នៅព្រឹកថ្ងៃទី១៩ ខែមេសាឆ្នាំ២០១៥ សម្តេចក្រុមព្រះនរោត្តមរណឬទ្ធិ ព្រះប្រធានគណក្សរាជានិយម ហ្វ៊ុនស៊ិនប៉ិច និង អ្នកម្នាង នរោត្តម ផល្លា រណប្ញទ្ធិ បាយាងទៅបំពេញព្រះទស្សនកិច្ចនៅទីក្រុងប៉េកាំង ប្រទេសចិន តបតាមការយាងរបស់ ឯកឧត្តម Li Tuan Chao និងឯកឧត្តម Xi Jinping អគ្គលេខាធុការគណក្សកុម្មុយនីស្តចិន ។
គណប្រតិភូអមព្រះដំណើរនាឧិកាសនេះ មាន ចំនួន១០រូប ដែលនៅក្នុងនោះមាន ៖ អ្នកម្នាង នរោត្តម ផល្លា រណប្ញទ្ធិ ព្រះជយា, ឯកឧត្តម ប៉ោ ប៊ុនស្រឺ អនុប្រធានគណបក្ស , ឯកឧត្តម ញ៉េប ប៊ុនជិន អនុប្រធានគណបក្ស ,ឯកឧត្តម យឹម សា វី សមាជិកគណកម្មាធិការនាយក និង ឯកឧត្តម សាយ ហាក់ អគ្គលេខាធិការប្រតិបត្តិ ។
ក្នុងព្រះដំណើរទស្សនកិច្ចចំនួន៣ថ្ងៃ ចាប់ពីថ្ងៃទី ១៩ ដល់ ថ្ងៃទី ២២ ខែមេសាឆ្នាំ២០១៥នេះ សម្តេចក្រុមព្រះនរោត្តមរណឬទ្ធិ និង គណប្រតិភូ នៃគណបក្សហ្វ៊ុនស៊ិនប៉ិច បានជួបពិភាក្សាការងារ ជាមួយឥស្សរជនសំខាន់២រូប គឺ ឯកឧត្តម Li Yuachao អនុប្រធានាធិបតី និង ជាប្រធានាធិបតីស្តីទី នៃសាធារណរដ្ឋប្រជាមានិតុចិន និង ឯកឧត្តម Iiu Hongcai អនុរដ្ឋមន្ត្រីការបរទេស។
កិច្ចពិភាក្សានេះ បានផ្តោតជាសំខាន់ ទៅលើការរឹតសំណងទំនាក់ទំនង កិច្ចសហប្រតិបត្តិការណ៏ ឲ្យកាន់តែរឹងមាំ រវាង គណបក្ស ក៏ ដូចជាប្រទេសទាំង២ កម្ពុជា-ចិន ដែលមានជាប្រណីនីយូរមកហើយនោះ ។
នៅក្នុងឧិកាសនេះដែរ សម្តេចក្រុមព្រះនរោត្តមរណឬទ្ធិ បានមានព្រះបន្ទូលថា ប្រជាជនខ្មែរ ជាពិសេសអ្នករាជានិយម អ្នកសីហនុនិយម ក្នុងក្របខ័ណ្ឌគណបក្សហ្វ៊ុនស៊ិនប៉ិច មិនអាចបំភ្លេចនូវគុណនុបការៈ ដ៏ធំធេង ចំពោះមហាមិត្តចិន ដែលបានយកចិត្តទុកដាក់ខ្ពស់ ក្នុងការថែទាំព្រះរាជសុខភាព ថ្វាយ ព្រះករុណាព្រះបាទសម្តេចព្រះ នរោត្តម សីហនុ ព្រះបរមរតនៈកោដ្ឋ ហើយឥឡូវនេះ មហាមិត្តចិន នៅតែបន្ដយកចិត្តទុកដាក់ពិនិត្យ និងថែទាំព្រះរាជសុខភាពថ្វាយចំពោះព្រះករុណា ព្រះបាទសម្តេច ព្រះបរមនាថ នរោត្តម សីហមុនី និង សម្តេចព្រះមហាក្សត្រី នរោត្តម មុនីនាថ សីហនុ ។
ជាមួយគ្នានេះ សម្តេចក្រុមព្រះ ក៏បាននាំយកបណ្តាំផ្តាំផ្ញើរ របស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីសួរសុខទុក្ខ និង គារវៈកិច្ចដ៏ជ្រាលជ្រៅជូនចំពោះប្រទេសមហាមិត្តចិន និង បក្សកុម្មុយនិស្ដចិន ដែលបានជួយជ្រោមជ្រែងក្នុងដំណើរការយកសន្តិភាព និង ការរៀបចំកសាងព្រះរាជាណាចក្រកម្ពុជាឡើងវិញ។
