ខេត្តបាត់ដំបង ៖ នាព្រឹកថ្ងៃទី១៣ ខែតុលា ឆ្នាំ២០២០ លោកស្រី ទ្រី ដាណា រួមនឹងស្វាម៉ី បានយកអំណោយជាច្រើនប្រគល់ជូនរដ្ធបាលខេត្តបាត់ដំបង ដើម្បីទៅចែកជូនបងប្អូនប្រជាពលរដ្ធដែលរងគ្រោះដោយសារទឹកភ្លៀងជន់លិចតាមបណ្តាស្រុកនានា។ ឆ្លៀតក្នុងពេលនោះដែរលោកស្រី ទ្រី ដាណា បានជួបសំដែងការគួរសមជាមួយលោក ងួន រតនះ អភិបាលនៃគណះអភបាលខេត្តបាត់ដំបង។
ជាមួយគ្នានេះដែរ អំណោយដែលប្រគល់ជូនរដ្ធបាលខេត្តរួមមាន អង្គរ១០តោន, មីម៉ាម៉ា ៦០កេះធំ ស្មើនឹង ៣៦០០កេះតូច ត្រីខ ៥០កេះធំ ស្មើនឹង ៥០0យួរ ទឹកស៊ីអ៊ីវ ៥០០យួរ សរុបជាថវិកា ជាងមួយម៉ឺនដុល្លារអាមេរិច។
លោកស្រី ទ្រី ដាណា បានថ្លែងនៅព្រឹកថ្ងៃទី១៣ ខែតុលា ឆ្នាំ២០២០ ថា អំណោយទាំងនោះលោកស្រីបានប្រគល់ជូនលោកងួន រតនៈ អភិបាលខេត្តបាត់ដំបង ដើម្បីចូលរួមជួយជនរងគ្រោះដោយទឹកជំនន់នៅតាមមូលដ្ធាននានាជុំវិញខេត្តបាត់ដំបងដែលរងការលិចលង់រយះពេលប៉ុន្មានថ្ងៃកន្លងមក។
លោកស្រីបានបញ្ជាក់បន្ថែមថា សូមអរគុណដល់លោកពូអភិបាលខេត្តបាត់ដំបង ឃើញគាត់ខិតខំជួយប្រជាជន ហើយក៏អរគុណដល់កម្លាំងមានសមត្ថកិច្ចទាំង៣ប្រភេទដែលបានជួយគ្នាក្នុងពេលប្រជាពលរដ្ធមានទុកលំបាកជាប្រចាំ។
គួរបញ្ជាក់ដែរថា នៅថ្ងៃទី១៣ ខែតុលា ឆ្នាំ២០២០ ព្រឹកមិញនេះ លោកស្រី ទ្រី ដាណា រួមនឹងស្វាម៉ីក៏បានរួមដំណើរជាមួយលោក ងួន រតនៈ អភិបាលខេត្ត ទៅចែកអំណោយជូនប្រជាជនផ្ទាល់នៅឃុំស្លក្រាម ស្រុកសង្កែ ខេត្តបាត់ដំបង ដោយលោកស្រីបានជូនថវិការមួយគ្រួសា ៥ម៉ឺនរៀលទៀត និងបានចូលបច្ច័យកសាងវត្ត ១០០០ដូល្លា បន្ថែម។
ជាចុងក្រោយ លោក ងួន រតនះ អភិបាលនៃគណះអភិបាលខេត្តបាត់ដំបង បានថ្លែងអំណរគុណយ៉ាងជ្រាលជ្រៅចំពោះលោកស្រី ទ្រី ដាណានឹងស្វាម៉ី ព្រមទាំងក្រុមគ្រួសារ។ នឹងបានប្រគល់លិខិតថ្លែងអំណរគុណជូនលោស្រី ទ្រី ដាណា នៅព្រឹកថ្ងៃដដែលនេះផងដែរ៕
