ខេត្តបន្ទាយមានជ័យ ៖ តាមប្រភពពីសមត្ថកិច្ចក្រុងប៉ោយប៉ែតបានអោយសារព័ត៌មានដឹងថា ៖ មានករណីសាស័រចូកដីមួយគ្រឿងបានថយក្រោយកិនក្មេងម្នាក់បណ្ដាលឲ្យស្លាប់កាលពីថ្ងៃទី១៧ ខែសីហា ឆ្នាំ២០២០ ក្នុងបរិវេណផ្ទះលក់គ្រឿងសំណង់ឥដ្ឋខ្សាច់(លីហេងឆាយ)តាមបណ្តោយផ្លូវស្តង់តាងួនស្ថិតនៅក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ អាសាសរ័ចូកខ្សាច់ ម៉ាក hitachi ពណ៏ស្លាទុំ (ពុំមានស្លាកលេខ) បើកថយក្រោយ កិនទៅលើក្មេងប្រុសម្នាក់កំពុងអង្គុយលេងដី ឈ្មោះ លី អ៉ីងឡុង ភេទប្រុសអាយុ ៦ ឆ្នាំ បណ្ដាលឱ្យបែកក្បាលស្លាប់តែម្ដង។
ភ្លាមៗនោះ កំលាំងជំនាញនគរបាលក្រុងប៉ោយប៉ែត បានចុះត្រួតពិនិត្យកន្លែងកើតហេតុផង ចំណែកអ្នកបើកបរឈ្មោះ យ៉ត ភេទប្រុស អាយុប្រហែល២០ឆ្នាំ (រត់គេចខ្លួនបាត់)។តាមការសំណូមពររបស់អាណាព្យាបាលក្មេងរងគ្រោះ ដោយសារអ្នកបើកបរជាបុគ្គលិកបំរើការអោយគាត់យូរមកហើយ ម្យ៉ាងទៀតអ្នកបើកបរក៏គ្មានចេតនាធ្វើទង្វើនេះមកលើក្រុមគ្រួសារគាត់ដែរ គាត់ថាជារឿងអចេតនា ហើយគាត់បានស្នើសុំ មិនប្ដឹងផ្ដល់រឺចាប់ខ្លួនទៅលើអ្នកបើកបរទេ ៕