ខេត្តកំពង់ធំ ៖ លោក ឡង់ គឺសឹង ប្រធានគណបញ្ជាការឯកភាពរដ្ឋបាលស្រុកសណ្ដាន់ ខេត្តកំពង់ធំ បានដឹកនាំកម្លាំងសមត្ថកិច្ចបង្រ្កាប បនល្បែងស៊ីសង ជល់មាន់ បៀ អាប៉ោង ដែលបានលាក់ខ្លួននៅក្នុងចំការស្វាយចន្ទីរមួយកន្លែង ស្ថិតនៅក្នុងភូមិ ៩៩ ឃុំមានរិទ្ធ ស្រុកសណ្តាន់ ខេត្តកំពង់ធំ នៅព្រឹកថ្ងៃទី១២ ខែសីហា ឆ្នាំ ២០២០។
កិច្ចសហប្រតិបត្តិការបង្រ្កាបទីតាំងបនល្បែងស៊ីសង ដែលប្រៀបបានជាកន្លែងថ្នាល់បណ្តុះអំពើឧបាយមុខ បង្កើតក្រុមចោរ និងជាឈ្នួនបង្កាត់អំពើហឹង្សាក្នុងគ្រួសារ ត្រូវបានបង្រ្កាបរុះរើកំទេចចោល នៅតំបន់ ៩៩ នៃឃុំមានរិទ្ធ ស្រុកសណ្តាន់ ខេត្តកំពង់ធំ រួមទាំងបានដឹកសម្ភារៈមួយចំនួន យកមករក្សាទុក ហើយបានធ្វើកិច្ចសន្យាជាមួយម្ចាស់ចំការស្វាយចន្ទី មិនឲ្យមានបនល្បែងស៊ីសងកើតឡើងជាលើកទី២បានឡើយ ។
លោកអភិបាលស្រុក បានឲ្យដឹងថា បន្ទាប់ពីទទួលបានដំណឹង លោកបានដឹកនាំកម្លាំងផ្ទាល់ចុះទៅរុះរើទីតាំងទាំងអស់នោះ ចោល ហើយបានធ្វើកិច្ចសន្យាជាមួយម្ចាស់ចំការមិនអោយប្រព្រឹត្តអំពើល្បែងស៊ីសងនេះជាលើកទី២ឡើយ ហើយក៍កំពុងស្រាវជ្រាវរកមុខ បុគ្គលដែលអួតអាងថា មានខ្សែធំ ខ្សែក្រាស់បន្តទៀតដើម្បីចាត់វិធានការតាមផ្លូវច្បាប់ ៕
