ខេត្តស្វាយរៀង ៖ ក្រោយពី រថយន្តក្រុង ដែលចេញមកពី ប្រទេសវៀតណាមបានបុកពេញ ទំហឹងជាមួយរថយន្តដឹកកម្មករ កាលពីរវេលាម៉ោង ១រសៀល ថ្ងៃទី២០ ខែឧសភា ឆ្នាំ២០១៥ ទំនិញគេចពន្ធជាច្រើនតោន ត្រូវបានរកឃើញពីរថយន្តរបស់ ក្រុមហ៊ុនស៊ុនហ៊ួរ 15 SH Transport ដែលបានបុកជាមួយរថយន្ត កម្មករ កម្មការនីនៅតាមផ្លូវក្នុង ក្រុងបាវិត ខេត្តស្វាយរៀង បណ្តាលឱ្យស្លាប់អស់១៩នាក់ របួសធ្ងន់ស្រាលជាង២០នាក់ យ៉ាងអណោចអធម្មនិងសង្វេគ ជាទីពន់ពេក ។
ក្នុងការចុះត្រួតពិនិត្យឆែក ឆេរថយន្តដែលបុករថយន្តកម្មករ កម្មការនីនោះ ដោយបានរក ឃើញទំនិញជាច្រើនតោនដែល គេសង្ស័យថា ទំនិញគេចពន្ធ ដែលសមត្តកិច្ចឆែករកឃើញនោះត្រូវគេដាក់ក្នុងឃ្លប់ និងខាង ក្រោមកៅអីរួមមាន ខោអាវ ចំនួន១០២បាវ ស្មើ៧២១៨គីឡូ ក្រាម, សាប៊ូសញ្ញារូបពពែ, ព្រីនធ័រ, ស្បែកជើង និងបាត ស្បែកជើង, ត្រចៀកទ្វាអូតូ, ដែកសោទ្វារ,កូនសៀវភៅកាត់ តាឡុក និងក្រដាស់បិទ ជញ្ជាំង សរុប ១៣៣២គីឡូក្រាម។
បើតាមមន្ត្រីសមត្ថកិច្ចដែល ចុះឆែកឆេរបានឱ្យដឹងថាក្រោយ ពីត្រួតពិនិត្យរួចក្រុមសមត្ថកិច្ច ចម្រុះបានហៅម្ចាស់ក្រុមហ៊ុន ស៊ុនហ៊ួរ 15 SH Transport យក រថយន្តម៉ាកហ៊ីយ៉ាន់ដាយ ពណ៌ក្រហមប្រភេទទេសចរណ៍ ៤៥ កៅអី ពាក់ស្លាកលេខភ្នំពេញ ៣C-៦៣៣៦ មកផ្ទេរសាងអីវ៉ាន់ ដោយយកក្រដាស់បិទលើផ្លាក យីហោរក្រុមហ៊ុនបិទបាំងឈ្មោះ ក្រុមហ៊ុនដូចកាលពីររថយន្តដែល បុករថយន្តកម្មករមានអ្នកមក ហែកផ្លាកយីហោក្រុមហ៊ុនចោល ដើម្បីបិទបាំងមិនទទួលខុសត្រូវ។
អ្វីដែលគួរឱ្យឆ្ងល់នោះគឺ សមត្ថកិច្ចអនុញ្ញាតឱ្យក្រុមហ៊ុន យកស្គត់មកបិទលើយីហោក្រុម ហ៊ុន ដែលបិទនៅលើជញ្ជាំង រថយន្តរួចលើកទំនិញដាក់លើ រថយន្តដឹកចេញទៅហើយប្រាប់ ថា ដឹកទៅទុកនៅទីស្នាក់ការ សាខាគយនិងរដ្ឋាករខេត្តស្វាយ រៀងដើម្បី ពិនិត្យពន្ធ ។ បញ្ហា នេះគួរតែសមត្ថកិច្ចបញ្ជាក់ប្រាប់ ប្រជាពលរដ្ឋឱ្យបាត់ចម្ងល់ថា មកពីមូលហេតុអ្វីបានជាគេអាច បិទបាំងយីហោក្រុមហ៊ុន ព្រោះ ថា ដំរីស្លាប់យកចង្អេរទៅបិទក៏ វាមិនជិតដែរ ។ ករណីនៃការ រកឃើញទំនិញជាច្រើនតោន លាក់ក្នុងឡានបង្កគ្រោះថ្នាក់ សម្លាប់កម្មករនេះគេជឿថានឹង ក្លាយជាទំនិញស្របច្បាប់ជាមិន ខានក្រោយពេលសមត្ថកិច្ចគយ ធ្វើការត្រួតពិនិត្យ ។
បច្ចុប្បន្ននេះប្រជាពលរដ្ឋឱ្យ ដឹងថារថយន្តក្រុងដែលមានរាប់ សិបក្រុមហ៊ុនរត់ផ្លូវភ្នំពេញ- វៀតណាមសុទ្ធតែមានដឹកទំនិញ ជាច្រើនទាំងមានពន្ធនិងគេច ពន្ធដែលធ្វើឱ្យរដ្ឋបាត់បង់ចំណូល ពន្ធយ៉ាងច្រើនហើយ ដោយ ឃើញរកស៊ីដឹកអីវ៉ាន់កាក់កប ពេកទើបមានក្រុមហ៊ុនជាច្រើនសុំច្បាប់បើកក្រុមហ៊ុនរថយន្ត ក្រុងភ្នំពេញ-វៀតណាម ៕
