ខេត្តកោះកុង ៖ បន្ទាប់ពីលោក យួន ឈីវ ចាងហ្វាងគេហទំពរ័ កោះកុងព័ត៌មានទាន់ហេតុការណ៏បានរាយការណ៏ពីដីព្រៃលិចទឹក ដីព្រៃកោងកាង ដីព្រៃភ្នំ ដែលជាសម្បត្តិរដ្ឋនៅឃុំថ្មស ស្រុកបុទុមសាគរ ខេត្តកោះកុង ត្រូវបានបំផ្លិចបំផ្លាញ ស្រាប់តែពួកមេខ្យល់និងពួកឈ្មួញដើរទីញដីខុសច្បាប់ឃុបឃិតនិងមេភូមិ៤ភូមិ ដើរបំផុសពលរដ្ឋផ្តិតមេដៃប្តឹងលោក យួន ឈីវ ទៅមន្ទីបរិស្ថានខេត្តកោះកុងចោទថាបាននាំកម្លាំងកម្ករទៅកាប់ដីព្រៃរដ្ឋ នៅចំនុចព្រៃរាក់ ចំនួន៤០ហិចតាទៅវិញ។
ដើម្បីកាពារកិត្តិយស ភាពស្អាតស្អំ និងកុំឲ្យមតិសាធារណជនមានការយល់ច្រឡំ នៅថ្ងៃទី០៩ ខែកញ្ញា ឆ្នាំ២០២០ លោក យួន ឈីវ បានធ្វើសន្និសិទកាសែតនៅខេត្តកោះកុង ដើម្បីបកស្រាយការពិត ដោយលោក យួន ឈីវ បានបដិសេធទាំងស្រុងចំពោះការចោទប្រកាន់របស់មេភូមិទាំងបួននាក់នោះ រួមមាន៖
១មេភូមិឈ្មោះ សន ចេច មេភូមិស្រែថ្មី ឃុំថ្មស ស្រុកបុទុមសាគរ ខេត្តកោះកុង។
២មេភូមិឈ្មោះ ជា សុថាវីរិទ្ធ មេភូមិថ្មស ឃុំថ្មស ស្រុកបុទុមសាគរ ខេត្តកោះកុង។
៣មេភូមិឈ្មោះ ស៊ីម សុឃិន មេភូមិចំលងគោ ឃុំថ្មស ស្រុកបុទុមសាគរ ខេត្តកោះកុង។
៤មេភូមិឈ្មោះ ហឿង ហៃ មេភូមិធ្នង់ ឃុំកណ្តោល ស្រុកបុទុមសាគរ ខេត្តកោះកុង។
ទន្ទឹមនោះដែរ នៅក្នុងសន្និសិទសារព័ត៌មានខាងលើ មេភូមិធ្នង់ឈ្មោះ ហឿង ហៃ បានធ្វើការបដិសេធហត្ថលេខារបស់លោក នៅក្នុងការចុហត្ថលេខាប្តឹងលោក យួន ឈីវ ដោយលោកបញ្ជាក់ថា លោកបានចាញ់បញ្ឆោតមេខ្យល់មានឈ្មោះ លិន លី ដែលកានក្រដាស់មានស្នាមមេដៃជាច្រើននាក់មកអោយគាត់ជួយចុះហត្ថលេខានៅលើលិខិតដែលឈ្មោះ លិន លី នោះយកមក ហើយឈ្មោះ លិន លី នេះបានប្រាប់គាត់ថា ស្នាមមេដៃនេះគាត់យកពីស្រុកមក នេះជាការលើកឡើងរបស់មេភូមិធ្នង់។
សូមបញ្ជាក់ថាឈ្មោះ លិន លី រស់នៅក្នុងភូមិប្រលាន ឃុំកណ្ដោល ស្រុកបុទុមសាគរ ខេត្តកោះកុង។
លោក យួនឈីវ បានឲ្យដឹងថា និងដាក់ពាក្យបណ្តឹង មេភូមិថ្មស មេភូមិស្រែថ្មី មេភូមិចំលងគោ មេខ្យល់រួមនិងអ្នកពាក់ព័ន្ធ នៅក្នុងការផ្ដឹតមេដៃប្តឹងរូបលោកនេះ ព្រោះនេះជាករណីឃុបឃឹតគ្នាជាប្រពន្ធ័ មន្រ្តីអាជ្ញាធរមូលដ្ឋានពុករលួយ ឃុបឃិតជាមួយឈ្មួញលក់ដីព្រៃរបស់រដ្ឋ និងបែរជាទំលាក់កំហុសលើអ្នកកាសែត។
សូមរំលឹកថា កាលពីថ្ងៃទី៣ ខែកក្តដា ឆ្នាំ២០២០ លោកជំទាវ មិថុនា ភូថង អភិបាលខេត្តកោះកុង បានចេញលិខិតជូនដំណឹងគ្រប់ភូមិឃុំ ស្រុកខេត្តទាំងអស់ ដោយបញ្ជាក់ច្បាស់ៗថា ប្រជាពលរដ្ឋទាំងអស់គ្នាមិនត្រូវកាប់ទន្ទ្រានដីព្រៃរបស់រដ្ឋទេ បើសិនប្រជាពលរដ្ឋនោះ កាប់នឹងត្រូវប្រឈមនឹងផ្លូវច្បាប់ ហើយអាចជាប់គុកទៀត។
ហើយកាលពីថ្ងៃទី២៨ ខែសីហា ឆ្នាំ២០២០ លោកជំទាវ មិថុនា ភូថង អភិបាលខេត្ត មានប្រសាសន៍នៅក្នុងកាប្រកាសតែងតាំងលោកអភិបាលស្រុក គីរីសាគរ ដោយលោកជំទាវលើកឡើងប្រាប់ប្រជាពលរដ្ឋនៅទីនោះថា មិនអោយកាប់ដីព្រៃទេ មិនថាមន្ត្រីរាជការឬប្រជាពលរដ្ឋទេ គឺត្រូវតែមានទោស ជាប់ពន្ធនាគារទាំងអស់៕
