ក្រុងប៉ោយប៉ែត ៖ នៅព្រឹកថ្ងៃទី២៨ ខែសីហា ឆ្នាំ២០២០ ផ្លូវចាក់ថ្មម៉ិច១ខ្សែប្រវែង៤ ៨០០ម៉ែត្រ ចាប់ពីផ្លូវជាតិលេខ៥ ឆ្ពោះទៅ វត្តរតនសុខសាន្ត អូរខៃដន ត្រូវបានលោក គាត ហ៊ុល អភិបាលនៃគណ:អភិបាលក្រុងប៉ោយប៉ែត នាំយកគ្រឿងចក្រផ្ទាល់ខ្លួន និងដឹកនាំក្រុមការងារចុះឈួសឆាយនិងចាក់ថ្មម៉ិចជូនប្រជាពលរដ្ឋរស់នៅភូមិសុខសាន្តសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។ ហើយក្នុងនោះផងដែរក្រុមហ៊ុន ឆាយឆាយអ៊ិនវេសមិន តំណាងដោយលោក ជា គឹមឈុន បានជួយគ្រឿងចក្រពីរគ្រឿងបន្ថែមទៀត សំរាប់ឈួសឆាយអោយឆាប់រួច ហើយ ព្រមទាំងមានការចូលរួមពីរសប្បុរសជនថែមទៀត គឺលោក ទុំ ចាន់ថន ព្រមទាំងលោក ញឹម សុផល និងលោក សាំង ឃឿន មេភូមិអូរឬស្សី ។
នៅក្នុងនោះផងដែរ ព្រះចៅអធិការវត្តរតនសុខសាន្ត ព្រះនាម ណយ ណេត បានថ្លែងអំណរគុណដល់លោក គាត ហ៊ុល អភិបាលក្រុងប៉ោយប៉ែត រួមទាំងសប្បុរសជនទាំងអស់ដែលបានជួយ ចាក់ថ្មម៉ិចសំរាប់ធ្វើអោយមានភាពងាយស្រួលក្នុងការធ្វើដំណើររបស់ប្រជាពលរដ្ឋ និងសូមជូនពរដល់រដ្ឋបាលក្រុងប៉ោយប៉ែត និងសប្បុរសជន ទទួលយកនៅពរទាំង៤ប្រការគឺអាយុ វណ្ណ: សុខ: ពល: កុំបីឃ្លាងឃ្លៀតឡើយ ៕
