ខេត្តបាត់ដំបង ៖ ប្រជាពលរដ្ឋដែលរស់នៅក្រុងខេត្តបាត់ ដំបង សុំឱ្យលោក ច័ន្ទ សុផល អភិបាលខេត្តជួយបង្ក្រាបបន ល្បែងភ្នាល់ទឹកភ្លៀងដែលកំពុង មានសកម្មភាពយ៉ាងរលូននិង យ៉ាងអនាធិបតេយ្យតែសំណូម មពរខាងលើហាក់បីដូចជា ត្រូវ បរាជ័យ ព្រោះគេមិនឃើញ លោកអភិបាលខេត្តដែលជា ប្រធានគណៈបញ្ជាការឯកភាព ខេត្តមានវិធានការបង្ក្រាបនៅ ឡើយ បណ្តាលឱ្យពួកមេកាង បនល្បែងភ្នាល់ទឹកភ្លៀងរឹតតែ បានចិត្តបើកសេវាកម្មភ្នាល់ ប្រវាស់មេឃម៉ាសេរីទាក់ទាញ ប្រជាពលរដ្ឋឱ្យលេងល្បែងភ្នាល់ ទឹកភ្លៀងចាញ់អស់រលីងពីខ្លួន ។
ជារៀងរាល់ឆ្នាំឱ្យតែដល់ រដូវវស្សានៅខេត្តបាត់ដំបង ពួក មេល្បែងភ្នាល់ទឹកភ្លៀងតែងតែ បើកលេងល្បែងនេះដោយខុស ច្បាប់ប៉ុន្តែប្រព្រឹត្តទៅយ៉ាងរលូន ដោយពួកគេចេះសម្របសម្រួល ជាមួយសមត្ថកិច្ចពាក់ព័ន្ធហើយ នៅឆ្នាំនេះ សកម្មភាពលេងភ្នាល់ ទឹកភ្លៀងគឺលេងដោយសេរីពុំ ញញើតសមត្ថកិច្ចនោះឡើយ សង្ស័យល្បែងនេះអាចជាឆ្នាំង បាយរបស់អ្នកធំ ទើបពួកកាង ល្បែងភ្នាល់ទឺកភ្លៀងហ៊ានលេង ម៉ាសេរីយ៉ាងដូច្នេះ ។
ប្រជាពលរដ្ឋនិយាយបន្ថែម ថា ដោយសារតែភាពកំសោយ របស់អភិបាលខេត្តរួមនឹងការ គ្រប់គ្រងធូររលុងសែនយ៉ាប់ របស់ស្នងការនគរបាលខេត្តនិង មេបញ្ជាការកងរាជអាវុធហត្ថ ខេត្តទើបបណ្តោយឱ្យពួកសង្គម ងងឹតបើកល្បែងភ្នាល់ទឹកភ្លៀង យ៉ាងអនាធិបតេយ្យនៅតំបន់ ស្រែ ១០០ ភូមិ-សង្កាត់ចំការ សំរោង ក្រុង-ខេត្តបាត់ដំបង ។
ប្រជាពលរដ្ឋនាំគ្នារិះគន់ ទៀតថា ក្នុងនាមជាប្រធាន គណៈបញ្ជាការឯកភាពខេត្ត លោក ច័ន្ទ សុផល អភិបាលនៃ គណៈអភិបាលខេត្តបាត់ដំបង បានបំភ្លេចពាក្យសន្យារបស់ខ្លួន នៅពេលដែលឡើងកាន់តំណែង ជាអភិបាលខេត្តថានឹងអនុវត្តន៍ នូវ គោលការណ៍ភូមិ-ឃុំមាន សុវត្ថិភាព ឱ្យបានជោគជ័យ តែ ពេលនេះអភិបាលខេត្តបាត់ដំបង បានទទួលបរាជ័យយ៉ាងធ្ងន់ធ្ងរ ក្នុងការបង្ក្រាបបនល្បែងភ្នាល់ ទឹកភ្លៀងប្រការនេះបណ្តាលឱ្យ ប្រជាពលរដ្ឋដាក់ការសង្ស័យថា លោក ច័ន្ទ សុផល អាចបាន ទទួលលាភសក្ការៈពីអ្នករត់ការ បើកបនល្បែងភ្នាល់ទឹកភ្លៀងឬ មួយក៏ខ្លាចញញើតមន្ត្រីនៅពី ក្រោយបនល្បែងដែលគេដឹងថា មានមន្ត្រីនគរបាលខេត្តមួយរូប និងមន្ត្រីប៉េអឹមមួយរូបដែលឈរ កាងទៀតទើបមិនបង្ក្រាបបន ល្បែងខាងលើ ។
តាមប្រភពពីកន្លែងភ្នាល់ ទឹកភ្លៀងបានឱ្យដឹងថា ឈ្មោះ តាល់ និងឈ្មោះ ត្នោតជុំ គឺជា កូនដៃប្រមូលប្រាក់ពីបនល្បែង ភ្នាល់ទឹកភ្លៀង សម្រាប់រត់ការ និងបង់ទៅឱ្យមេធំនៅពីក្រោយ ខ្នងហើយមានអ្នកដេញបានសៃ យ៉ុង(កន្លែងលក់ទិញទឹកភ្លៀង ដូចជាកន្លែងលក់កន្ទុយលេខ យ៉ាងដូច្នោះដែរ)។
ប្រជាពលរដ្ឋសំណូមពរសុំ ឱ្យឯកឧត្តម ស ខេង ឧបនាយក រដ្ឋមន្ត្រី រដ្ឋមន្ត្រីក្រសួងមហាផ្ទៃ នាយឧត្តមសេនីយ៍ នេត សាវឿន អគ្គស្នងការនគរបាលជាតិ នាយ ឧត្តមសេនីយ៍ សៅ សុខា មេ បញ្ជាការកងរាជអាវុធហត្ថលើ ផ្ទៃប្រទេស ជួយចេញបទបញ្ជា បង្ក្រាបបនល្បែងភ្នាល់ទឹកភ្លៀង ខាងលើផង មួយវិញទៀត សូម លោក ច័ន្ទ សុផល អភិបាលខេត្ត បើកភ្នែកឡើងវិញ ព្រមទាំង មានវិធានការណ៍ក្តៅកំចាត់ពួក ជនសង្គមងងឹតកាងបនល្បែង លើកកម្ពស់គោលនយោបាយ ភូមិ-ឃុំមានសុវត្ថិភាពជូនប្រជា ពលរដ្ឋ ៕
