ខេត្តបន្ទាយមានជ័យ ៖ លោកវរសេនីយ៍ ធិន ស៊ិនដេត អធិការនគរបាលក្រុងប៉ោយប៉ែតបានអោយដឹងកាលពីព្រឹកថ្ងៃទី១០ ខែកញ្ញា ឆ្នាំ២០២០ថា ៖ វេលាខាងលើមានឈ្មោះ ឌិន ពុទ្ធី ហៅ ម៉ង់ ពុទ្ធី ភេទប្រុស អាយុ៤៣ឆ្នាំ រស់នៅភូមិមិត្តភាព សង្កាត់ ក្រុងប៉ោយប៉ែត ខេត្តបន្ទាយមានជ័យ ជាប្រធានសមាគមពង្រឹងសេដ្ឋកិច្ចក្រៅប្រព័ន្ធ បានដឹកនាំប្រជាពលរដ្ឋ ជាកម្មករចំនួន២០នាក់ ក្នុងនោះស្រី ៧នាក់ ពាក់អាវពណ៍ស មានដាក់ពាក្យស្លោកថា (អរគុណសន្តិភាព ខ្ញុំសុំរស់ផង) បាននាំគ្នាដើរហែរជាក្បួន ចេញពីផ្លូវដើមពុទ្រាទៅកាន់ផ្លូវជាតិលេខ៥ មុខសណ្ឋាគារស៊ីធី គោលដៅទៅកាន់ច្រកទ្វារអន្តរជាតិប៉ោយប៉ែត ក្នុងភូមិក្បាលស្ពាន១ សង្កាត់ ក្រុងប៉ោយប៉ែត ។
យោងអ្នករៀបចំក្បួនតវ៉ានិងសំណូមពរបានអោយដឹងថា ៖ គោលបំណងទាមទា អោយបើកច្រកទ្វារព្រំដែនអន្តរជាតិប៉ោយប៉ែត ឡើងវិញ ។ ឆ្លើយតបនឹងរូបភាពបាតុកម្មអហឹង្សារ ហើយដើម្បីជីវភាពពលករ កម្មករដែលជួបការលំបាកជីវភាពក្នុងអំឡុងការរីករាលដាលនៃជម្ងឺកូវីត១៩នេះ លោកគាត់ ហ៊ុល អភិបាលក្រុងប៉ោយប៉ែត បានដឹកនាំកងកម្លាំងសមត្ថកិច្ច ចុះធ្វើការទប់ស្កាត់បំបែក ហើយអោយអោយវិលត្រឡប់ទៅកាន់លំនៅដ្ឋានវិញ។ប៉ុន្តែនោះ សមត្ថកិច្ចបានឃាត់ខ្លួនសមាជិកម្នាក់នៃសមាគមនេះមកសួរនាំរកមូលហេតុ រកមុខអ្នករៀបចំនិងធ្វើកិច្ចសន្យាផងដែរ ។
នគរបាលក្រុងប៉ោយប៉ែតបានឃាត់ខ្លួនមកសួរនាំខ្លីនូវឈ្មោៈ ស៊ឹម វណ្ណៈ គឺជាក្រុមរបស់ ឌិន ពុទ្ធី ដែលធ្លាប់ ស្នើរសុំធ្វើបាតុកម្មបើកច្រក កាលពីថ្ងៃទី១ មិថុនា ដល់ថ្ងៃទី៧ មិថុនា ឆ្នាំ២០២០ កន្លងមក ។
សូមរំលឹកថា ថ្មីនេះក្រសួងមហាផ្ទៃបានចេញប្រកាសថាក្រុមយុវជនខ្មែរថាវរៈនិងក្រុមសមាគមមាតាធម្មជាតិធ្វើសកម្មភាពខុសច្បាប់ គ្មានការអនុញាតិពីក្រសួងនេះនិងអាជ្ញាធរមានសមត្ថកិច្ច ។ ក្នុងនោះ សមត្ថកិច្ចបានឃាត់ខ្លួនយុវជនឈ្មោថា ឡារី និងកញ្ញាសូ មេត្តានៃក្រុមយុវជនខ្មែរថាវរៈ កាលពីថ្ងៃទី៧ខែកញ្ញរួចបញ្ជូនទៅឃុំខ្លួននៅពន្ធនាគារព្រៃស រាជធានីភ្នំពេញ ៕
