រាជធានីភ្នំពេញ ៖អាជ្ញាធរខណ្ឌជ្រោយចង្វារ សហការជាមួយមន្ត្រីជំនាញ កាលពីវេលាម៉ោងប្រហែលជាង៣និង០០នាទីរសៀលថ្ងៃទី២៥ ខែកញ្ញា ឆ្នាំ២០២០ ចុះទៅត្រួតពិនិត្យ ក្រោយពីមានបណ្តឹងរបស់ប្រជាពលរដ្ឋនាំគ្នាផ្តិតមេដៃប្តឹងទៅអាជ្ញាធរ ទីតាំងសត្តឃាតដ្ឋាន សេនគ្រីយ៉ា កុងស៊ីកាប់គោ ក្របី មួយកន្លែងស្ថិតនៅក្នុងមូលដ្ឋានខណ្ឌជ្រោយចង្វារ ដែលស្ថិតចំណុចនៅខាងជើងស្ពានលេខ៦ ចូលទៅក្នុងប្រហែលជាង១០០ម៉ែត្រពីផ្លូវជាតិលេខ៦ នៅក្នុងភូមិបាក់ខែង សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ ។ នៅក្នុងឱកាសចុះត្រួតពិនិត្យនោះដែរ គេបានសង្កេតឃើញប្រជាពលរដ្ឋដែលជាអ្នកធ្វើអាជីវកម្ម កាប់គោក៍បានមកប្រមូលផ្តុំគ្នានៅមុខសត្តឃាតដើម្បីធ្វើការគាំទ្រខាងកុងស៊ីផងដែរ ។
បើយោងតាមមតិយោបល់របស់លោកសេនគ្រីយ៉ាម្ចាស់ទីតាំងខាងលើបាន បញ្ជាក់ឲ្យដឹងថា ប្រជាពលរដ្ឋដែលបាននាំគ្នា ផ្តិតមេដៃប្តឹងទទួចសុំឲ្យអាជ្ញាធរសង្កាត់បាក់ខែងនិងខណ្ឌជ្រោយចង្វារជួយអន្តរាគមន៍ដោះស្រាយ នាពេលកន្លងមកនោះគឺជាពលរដ្ឋដែលត្រូវបានគេជួលឲ្យមកប្តឹងតវ៉ានៅមុខទីតាំងខាងលើនោះមានប្រហែលជាង៤០នាក់ក្នុងម្នាក់ៗទទួលបានថ្លៃឈ្នួលចំនួន២៥០០០រៀលហើយប្រជាពលដ្ឋទាំងអស់នោះសុទ្ធតែជាអ្នកមានលំនៅឋានឆ្ងាយៗពីកន្លែងកើតហេតុ(មានចំងាយប្រហែលជាង១គីឡូដីពីកន្លែងសត្តឃាតនោះ។
ប្រភពដ៏ដែលបានបន្តថា ចំណែកឯប្រជាពលរដ្ឋដែលរស់នៅជុំវិញទីតាំងខាងលើនោះពួកគាត់ពុំបានធ្វើការប្តឹងផ្តល់ពីកន្លែងអត្តឃាតនោះឡើយ។ហើយជាក់ស្តែងរដ្ឋបាលខណ្ឌជ្រោយចង្វារ បានអនុញ្ញាតអោយបន្តច្បាប់អាជីវកម្មទៀតដោយរដ្ឋបាលខណ្ឌជ្រោយចង្វារកាលពីថ្ងៃទី១០ខែកញ្ញាឆ្នាំ២០២០កន្លងមកនេះដែរ។
ក្រោយពីចុះត្រួតពិនិត្យរួចមកមន្ត្រីជំនាញ និងអាជ្ញាធរ បានបញ្ជាក់ឲ្យដឹងថា បើយោងតាមសភាពការណ៍ជាក់ស្តែងនឹងធ្វើរបាយការណ៍ជូនទៅថ្នាក់លើទៀត ។ ចំណែកលោកសេន គ្រីយ៉ា ក៍បានអះអាង ថាកុងស៊ីរបស់លោក ពុំមានការបង្កបរិស្ថានមិនល្អណាមួយដល់អ្នកជិតខាងនោះឡើយ៕
