ខេត្តកោះកុង ៖ សម្ដេចពិជ័យសេនា ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិ និងលោកជំទាវ ព្រមទាំងអ្នកឧកញ៉ា លី យ៉ុងផាត់ និងលោកជំទាវ តែងតែមានចិត្តសប្បុរសធម៌ និងមនុស្សធម៌ ពិសេសនោះបានដឹកនាំនៅក្នុងការអភិវឌ្ឍន៏សង្គមជាតិបានល្អបំផុត សម្រាប់ប្រទេសជាតិក្នុងព្រះរាជាណាចក្រកម្ពុជារបស់យើងនេះ។
អ្នកឧកញ៉ា លី យ៉ុងផាត់ សម្ដេចពិជ័យសេនា ទៀ បាញ់ ព្រមទាំងលោកជំទាវ តែងតែយកចិត្តទុកដាក់ ជួយកសាង សាលារៀន មន្ទីរពេទ្យ រួមនិង សមិទ្ធផលផ្សេងៗទៀត ដូចជា សាលាបឋមសិក្សាថ្មសនេះជាដើម។
សូមបញ្ចក់ថា សាលាបឋមសិក្សាថ្មស ជាអំណោយមនុស្សធម៌របស់លោកឧកញ៉ា លី យ៉ុងផាត់ និងលោកជំទាវ មាន១ខ្នង៥បន្ទប់ និងអំណោយ មនុស្សធម៌របស់សម្តេចពិជ័យសេនា ទៀ បាញ់ មាន១ខ្នង៥បន្ទប់ ដែលបានសាងសង់តាំងពីឆ្នាំ១៩៩៧មក។
បច្ចុប្បន្ននេះ អគារ២ខ្នងនេះ កំពុងមានសភាពចាស់ទ្រុឌទ្រោមយ៉ាងខ្លាំង ហើយសង្ឃឹមថា ម្ចាស់អំណោយអគារ២ខ្នងស្មើ១០បន្ទប់នេះ និងសាងសង់ជួសជុលថ្មីឡើងវិញ នេះជាព័ត៌មានល្អមួយ ពីសាលានាយកសាលាបឋមសិក្សាថ្មស រួមនិងលោកគ្រូ អ្នកគ្រូទាំងអស់នៅក្នុងសាលានេះ។
សូមបញ្ជាក់ថា អគារសិក្សា២ខ្នង មានសិស្សរៀនសព្វថ្ងៃនេះចំនួន៥២១នាក់ (ស្រី២៣៧នាក់)។
បើសរុបទូទាំងសាលាបឋមសិក្សាថ្មសនេះមានអគារ៤ខ្នងស្មើ២០បន្ទប់ ហើយមានសិស្សសរុបទាំងអស់ចំនួន៩៨៩នាក់(ស្រី៤៧០នាក់)។
ប្រជាពលរដ្ឋ នាយកសាលា លោកគ្រូ អ្នកគ្រូ សង្ឃឹមថាអ្នកឧកញ៉ា លី យ៉ុងផាត់ សម្ដេចពិជ័យសេនា ទៀ បាញ់ ព្រមទាំងលោកជំទាវ មេត្តាករុណាមានចិត្តសណ្ដោស មនុស្សធម៌ ជួយកសាងសាលាបឋមសិក្សាថ្មសនេះផង ហើយទុកជាមរតក សម្រាប់កូនចៅជំនាន់ក្រោយដឹងគុណអស់មួយជីវិតសម្រាប់វិស័យផ្នែកអប់រំ។
សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តែងតែយកចិត្តទុកដាក់ចំពោះវិស័យអប់រំយ៉ាងល្អបំផុតសម្រាប់ សិស្សានុសិស្សទូទាំងប្រទេសកម្ពុជាយើងនេះ៕
