ខេត្តកំពង់ឆ្នាំង ៖ ឃុំក្រាំង ស្គារមានចំនួន ១៣ភូមិ ស្ថិតនៅ ក្នុងភូមិសាស្ត្រស្រុកទឹកផុស ខេត្ត កំពង់ឆ្នាំង កន្លងទៅរឿងវិវាទ ដីធ្លីរវាងប្រជាពលរដ្ឋនិងបញ្ជា ការដ្ឋានកងកាំភ្លើងធំដែលមាន ទីតាំងនៅចំណុចរ៉ាស្លាត ត្រូវ បានឧត្តមសេនីយ៍ទំនើង នួន វិចិត្រ ធ្វើការរំលោភបំពានយក ដីស្រែប្រជាពលរដ្ឋចំនួន ៥០ ហិកតា ស្មើនឹង ៤៥គ្រួសារ ដី ក្បាលស្រែ ចំនួន ៧៧ហិកតា ដី ព្រៃ កាប់រានចំនួន ៥៩ហិកតា ស្មើនឹង ៣១គ្រួសារ ផ្អែកតាម ការបោះបង្គោលព្រំនិងការជីក កាយដីព្រំរបស់កងកាំភ្លើងធំ មានផ្ទៃ ដីឡើងដល់ ៣០៤០ ហិកតា លើសពីផ្ទៃដីកំណត់ ក្នុង ស.ជ.ណ ៤០ហិកតា ។
ដី ៣០០០ហិកតា របស់ បញ្ជាការដ្ឋានកងកាំភ្លើងធំគ្រប ដណ្តប់លើដីសម្បទានសេដ្ឋកិច្ច របស់ក្រុមហ៊ុនភាពពីម៉ិចទំហំ ២២៧៩ហិកតាគឺគម្របព្រៃឈើ ឆ្នាំ២០០២ ទំហំ ៦៥៨ហិកតា ដីដែនជម្រកសត្វព្រៃភ្នំឱរ៉ាល់ ទំហំ ៦៣ហិកតា នេះមន្ទីររៀប ចំដែនដីនគរូបនីយ៍កម្ម សំណង់ និងសុរិយោដីខេត្តក្រុមការងារ ចម្រុះខេត្តបានចុះទៅពិនិត្យដី បញ្ជាការដ្ឋានកងកាំភ្លើងធំ កាលពីថ្ងៃទី ០៥-០៦ ខែសីហា ឆ្នាំ២០១៤ ប៉ុន្តែ បញ្ជាការដ្ឋាន កងកាំភ្លើងធំមានទំហំត្រឹមតែ ៣០០០ហិកតា ប៉ុណ្ណោះ ដែល បានកំណត់តាមផែនទីឧបសម្ព័ន្ធ នៃ ស.ជ.ណ លេខ ១៥១២ ចុះ ថ្ងៃទី ៥ ខែធ្នូ ឆ្នាំ២០១១ របស់ ទីស្តីការគណៈរដ្ឋមន្ត្រី ។
យោងតាមប្រភពពីប្រជាពលរដ្ឋដែលមានទីលំនៅភូមិ ដំណាក់អំពិលបានបង្ហើបប្រាប់ អ្នកយកព័ត៌មានឱ្យដឹងថាកាលពី ថ្ងៃទី ០៤-០៥ ខែឧសភា ឆ្នាំ ២០១៥ វេលាង៉ោ ៨ និង៣៦ នាទីព្រឹក បច្ចុប្បន្នត្រូវបានឧត្តម សេនីយ៍ទោ នួន វិចិត្រ រួម និង មន្ត្រីតុលាការមួយរូបផងដែរ បានឃុបឃិតគ្នាជាមួយអាជ្ញាធរ ភូមិ-ឃុំ ស្រុក និងខេត្ត ហ៊ុំព័ទ្ធ វាស់វែងដីព្រៃរបស់រដ្ឋ ប្រហែល ៥០០ហិកតានៅចំណុចភ្នំក្បាល ខ្លា ហើយកំពុងធ្វើការឈូស ឆាយក្នុងគោលបំណងសម្រាប់ ទុកលក់ឱ្យឈ្មួញឈ្មោះ ព្រហ្ម ហ៊ួយ នៅភូមិតាជេស ឃុំតា ជេស ស្រុកកំពង់ត្រឡាច ខេត្ត កំពង់ឆ្នាំង ដែលជាមេឈ្មួញដើរ រៀបចំទិញដីទុកលក់ឱ្យក្រុមហ៊ុន ចិន ។
ទន្ទឹមនឹងនោះ នួន វិចិត្រ បានបញ្ជាឱ្យកូនចៅដាក់ប៉ុស្តិ៍នៅ ចំណុចទឹកចែកដែលមានកាំ ភ្លើងធុន គៅ ២ដើម សម្រាប់ គំរាមទារលុយពីប្រជាពលរដ្ឋ ដុតធ្យូង ក្នុងម្នាក់ចំនួន ៣ម៉ឺន រៀល និងរទេះដឹកឈើចំនួន ១ ម៉ឺនរៀល គោយន្ត និងរទេះដឹក ប្ញស្សីឃ្លៃ ក្នុងម្នាក់ចំនួន ៥ពាន់ រៀល គឺយកជាប្រចាំថ្ងៃឱ្យតែ ធ្វើដំណើរឆ្លងកាត់តំបន់នោះ ។
ចំណែកក្រុមបរិស្ថានការ ពារដែនជម្រកសត្វព្រៃក៏បានកុង ត្រូលគំរាមទារប្រាក់ពីប្រជាពល រដ្ឋដុតឡធ្យូងក្នុងម្នាក់ ១០ម៉ឺន រៀល រទេះដឹកឈើក្នុងម្នាក់ ៣ម៉ឺនរៀល ឈរជើងនៅចំណុច រណបគុយ ៕
