ខេត្តកំពង់ឆ្នាំង ៖ លោក អ៊ុក រស់ ប្រធានមន្ទីររ៉ែ និងថាមពល ខេត្តកំពង់ឆ្នាំង បានដឹកនាំមន្រ្តីជំនាញ ចុះជម្រុញដល់ម្ចាស់ស្ថានីយប្រេង និងឧស្ម័នឥន្ធនៈ ក្នុងស្រុកចំនួន០២ គឺស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃពុធ ទី១២ ខែសីហា ឆ្នាំ២០២០។
លោក អ៊ុក រស់ ប្រធានមន្ទីររ៉ែ និងថាមពល ខេត្តកំពង់ឆ្នាំង បានឱ្យដឹងថា ៖ មន្ទីរនឹងបន្តចុះផ្សព្វផ្សាយ ជូនដល់ម្ចាស់ស្ថានីយប្រេង និងឧស្ម័នឥន្ធនៈ ដែលធ្វើអាជីវកម្មលើទឹកដី ក្នុងខេត្តកំពង់ឆ្នាំង ទាំងអស់។ លោកបានបញ្ជាក់បន្ថែមទៀតថា ៖ ក្រោយពីការចុះផ្សព្វផ្សាយជូនដល់ម្ចាស់ស្ថានីយរួចមក មន្ទីរនឹងបន្តចុះជម្រុញដល់ម្ចាស់ស្ថានីយទាំងអស់ឱ្យមកបំពេញបែបបទបញ្ជាក់សុវត្តិភាព និងបញ្ជាក់វិញ្ញាបត្រដំណើការទៅក្រសួង ៕
