ក្រុងប៉ោយប៉ែត ៖ នៅចំណុច រង្វង់មូលច្រកទ្វារអន្តរជាតិ ប៉ោយប៉ែតមតិប្រជាពលរដ្ឋបាន ឱ្យដឹងថា ភ្ញៀវទេសចរចូលមក ទស្សនាប្រទេសកម្ពុជាមានការ រអ៊ូរទាំថាបានយកលុយក្នុងភ្ញៀវ មួយម្នាក់ គឺចំណតរថយន្ត អូហ្វេសធីម្នាក់ ៤០០០រៀល និង សូជីង ចំនួន ១០០០០រៀល ហើយគ្មានតារាងកំណត់ពេល វេលាចេញទៅខេត្តសៀមរាប ដោយក្រុមហ៊ុនទេសចរ គ្មាន ភាពទទួលខុសត្រូវធ្វើតាមតែ អំពើចិត្តរបស់ក្រុមហ៊ុននីមួយៗ ហើយនឹងលក់ភ្ញៀវទេសចរណ៍ ក្នុងចំណតរថយន្តឱ្យតាក់ស៊ី ៣០ដុល្លារ ក្រុមហ៊ុនបាន ១២ ដុល្លារ ហើយ(ដប់ពីរដុល្លារ) ចែកគ្នាស៊ី និងមានការដូរលុយ ប្រាក់បំបាត់លុយភ្ញៀវទេសចរ មានការយឺតយ៉ាវការធ្វើដំណើរ ពីរង្វង់មូលច្រកទ្វារអន្តរជាតិ ប៉ោយប៉ែតទៅចំណតនីមួយៗ ។
ដោយសារបញ្ហាទាំងអស់ នេះភ្ញៀវទេសចរមានការរអ៊ូរទាំ យ៉ាងខ្លាំងទៅលើក្រុមហ៊ុនស៊ី ភ្ញៀវក្រៅប្រទេសតាមច្រកទ្វារ អន្តរជាតិប៉ោយប៉ែត ជាច្រើន និងបានសម្តែងការមិនពេញចិត្ត ទៅលើសមាគមដឹកជញ្ជូនភ្ញៀវ មានការយឺតយ៉ាវធ្វើឱ្យប៉ះ ពាល់ ដល់សតិអារម្មណ៍ភ្ញៀវទេសចរ ចូលមកទស្សនាប្រទេសកម្ពុជា។
លោកអភិបាលរងខេត្ត បន្ទាយមានជ័យ អ៊ុំ រាត្រី និង ជង់ ឡឹម ប្រធានមន្ទីរទេសចរ ខេត្តបន្ទាយមានជ័យបានប្រាប់ អ្នកកាសែតតាមទូរស័ព្ទថា ចំណតសូជីង និងអូហ្វេសធី និង សមាគមដឹកភ្ញៀវទេសចរច្រក ទ្វារអន្តរជាតិប៉ោយប៉ែតថា យឺត យ៉ាវដូរលុយមិនត្រឹមត្រូវនិងការ លក់ភ្ញៀវទេសចរទៅខេត្តសៀម រាបនិងតារាងកំណត់ពេលវេលា ធ្វើដំណើរមិនមាន រឿងនេះទេ បើជាសិនជាអ្នកមានហេតុការ នេះកើតឡើងលោកមានមន្ត្រី ជំនាញនៅទីនោះស្រាប់មិន ពិបាកទេ ? និងមានគណៈកម្មការថ្នាក់ខេត្តនិងក្រសួងមានការ ប្រជុំជាបន្ទាន់ ។
គេនៅចាំបានថា កាល លោក គោ ស៊ុមសារឿត នៅ ធ្វើជាអនុរដ្ឋលេខាធិការក្រសួង ទេសចរណ៍លោកបានដឹងរឿង នេះដែរ ប៉ុន្តែលោកថានៅឆ្ងាយ ពីដៃ ឥឡូវលោក គោ ស៊ុមសា រឿត បានមកធ្វើជាអភិបាល ខេត្តបន្ទាយមានជ័យ បែជាភ្លេច រឿងនេះទៅវិញបណ្តោយឱ្យ ចាប់ជម្រិតភ្ញៀវទេសចរជាដដែល អាចថាជាផលប្រយោជន៍របស់ លោកអភិបាលខេត្តទេដឹងហើយ បញ្ហាអសកម្មនេះអាចជាឆ្នាំង បាយរបស់លោក ថោង ខុន រដ្ឋមន្ត្រីក្រសួងទេសចរណ៍ផង ដែរ ។ បើក្រឡេកទៅខាងដីថៃ គេពុំមានសមាគមស្អីគេចាប់ ជម្រិតភ្ញៀវទេសចរដូចខាង ប៉ោយប៉ែតនោះឡើយគេអាចរក រថយន្តធ្វើដំណើរដោយសេរី ប្លែកអីតែខាងកម្ពុជាបើកចំហរ ជើងមេឃតែបែជាចាប់ជម្រិត ភ្ញៀវទេសចរទៅវិញ ។
ដូច្នេះ ក្រសួងគួរលុបចោល សមាគមដឹកជញ្ជូនភ្ញៀវទេសចរ និងចំណតទាំងពីរ គឺសូជីង និង អូហ្វេសធី ដែលរដ្ឋបង្កើតដើម្បី ធ្វើឱ្យបាត់បង់ប្រយោជន៍ជាតិ ទាំងមូល ។ ដូច្នេះគួរ ឯកឧត្តម ឱម យ៉ិនទៀង ប្រធានអង្គភាព ប្រឆាំងអំពើពុករលួយមេត្តា ស្រាវជ្រាវទង្វើដ៏អាក្រក់របស់ ក្រុមហ៊ុនសូជីង និងអូហ្វេសធី កុំឱ្យប្រទេសជាតិអាប់ឱនលើ ឆាកអន្តរជាតិដែលប្រទេសអច្ឆរិយៈ ៕
ដោយ ទន់ ហួន
