ខេត្តពោធិ៍សាត់ ៖ មន្ទីរកសិកម្ម រុក្ខាប្រម៉ាញ់ និងនេសាទខេត្តពោធិ៍សាត់ រួមនិងក្រុមការងារមន្ត្រីជំនាញខណ្ឌ ផ្នែក សង្កាត់រដ្ឋបាលជលផល រួមសហការដោយកំលាំងយោធាតំបន់ប្រតិបត្តិការសឹករងខេត្ត ចុះពិនិត្យ និងបង្ក្រាបការនេការប្រើប្រាស់ឧបករណ៍ខុសច្បាប់ស្ដីពីជលផល ក្នុងឱកាសបិទនេសាទ ម្យ៉ាងទឹកទន្លេក៍កំពុងសម្រុកឡើង ដើម្បីទុកលទ្ធភាពត្រីពងកូន ។
ករណីមន្ត្រីមន្ទីរជំនាញសហការបង្ក្រាបបទល្មើសនេសាទនេះ ធ្វើឡើងនៅថ្ងៃទី១៩ ខែសីហា ឆ្នាំ២០២០ នៅលើផ្ទៃទឹកបឹងទន្លេសាប ចាប់ផ្ដើមពីម្ដុំឃុំកំពង់លួងរហូតដល់ភូមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់ ។
លោក ភុំ វិមល នាយខណ្ឌរដ្ឋបាលជលផលនៃមន្ទីរកសិកម្ម រុក្ខាប្រម៉ាញ់ និងនេសាទ ខេត្តពោធិ៍សាត់បានឲ្យដឹងថា កំលាំងអនុវត្តបានរួមមានៈ របាំងស្បៃមុងចំនួន៦ខ្សែ ស្មើនឹងប្រវែងចំនួន១២០០ម៉ែត្រ បង្គោលចំរឹងចំនួន២៥០ដើម លូកងស្បៃមុងចំនួន១២មាត់ និងចាក់លែងត្រីចំរុះទម្ងន់ចំនួន៦គីឡូក្រាមផងដែរ ៕
