៅរកវ៉ៃកូន ទើបតែបានដល់កាំទី៣នៃជណ្តើរ ផ្ទះ ក៏ត្រូវកូនកាប់១កាំបិតផ្គាក់ ចំពោះបណ្តាលឱ្យស្លាប់ភ្លាមៗ នៅនឹងកន្លែងកើតហេតុតែម្តង ទៅហើយក៏រត់គេចខ្លួនបាត់ ។
ដោយទទួលបានបទបញ្ជាពី លោកឧត្តមសេនីយ៏ត្រី ជូ សំអាន ស្នងការដ្ឋាននគរបាលខេត្តកំពង់ធំ ព្រមទាំងរូបលោកផងនោះទើប នៅវេលាម៉ោង៩។៣០នាទីព្រឹក ថ្ងៃទី ១៦ ខែឧសភា ឆ្នាំ ២០១៥ កំលាំងសមត្ថកិច្ចស្រុកបារាយណ៍ តាមចាប់ខ្លួនឃាតករដៃដល់ ឈ្មោះ ម៉េត មិ ដែលបានសម្លាប់ ឪពុកបង្កើតខ្លួនឯងឈ្មោះ គី មន អាយុ ៥១ឆ្នាំនេះ បាននៅ ក្នុងព្រៃត្រង់ចំនុចព្រំប្រទល់ឃុំ បាក់ស្នា ស្រុកបារាយណ៏ និង ឃុំបឹងល្វា ក្នុងស្រុកសន្ទុក។
បើតាមព័ត៌ពីស្ត្រីដែលត្រូវ ជាប្រពន្ធបុរសរងគ្រោះឈ្មោះ អិន និម អាយុ ៥៥ឆ្នាំ និងត្រូវជា ម្តាយបង្កើត របស់ជនដៃ ដល់ បាននិយាយរៀបរាប់ទាំងអួល ដើមករថានៅក្នុងគ្រួសាររបស់ គាត់មានកូន៣នាក់ ស្រី២នាក់ និងប្រុស១នាក់ ដែលបានបង្ករ បញ្ហាដ៏លំបាកសម្រាប់រូបគាត់ នេះតែម្តង រូបគាត់ហួសចិត្តមិន នឹកស្មានថា វាថ្លើមធំដល់ម្លឹង សោះរហូតដល់ហ៊ានលើកដៃ កាប់សម្លាប់ឪពុកខ្លួនឯងរបៀប នេះទេដោយគ្រាន់តែឪពុកគំរាម រកវ៉ៃ ដោយសារតែខឹងមួយឆាវ ហើយក៏មិនដែលមានឪពុកបង្កើត ណាដាច់ចិត្តលើកដៃសម្លាប់កូន ខ្លួនឯងដែរ ។
បច្ចុប្បន្នសមត្ថកិច្ចកំពុងតែ ចងក្រងសំណុំរឿងបញ្ជូនជន សង្ស័យមកកាន់តុលាការដើម្បី ចាត់ការតាមផ្លូវច្បាប់ ៕
