ខេត្តបាត់ដំបង ៖ ទោះបីមជ្ឈ ដ្ឋានប្រជាពលរដ្ឋក៏ដូចជាប្រព័ន្ធ ផ្សព្វផ្សាយបានធ្វើការរិះគន់ ចំពោះល្បែងភ្នាល់ទឹកភ្លៀង ដែលកំពុងមានសកម្មភាពយ៉ាង គគ្រឹកគគ្រេងនៅក្រុងបាត់ដំបង ក៏លោក ច័ន្ទ សុផល អភិបាល នៃគណៈអភិបាលខេត្ត បាត់ដំបង បិទភ្នែកសម្ងំស្ងៀមបណ្តោយឱ្យ ល្បែងភ្នាល់ទឹកភ្លៀងមានដំណើរ ការយ៉ាងអនាធិបតេយ្យលើសពី ឆ្នាំមុនៗដោយមានឈ្មោះ តាល់ ជាអ្នករត់ការនិងកាងដ៏មានឥទ្ធិ ពលចេញមុខដោយសេរីជញ្ជក់ ឈាមប្រជាពលរដ្ឋដែលវក់វង្វេង និងល្បែងភ្នាល់មេឃខាងលើ គ្មានត្រាប្រណី ។
ប្រជាពលរដ្ឋនាំគ្នារិះគន់ ទៀតថា ក្នុងនាមជាប្រធាន គណៈបញ្ជាការឯកភាពខេត្ត លោក ច័ន្ទ សុផល អភិបាលនៃ គណៈអភិបាលខេត្តបាត់ដំបង បានបំភ្លេចពាក្យសន្យារបស់ខ្លួន នៅពេលដែលឡើងកាន់តំណែង ជាអភិបាលខេត្តថានឹងអនុវត្តន៍ នូវ គោលការណ៍ភូមិ-ឃុំមាន សុវត្ថិភាព ឱ្យបានជោគជ័យ តែ ពេលនេះអភិបាលខេត្តបាត់ដំបង បានទទួលបរាជ័យយ៉ាងធ្ងន់ធ្ងរ ក្នុងការបង្ក្រាបបនល្បែងភ្នាល់ ទឹកភ្លៀងប្រការនេះបណ្តាលឱ្យ ប្រជាពលរដ្ឋដាក់ការសង្ស័យថា លោក ច័ន្ទ សុផល អាចបាន ទទួលលាភសក្ការៈពីអ្នករត់ការ បើកបនល្បែងភ្នាល់ទឺកភ្លៀង ឬមួយក៏ខ្លាចញញើតមន្ត្រីនៅពី ក្រោយបនល្បែងដែលគេដឹងថា មានមន្ត្រីនគរបាលខេត្តមួយរូប និងមន្ត្រីប៉េអឹមមួយរូបដែលឈរ កាងទៀតទើបមិនបង្ក្រាបបន ល្បែងខាងលើ ។
ប្រជាពលរដ្ឋនិយាយបន្ថែម ថា ដោយសារតែភាពកំសោយ របស់អភិបាលខេត្តរួមនឹងការ គ្រប់គ្រងធូររលុងសែនយ៉ាប់ របស់ស្នងការនគរបាលខេត្តនិង មេបញ្ជាការកងរាជអាវុធហត្ថ ខេត្តទើបបណ្តោយឱ្យពួកសង្គម ងងឹតបើកល្បែងភ្នាល់ទឹកភ្លៀង យ៉ាងអនាធិបតេយ្យនៅតំបន់ ស្រែ ១០០ ភូមិ-សង្កាត់ចំការ សំរោង ក្រុង-ខេត្តបាត់ដំបង ។
សេចក្តីរាយការណ៍មួយពី ខេត្តបាត់ដំបងឱ្យដឹងថាមានមន្ត្រី ប៉ូលិសថ្នាក់នាយការិយាល័យនៃ ស្នងការដ្ឋាននគរបាលខេត្តមួយ រូបនិងថ្នាក់មេបញ្ជាការរងកង រាជអាវុធហត្ថខេត្តផងដែរ រត់ ការបើកល្បែង(ទឹកភ្លៀងធួរ អាប៉ោង)ដោយឱ្យឈ្មោះ តាល់ ជាអ្នកចេញមុខបើកលេងយ៉ាង អនាធិបតេយ្យ ចាប់ពីខែមេសា ឆ្នាំ២០១៥ មកដល់ពេលនេះ ។
ឈ្មោះ តាល់ នេះអួតចេញ យក្សថាទោះបីប្រព័ន្ធផ្សព្វផ្សាយ ចុះផ្សាយល្បែងភ្នាល់ទឹកភ្លៀង ជាបន្តបន្ទាប់ ក៏ពួកគេមិនឈឺ ក្បាលដែរព្រោះគេរត់ការអ្នកធំ នៅខេត្តរួចអស់ហើយ ។
តាមប្រភពបានឱ្យដឹងថា ឈ្មោះ តាល់ និងឈ្មោះ ត្នោត ជុំ គ្រាន់តែជាកូនដៃប្រមូលប្រាក់ បង់អោយជំនាញប៉ុណ្ណោះ ។ ចំណែកអ្នកចូលរួមដេញថ្លៃបង់ សៃយ៉ុងមាន ៣ ទៅ ៤នាក់ នៅ ពីក្រោយឈ្មោះ តាល់ ហើយ មេធំដេញសៃយ៉ុងកាន់កាប់បាន មានឈ្មោះ រិទ្ធ ហៅ ៨០០ ។
ចំណែកមេធំៗជាអ្នករត់ ការឱ្យលេងមាននាយការិយា ល័យនៃស្នងការដ្ឋាននគរបាល ខេត្តនិងមេបញ្ជាការរងកងរាជ អាវុធហត្ថខេត្ត ។ ការបើកឱ្យ លេងល្បែងទឹកភ្លៀងបើគ្មាន សមត្ថកិច្ចទាំង ២នាក់នេះទេ គឺ មិនអាចបើកលេងបានឡើយ ហើយអ្នកលេងល្បែងទាំងអស់ បើមានការអះអាងពីឈ្មោះអ្នក ធំទាំងពីរនោះទើបហ៊ានទៅ លេង ព្រោះធានាថា សមត្ថកិច្ច មិនចុះចាប់ឡើយ ។
ប្រជាពលរដ្ឋសំណូមពរសុំ ឱ្យឯកឧត្តម ស ខេង ឧបនាយក រដ្ឋមន្ត្រី រដ្ឋមន្ត្រីក្រសួងមហាផ្ទៃ នាយឧត្តមសេនីយ៍ នេត សាវឿន អគ្គស្នងការនគរបាលជាតិ នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថ លើផ្ទៃប្រទេស ជួយចេញបទ បញ្ជាបង្ក្រាបបនល្បែងភ្នាល់ទឹក ភ្លៀងខាងលើផង មួយវិញទៀត សូមលោក ច័ន្ទ សុផល អភិបាល ខេត្តបើកភ្នែកឡើងវិញព្រមទាំង មានវិធានការណ៍ក្តៅកំចាត់ពួក ជនសង្គមងងឹតកាងបនល្បែង លើកកម្ពស់គោលនយោបាយ ភូមិ-ឃុំមានសុវត្ថិភាពជូនប្រជា ពលរដ្ឋ ៕
