ភ្នំពេញ ៖ នៅព្រឹកថ្ងៃទី៦ ខែឧសភា ឆ្នាំ២០១៤ តុលាការរាជធានី ភ្នំពេញបានបន្តបើកសវនាការ ជំនុំជំរះសំណុំរឿងក្តីជនសង្ស័យ ចំនួន ២៥នាក់ ដែលត្រូវចាប់ ខ្លួននៅផ្លូវវ៉េងស្រេងរោងចក្រ យ៉ាកជីន និងមុខវត្តស្ទឹងមាន ជ័យដែលបានធ្វើឱ្យមានមនុស្ស ស្លាប់ និងរបួស ។ ក្រុមអ្នកតវ៉ាសុំឱ្យដោះ លែងជនសង្ស័យត្រូវបានរា រាំងមិនឱ្យចូលទៅជិតរបង តុលាការដោយកម្លាំងសមត្ថ កិច្ចបានដាក់ ពង្រាយកម្លាំង និងដាក់បារ៉ាស់បិទផ្លូវជុំវិញ តុលាការតាំងពីព្រលឹមអុរ ដើម្បីការពារមិនឱ្យក្រុមអ្នក តវ៉ាចូលទៅតុលាការ ។
ដោយហេតុផល សណ្តាប់ ធ្នាប់កម្លាំងសមត្ថកិច្ចបានធ្វើ ការហាមឃាត់មិនឱ្យអ្នក កាសែតចូលទៅក្បែរក្រុមអ្នក តវ៉ា នោះឡើយ ។
សាលាដំបូងរាជធានី ភ្នំពេញ កាលពីថ្ងៃទី២៥ ខែ មេសា កន្លងមកនេះ បានបើក សវនាការសំណុំរឿងក្តីជន សង្ស័យចំនួន ២៥នាក់ ដោយ បានបើកសវនាការដាច់ដោយ ឡែកពីគ្នា ។ បន្ទាប់ពីសវនា ការអស់រយៈពេលពេញមួយ ថ្ងៃ តុលាការ បានលើកពេល បន្តសវនាការ នៅថ្ងៃទី ៦ ខែ ឧសភា នេះ ។
នៅក្នុងសវនាការមាន ជនសង្ស័យចំនួន ២៥ នាក់ ដោយតុលាការបានបើកសវ នាការជំនុំជម្រះដាច់ដោយ ឡែកពីគ្នា ក្នុងពេលតែមួយ។ ដោយករណីនៅផ្លូវវ៉េងស្រេង មានជនសង្ស័យចំនួន១៣នាក់ ករណីនៅរោងចក្រ យ៉ាកជីន ក្រុមលោក វន់ ពៅ ដែល មានជនសង្ស័យចំនួន១០នាក់ និងសវនាការសំណុំរឿង ករណីនៅមុខវត្តស្ទឹងមានជ័យ ដែលមានជនសង្ស័យចំនួន២ នាក់ បើកសវនាការផ្សេង ។
សូមរម្លឹកថា កាលពីថ្ងៃទី ២ ខែមករា ឆ្នាំ២០១៤ មាន ការប៉ះទង្គិចគ្នារវាងក្រុម លោក វន់ ពៅ ប្រធានសមា គមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធជាមួយ កងកម្លាំងអាជ្ញាធរមានសមត្ថ កិច្ចនៅចំណុចរោងចក្រយ៉ាក ជីន ជិតតំបន់សេដ្ឋកិច្ចកំបូល។
ក្នុងព្រឹត្តិការណ៍ប៉ះទង្គិច គ្នានោះបានបង្កឱ្យមានការ ប្រើអំពើហិង្សានិងចាប់ខ្លួន មនុស្ស ១០នាក់ ។ ហើយនៅ ថ្ងៃទី៣ មករា ក៏មានការប៉ះ ទង្គិចគ្នារវាងក្រុមកុប្បករ ជាមួយកម្លាំងអាជ្ញាធរមាន សមត្ថកិច្ចនៅផ្លូវវ៉េងស្រេង ជិតសួនឧស្សាហកម្មកាណាឌី យ៉ា បានបណ្តាលឱ្យមានអ្នក ស្លាប់ និងរបួស និងមនុស្ស ១៣ នាក់ ត្រូវបានចាប់ខ្លួន។ ហើយនៅថ្ងៃទី២២ ខែវិច្ឆិកា ឆ្នាំ២០១៣មានការប៉ះទង្គិច គ្នា រវាងកម្មកររោងចក្រ ឡ្ស ជាមួយសមត្ថកិច្ចនៅមុខវត្ត ស្ទឹងមានជ័យបានបណ្តាលឱ្យ មានមនុស្សស្លាប់ និងរបួស និងចាប់ខ្លួនពីរនាក់ ។
ដើមចមដែលបណ្តាលឱ្យ មានការប៉ះទង្គិចគ្នារវាង សមត្ថកិច្ចនិងបាតុករ គឺដោយ សារតែមានមេដឹកនាំសហជីព មួយចំនួននិងអ្នកនយោបាយ ខ្លះ បានញុះញង់ឱ្យកម្មករ នៅ តាមបណ្តារោងចក្រធ្វើកូដ កម្ម បាតុកម្ម ដើម្បីទាមទារ ដំឡើងប្រាក់ខែ ១៦០ ដុល្លារ ក្នុងមួយខែ ។ ហើយកូដកម្ម បាតុកម្មបានរីករាលដាលកាន់ តែខ្លាំងឡើងៗបានធ្វើឱ្យកម្មករ កាន់តែមានកំហឹងនិងមានអ្នក ខ្លះបានដើរអុកឡុកនៅតាម បណ្តារោងចក្រដោយបាន វាយបំផ្លាញទ្រព្យសម្បត្តិរោង ចក្រ និងទ្រព្យសម្បត្តិ សាធា រណៈរបស់រដ្ឋ និងឯកជន បង្កឱ្យមានជាអំពើហិង្សា ។
សូមបញ្ជាក់ថាសវនាការ នាពេលនេះ គឺជាការកាត់ក្តី ទៅលើក្រុមបាតុករដែលសមត្ថ កិច្ចវាយឱ្យរបួសនិងចោទប្រ កាន់អ្នកទាំងនោះពីបទប្រើ អំពើហិង្សានិងបំផ្លិចបំផ្លាញ ទ្រព្យសម្បត្តិរោងចក្រចំណែក អ្នកដែលបាញ់ប្រជាពលរដ្ឋឱ្យ ស្លាប់ក្នុងអម្លុងពេលមានបាតុ កម្មដែលគេហៅថាបាតដៃជន ទីបីមិនទាន់ត្រូវបានវែកមុខ និងកាត់ទោសនៅឡើយ ៕
