ខេត្តស្ទឹងត្រែង ៖អាជីវករមួយ រូប ដែលធ្វើអាជីវកម្មប្រមូល ភាស៊ីផ្សារថ្ម ខេត្តស្ទឹងត្រែង ឆ្នាំ ២០១៤ហើយទទួលរងការខាត បង់ក្នុងការធ្វើអាជីវកម្មមាន រយៈពេល ៤ខែ ចុងឆ្នាំ២០១៤ បានដាក់ពាក្យបណ្តឹងគោរពជូន ឯកឧត្តម ស ខេង ឧបនាយករដ្ឋ មន្ត្រី រដ្ឋមន្ត្រីក្រសួងមហាផ្ទៃ ដើម្បីសុំជួយអន្តរាគមន៍និងរក យុត្តិធម៌ជូនរូបគាត់ ។
យោងតាមការផ្សាយរបស់ សារព័ត៌មានថ្ងៃនេះ លេខ៧៣៨ ដែលគេហទំព័រសារព័ត៌មាន សម្លេងសច្ចៈដកស្រង់ផ្សាយបាន ឱ្យដឹងថា អ្នកស្រី ឯល ទីរៀម ដែលទទួលសិទ្ធិធ្វើអាជីវកម្ម ភាស៊ីផ្សារថ្ម ខេត្តស្ទឹងត្រែង សម្រាប់ឆ្នាំ២០១៤ និង ទទួល បានហានិយភ័យយ៉ាងធ្ងន់ធ្ងរក្នុង ការធ្វើអាជីវកម្មដោយសារមន្ត្រី ពុករលួយមួយចំនួនបានដាក់ ពាក្យបណ្តឹងគោរពជូនឯកឧត្តម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីសុំ ជួយអន្តរាគមន៍ទប់ស្កាយ់ការ រំលោភសេចក្តីទុកចិត្តលើសៀវ ភៅបន្ទុកភាស៊ីនិងសុំទាមទារ សំណងបួនខែ គិតពីខែ កញ្ញា ដល់ខែធ្នូ ស្មើនឹង១៤០លានរៀល ព្រមទាំងសំណងជំងឺចិត្តខាត បង់ពេលវេលាចំនួន១០ម៉ឺន ដុល្លារ ។
បច្ចុប្បន្ន អ្នកស្រី ឯល ទីរៀម ដែលរងគ្រោះយ៉ាងអយុត្តិធម៌ ដោយបញ្ហាខាងលើបានសំណូម ពរយ៉ាងទទូចសុំ ឯកឧត្តម ឧប នាយករដ្ឋមន្ត្រីមេត្តាពន្លឿនដោះ ស្រាយពាក្យបណ្តឹងនិងរកយុត្តិ ធម៌ជូនអ្នកស្រីដែលជាអាជីវករ រកស៊ី ដោយសុច្ចរិត ទៀងត្រង់ គោរពច្បាប់រដ្ឋដែលកំពុងជួប ប្រទះនូវបញ្ហាហិរញ្ញវត្ថុដោយ សារការខាតបង់ខាងលើនិង បញ្ហា សតិអារម្មណ៍យ៉ាងធ្ងន់ធ្ងរ។
តាមពាក្យបណ្តឹងអ្នកស្រី ឯល ទីរៀម បានឱ្យដឹងថា លោកអភិបាលក្រុងស្ទឹងត្រែង ឈ្មោះ ប៊ុន ណារី និងអភិបាល រង ក្រុងឈ្មោះ លី មីណា ព្រម ទាំងមន្ត្រីថ្នាក់ខេត្តដែលបាន រំលោភលើសេចក្តីទុកចិត្ត និង កិច្ចសន្យាក្នុងការដេញភាស៊ី ដែលមាននៅក្នុងសៀវភៅបន្ទុក ភាស៊ីជាភស្តុតាងស្រាប់និងកេង ប្រវ័ញ្ចោញីសឈាមអ្នកស្រីនិង