ស្រុកបូទុមសាគរ ៖ សហគមន៍នៅភូមិតាមាឃ ឃុំអណ្តូង ទឹក ស្រុកបូទុមសាគរ ខេត្តកោះ កុង ឈ្មោះ នក រ៉ែម ជាប្រធាន សហគមន៍ទាំងបីភូមិ ១-ភូមិ តាមាឃ, ២-ភូមិតាអុក និង ភូមិប្រទាល ។ ប្រជាពលរដ្ឋទាំងបីភូមិប្រមូលគ្នាមានមនុស្ស ៦៨នាក់ មកតវ៉ាដល់ផ្ទះប្រធានសហគមន៍ ដើម្បីសួរថា បង្កើតសហគមន៍ ដើម្បីប្រជាពលរដ្ឋឬដើម្បីខ្លួនឯង ? ។
ប្រជាពលរដ្ឋមកជួបជុំ និយាយថា ប្រធានសហគមន៍ លោក នក រ៉ែម ពេលចុះទៅធ្វេ កីរាក្នុងសមុទ្រឬទៅបង្ក្រាបបទ ល្មើសលោក នក រ៉ែម នេះមិន ដែលឱ្យប្រជាពលរដ្ឋចូលរួមទេ មានតែគ្នាគេបួននាក់ ១-ឈ្មោះ នក ឆាយ ជាបងប្រុសជាតៃកុង អូរប័រ,២-មាន ហួត, ៣-ជាង ធឿន និងលោក នក រ៉ែម ជា ប្រធានសហគមន៍រូបនេះក្អេង ក្អាងខ្លាំងណាស់នេះជាសំដីរាយ ការណ៍របស់ប្រជាពលរដ្ឋ ។
ពេលមានហេតុការណ៍នៅមុខ ផ្ទះលោកប្រធានសហគមន៍មាន ប្រជាពលរដ្ឋបានគេហៅអ្នក សារព័ត៌មានទៅថត ដើម្បីយក ព័ត៌មានពេលទៅដល់ឈ្មោះ នក រ៉ែម និយាយថា អាហ្អែង មកថតអីអ្នកណាហៅហ្អែងមក អាហ្អែងគ្មានសិទ្ធមកថតទេ យី អានេះហ្អែងប្រយ័ត្នប្រធានសហ គមន៍លោក នក រ៉ែម នេះក្អេង ក្អាងពិតមែនមិនចេះច្បាប់ទម្លាប់ ទេ អាងខ្លួនជាអ្នកមានលុយធំ នៅក្នុងភូមិតាមាឃ ។
ប្រជាពលរដ្ឋនិយាយថា មេសហគមន៍លោក នក រ៉ែម នេះធ្វើមេយូរហើយមានលុយ ណាស់ ។ ចំណែកប្រជាពលរដ្ឋ មកផ្ទះលោក រ៉ែម រយៈពេល ជាងមួយម៉ោងមិនមានការបក ស្រាយឱ្យច្បាស់នោះទេមានតែ ការចែកផ្លូវគ្នាប៉ុណ្ណោះ ។ ពេល នោះឮដល់លោកមេឃុំ ហ៊ី តាន់ ជាមេឃុំអណ្តូងទឹកបន្ទាប់មក អ្នកសារព័ត៌មានយើងបានតេទូរ ស័ព្ទទៅលោកមេឃុំតើលោក មេឃុំដឹងរឿងនេះឬអត់ គាត់ថា គាត់កំពុងធ្វើដំណើរទៅ ។
ពេលលោកមេឃុំ ហ៊ី តាន់ មកដល់គាត់សួរថា នាំគ្នាមកធ្វើ អីមានគ្នាច្រើនម្លេះបើមានរឿង សួរមកលោកមេឃុំនិងដោះ ស្រាយជួនភ្លាម ។
ពេលនេះមានប្រជាពលរដ្ឋ ម្នាក់ឈ្មោះ ខាន់ ថា អាយុ២៨ ឆ្នាំ នៅភូមិតាអុកក្នុងចំណោម ប្រជាពលរដ្ឋ ៦៨នាក់ បានប្រាប់ ថាគ្មានអ្នកណាជាតំណាងទេគឺ ប្រមូលគ្នាមកសួរមេសហគមន៍ លោក នក រ៉ែម សួរថា បង្កើត សហគមន៍ដើម្បីខ្លួនឯងឬដើម្បី ប្រជាពលរដ្ឋ ? បើមួយឆ្នាំ ប្រធានសហគមន៍មិនដែល ប្រមូលប្រជាពលរដ្ឋណាមក មានមតិយោបល់និយាយគ្នាតែ បក្ខពួកបួន-ប្រាំនាក់គ្នាគេសោះ ។ ពេលនេះលោកមេឃុំបានបក ស្រាយជូនប្រជាពលរដ្ឋស្តាប់ពី រឿងច្បាប់សហគមន៍ពីរឿង ច្បាប់នេសាទក្នុងសមុទ្រ ពីរឿង ច្បាប់ចិញ្ចឹមគ្រែងឈាមធ្វើស៊ុម គ្រែង និងច្បាប់ផ្សេងទៀត ជា លក្ខណៈគ្រួសារ ។ ពេលនោះ លោកមេឃុំបានបកស្រាយជូន ប្រជាពលរដ្ឋបានដឹងរួចប្រជា ពលរដ្ឋក៏ត្រឡប់មកវិញរៀងខ្លួន។
បើតាមសំដីរបស់លោកមេ ឃុំ ហ៊ី តាន់ ថា លោកប្រធាន សហគមន៍ នក រ៉ែម អន់ ណាស់ លោកមេសហគមន៍ឈ្មោះ នក រ៉ែម នេះគួរតែថ្នាក់លើយកទៅ ដុះក្អែលចេញម្តងហើយ បើមិន ដូច្នេះទេនឹងខូចកេរ្តិ៍ឈ្មោះអាជ្ញា ធរឃុំ-ស្រុក-ខេត្តអស់ ដែល លោកខំធ្វើល្អនាពេលកន្លងមក ។
ប្រជាពលរដ្ឋបានអរគុណ លោកមេឃុំដែលបានចុះមកទាន់ ពេលវេលាបកស្រាយជូនពួក គាត់ ៕ ដោយ ៖ យួន ឈីវ
