ខេត្តឧត្តរមានជ័យ ៖ ឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យបានចូលរួមដាំកូនឈើចំនួន៦០០ដើម ជាមួយមន្ត្រីមន្ទីរពាក់ព័ន្ធនិងយុវជន នៅបរិវេណដែនជម្រកសត្វព្រៃ សហគមន៍សង្ឃរុក្ខវ័ន្ត ដែលមានទីតាំងស្ថិតនៅត្រពាំងតាវ ឃុំលំទង ស្រុកអន្លង់វែង ខេត្តឧត្តរមានជ័
យ នាថ្ងៃទី០៩ ខែសីហា ឆ្នាំ២០២០។
ការរៀបចំឲ្យមានការដាំកូនឈើនេះឡើងក្នុងគោលបំណងចូលរួមក្នុងស្មារតីបំផុសការដដើមឈើ ឡើងវិញ បណ្តុះគំនិតថែរក្សាការពារស្រឡាញ់ព្រៃឈើនិងបរិស្ថានធម្មជាតិ និងមួយវិញទៀតដើម្បីកែលម្អ លើកកម្ពស់សោភ័ណភាពអោយកាន់តែល្អប្រសើរ ក្លាយជាតំបន់បរិស្ថានបៃតង។
ជាមួយគ្នានេះ ឯកឧត្តម ប៉ែន កុសល្យ អភិបាលខេត្តឧត្តរមានជ័យ បានសង្ឃឹមយ៉ាងមុតមាំថា ក្នុងថ្ងៃអនាគតខាងមុខទីកន្លែង នេះនិងអាចក្លាយជាកន្លែងមួយល្អសម្រាប់សិក្សាស្រាវជ្រាវជីវៈជម្រុះ សម្រាប់លំហែកាយ ស្រូបយកខ្យល់អាកាសបរិសុទ្ធបំបាត់អស់់ភាពនឿយណាយ អារម្មណ៍តានតឹង និងជាកន្លែងសម្រាប់ធ្វើលំហាត់ប្រាណរបស់បងប្អូនប្រជាពលរដ្ឋ។
មុននឹងបញ្ចប់ពិធីនេះ ឯកឧត្តមបានកោតសសើរនិងវាយតម្លៃខ្ពស់ ចំពោះមន្ទីរបរិស្ថាន ប្រធានសហគមន៍ រួមទាំងអាជ្ញាធរក្រុង-ស្រុក សង្កាត់ ឃុំ និងអ្នកពាក់ព័ន្ធទាំងអស់ដែលបានចូលរួមសហការល្អ ក្នុងការរៀបចំឱ្យមានព្រឹត្តិការណ៍គ្នាដាំកូនឈើ នាពេលនេះ និងត្រូវបន្តធ្វើកិច្ចការនេះតទៅទៀត ដើម្បីប្រជាពលរដ្ឋក្នុងសហគមន៍ ក៏ដូចជាភូមិ ឃុំ របស់យើងបៃតង។ លើសពីនេះទៀត ប្រជាពលរដ្ឋត្រូវចូលរួមថែរក្សា ការពារ ស្រោចទឹក និងដាក់ជីកូនឈើ ទាំងនេះឱ្យបានទៀងទាត់ ដើម្បីឆាប់លូតលាស់ធំបានរហ័ស ក្នុងស្មារតីជាប្រយោជន៍រួមសម្រាប់យើងទាំងអស់គ្នា៕