ប្រើអំពើហិង្សាដេញចាប់សម្ភារៈ បោះដាក់ឡាន និងយកគ្រឿង ចក្រឈូសឆាយដែលមានសកម្ម ភាពនៅក្នុងផ្សារថ្មជាប់ផ្សារ បន្លែ ឱ្យរងនូវការខាតបង់ ទ្រព្យ សម្បត្តិយ៉ាងធ្ងន់ធ្ងររបស់ប្រជា ពលរដ្ឋថែមទាំងដេញបងប្អូន អាជីវករ ព្រមទាំងរូបអ្នកស្រី ដែលជាម្ចាស់ភាស៊ីឱ្យចាកចេញ ពីកន្លែងដែលអ្នកស្រីជាប់កុងត្រា ជាមួយខេត្ត និងថ្នាក់ក្រុងពុំទាន់ ចប់នៃឆ្នាំកំណត់ឱ្យទៅនៅឆ្ងាយ ពីកន្លែងចាស់ ចំនួន ២គីឡូដី គឺ ទៅឱ្យនៅលើដីរបស់ឧកញ៉ា សា លាង ធ្វើឱ្យអ្នកស្រីជាម្ចាស់ ភាស៊ីគ្មានការគ្រប់គ្រងថវិកា ចំណូលប្រចាំថ្ងៃចាប់តាំងពីខែ សីហា កន្លងមក រហូតមកដល់ បច្ចុប្បន្ននេះធ្វើឱ្យបាត់បង់ថវិកា យ៉ាងធំនិងបាក់បែកឆ័ត្រសម្រាប់ ជួលដោយឆ័ត្រអ្នកស្រីមានចំនួន ៥២៨ឆ័ត្រ ដោយសារពួកគាត់ ថ្នាក់លើទាំងអស់នោះមិនគោរព ក្នុងកិច្ចសន្យាតាមលក្ខខណ្ឌ ច្បាប់ ។
អ្នកស្រីសូមបញ្ជាក់ថា មន្ត្រី សាលាក្រុងឈ្មោះ ប៊ុន ណារី ឱ្យចំ គឺអ្នកស្រីបានដេញភាស៊ី ចាប់តាំងពីថ្ងៃទី ០១ ខែមករា ឆ្នាំ២០១៤ រហូតដល់ថ្ងៃទី ៣១ ខែធ្នូ ឆ្នាំ២០១៤ ទើបដាច់កុង ត្រា ហើយការគ្រប់គ្រង គឺបាន ចែងនៅកុងបន្ទុកសៀវភៅភាស៊ី ដូចមានស្រាប់ចុះហេតុដូចម្តេច បានលោក ប៊ុន ណារី ជាចៅ ហ្វាយក្រុង បង្ខំឱ្យអ្នកស្រីបង់ ប្រាក់រៀងរាល់ខែក្រៅផ្លូវការ ចំនួនទឹកប្រាក់ មួយខែ ២.៧០ ០.០០០រៀល(ពីរលានចិត សិបម៉ឺនរៀល)ក្រៅប្រព័ន្ធយ៉ាង ដូច្នេះ ហេតុតែអ្នកស្រី ជាប្រជា ជនល្ងិតល្ងង់ខ្លៅដោយរក្សាសុខ ផងចេះតែបង់ជូនលោកអភិ បាលក្រុង រៀងរាល់ខែ នៅខែទី ៨ អ្នកស្រីទៅអង្វរគាត់ សុំបង់ ជូនលោក ១.០០០.០០០ រៀល(មួយលានរៀល)គាត់ក៏ ព្រមទទួលដោយគាត់ឃើញអ្នក ស្រីគ្មានចំណូល មកដល់ខែ ៩ អ្នកស្រីមិនទាន់បានបង់ជូនគាត់ ទេ ព្រោះត្រូវពួកគាត់ធ្វើបាប គ្មានកន្លែងលក់និងគ្មានកន្លែង ទារភាស៊ី ។
សារព័ត៌មានថ្ងៃនេះបានសរ សេរទៀតថា គម្រោងការអភិ វឌ្ឍន៍បង្ហាញនូវការរីកចំរើន ប៉ុន្តែបើគម្រោងនៃការអភិវឌ្ឍន៍ បានប៉ះពាល់ទៅដល់ផលប្រយោ ជន៍ ប្រជាពលរដ្ឋ និងអាជីវករ គួរតែអាជ្ញាធរមូលដ្ឋានរិះរកវិធី ណាមួយសមស្របដែលមិនធ្វើ ឱ្យប៉ះពាល់ដល់ផលប្រយោជន៍ ប្រជាពលរដ្ឋតាមគោលនយោ បាយឈ្នះ-ឈ្នះរបស់សម្តេចតេ ជោនាយករដ្ឋមន្ត្រីនៃព្រះរាជា ណាចក្រកម្ពុជា ទើបជាការ ប្រសើរ ។
នាពេលកន្លងមកក្នុង គម្រោងអភិវឌ្ឍន៍របស់លោក ឧកញ៉ា សា លាង នៅផ្សារ ប្ញស្សីថ្មី ក្រុងស្ទឹងត្រែង ដែល គាំទ្រ ដោយសមត្ថកិច្ចខេត្តត្រូវ បានប្រជាពលរដ្ឋតវ៉ាយ៉ាងច្រើន ព្រោះវាបានធ្វើឱ្យប៉ះពាល់ដល់ ផលប្រយោជន៍ប្រជាពលរដ្ឋអ្នក លក់ដូរក្រីក្រដែលគ្រាន់តែរកស៊ី លក់ដូរបានមួយក្រពះតែប៉ុណ្ណោះ ។
មតិសាធារណៈមានទស្សនៈ ថា អាជ្ញាធរខេត្តស្ទឹងត្រែង និង ដំណើរការរកយុត្តិធម៌ជូនអ្នកស្រី ឯល ទីរៀម អាជីវករ ដែលបាន ទទួលសិទ្ធិធ្វើអាជីវកម្មភាស៊ី ផ្សារថ្មឆ្នាំ២០១៤និងបានទទួល ហានិយភាពខ្ពស់ក្នុងការធ្វើអាជី វកម្ម ដោយសារការបណ្តេញ អ្នកលក់ដូរនៅក្នុងផ្សារថ្មជាប់ ផ្សារបន្លែខណៈកុងត្រាពុំទាន់ ផុតកំណត់ ។
ឯកឧត្តម កុល សំអុល អភិ បាលខេត្តស្ទឹងត្រែងត្រូវបាន ប្រជាពលរដ្ឋសរសើរលើស្នាដៃ ដឹកនាំរបស់ ឯកឧត្តម ក្នុងការ អភិវឌ្ឍន៍ខេត្តឱ្យរីកចម្រើនលើ គ្រប់វិស័យការកសាងសោភ័ណ ភាពទីក្រុងស្ទឹងត្រែងឱ្យមាន ភាពរីកស្រស់បំព្រងស្របតាម គោលនយោបាយរបស់រាជរដ្ឋា ភិបាល ។
ទន្ទឹមនិងនោះដែរមតិសាធា រណៈក៏រំពឹងថា ឯកឧត្តម អភិបាលខេត្តនិងពិនិត្យឡើងវិញនូវ ការខាតបង់ដ៏ធ្ងន់ធ្ងររបស់អាជីវ ករដែលទទួលសិទ្ធិធ្វើអាជីវកម្ម ប្រមូលភាស៊ីផ្សារថ្មឆ្នាំ២០១៤ ដោយសារការរៀបចំផ្សារតាម គម្រោងអភិវឌ្ឍន៍របស់ ខេត្ត និងសូមឱ្យក្រសួងមហាផ្ទៃជួយ ពន្លឿនដំណើរការដំណោះស្រាយ លើបណ្តឹងខាងលើនេះផង ។
សារព័ត៌មានយើងនឹងព្យា យាមសុំការពន្យល់ពីគ្រប់ភាគី ពាក់ព័ន្ធទាំងអស់ដើម្បីផ្សាយជូន សាធារណជនជ្រាបថាបន្តនៅ លេខក្រោយ ៕
ដោយ ៖ កែវ ចាន់ឌួង