ព្រះអង្គបានបញ្ជាក់ថា នៅក្នុងព្រះរាជាណាចក្រកម្ពុជាសព្វថ្ងៃនេះ គឺមានតែ ២ គណបក្សប៉ុណ្ណោះដែលជាជន្ទល់សម្រាប់ទ្រទ្រង់របបរាជានិយម គឺ ព្រះអង្គ ដឺកនាំគណបក្សហ្វ៊ុនស៊ិនប៉ិច និង សម្តេច ហ៊ុន សែន ដឹកនាំគណបក្សប្រជាជនកម្ពុជា ហើយដែលបាននាំរបបនេះ យកត្រឡប់មកវិញនៅក្នុងឆ្នាំ ១៩៩៣។ ការសហការរវាងគណបក្សនយោបាយទាំងពីរ គឺជាកត្តាដ៏សំខាន់បំផុត ដើម្បីថែរក្សារបបរាជានិយមឱ្យបានគង់វង្ស នៅក្នុងព្រះរាជាណាចក្រកម្ពុជា។
ព្រះអង្គបានរំលឹក នូវ ព្រះរាជឱវាទចុងក្រោយបង្អស់ របស់ព្រះករុណា ព្រះបាទសម្តេចព្រះនរោត្តមសីហនុ ព្រះបរមរតនកោដ្ឋ មុនពេលព្រះអង្គសោយព្រះទិវង្គត « គឺចង់ឃើញអ្នករាជានិយមរួបរួមគ្នា ជាកម្លាំងមួយ ឱ្យទៅជាកម្លាំងនយោបាយជាតិ បូកនឹងកម្លាំងនយោបាយជាតិមួយទៀត គឺគណបក្សប្រជាជនកម្ពុជាដែលដឹកនាំដោយ សម្តេច ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីដោះស្រាយបញ្ហាជាតិ និង ដោះស្រាយនូវភាពក្រីក្រ របស់ប្រជានុរាស្ត្រ»។
ក្នុងព្រះឋានៈជាព្រះប្រធានគណក្សរាជានិយម ហ្វ៊ុនស៊ិនប៉ិច ព្រះអង្គបានបញ្ជាក់ថា ទិសដៅជាចំបងរបស់ព្រះអង្គ គឺខិតខំយ៉ាងណាប្រមែប្រមូល កម្លាំងរាជានិយម អ្នកសីហនុនិយម ឱ្យទៅជាកម្លាំងនយោបាយជាតិដ៏ធំមួយ នៅក្នុងព្រះរាជាណាចក្រកម្ពុជា ហើយស្របតាមបំណងប្រាថ្នានៃប្រទេសមហាមិត្តចិន ដែលលោកតែងតែ ជួយជ្រោមជ្រែង ឧបត្ថមគាំទ្រ គ្រប់បែបយ៉ាង ពិសេសតាមការស្នើសុំរបស់ គណបក្សហ្វ៊ុនស៊ិនប៉ិច នាពេលកន្លងមក ក៏ដូចជាពេលនេះផងដែរ។
ចំណែក ឯកឧត្តម LI Yuachao អនុប្រធានាធិបតី និង ជាប្រធានាធិបតីស្ដីទី នៃ សាធារណរដ្ឋ ប្រជាមានិតចិនវិញ បានសំដែងអបអរសាទរចំពោះគណបក្សហ្វ៊ុនស៊ិនប៉ិច ដែលបានជ្រើសតាំង សម្តេចក្រុមព្រះ នរោត្តមរណឫទ្ធិ ជាប្រធានគណបក្សហ្វ៊ុនស៊ិនប៉ិចឡើងវិញ ព្រមទាំង បង្កាញជំនឿថា គណបក្សហ្វ៊ុនស៊ិនប៉ិក្រោមព្រះកិច្ចនឹកនាំ របស់ម្តេចក្រុមព្រះនឹងទទួលបាន អាសនៈនៅក្នុងរដ្ឋសភាជាតិ នៅអាណត្តិក្រោយជាមិនខាន ។ ឯកឧត្តមបានបន្ថែមថា ចំណងមិត្តភាពរវាងគណបក្សកុម្មុយនិស្ដចិន ជាមួយគណបក្ស ហ្វ៊ុនស៊ិនប៉ិច ជាមិត្តដ៏យូរអង្វែង ជាពិសេសមិត្តភាពរវាងព្រះរាជាណាចក្រកម្ពុជា ជាមួយសាធារណរដ្ឋប្រជាមានិតចិន។
ជាមួយគ្នានេះ ថ្នាក់ដឹកនាំនៃប្ររទេសចិន ក៏បានបញ្ជាក់ពីជំហគាំទ្ររបស់ខ្លួនផងដែរ ដល់គណបក្សរាជានិយមហ្វ៊ុនស៊ិនប៉ិច ដែលបន្តធ្វើជាដៃគូ ជាមួយនិងគណបក្សប្រជាជនកម្ពុជា។
នៅក្នុង ព្រះដំណើរទស្សនកិច្ចនេះដែរ សម្តេចក្រុមព្រះនរោត្តមរណឬទ្ធិ និង អ្នកម្នាង នរោត្តម ផល្លា រណប្ញទ្ធិ ព្តមទាំងគណប្រតិភូអមព្រះដំណើរ បានចូលក្រាបបង្គំគាល់ សម្តេចព្រះមហាក្សត្រី នរោត្តម មុនីនាថ សីហនុ និង ព្រះករុណា ព្រះបាទសម្តេច ព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាដែលកំពុងគង់ប្រថាប់នៅប្រទេសចិន ដើម្បីអោយពេទ្យចិនពិនិត្យព្រះរាជសុខភាព ។
ព្រះដំណើរទស្សនកិច្ចនេះ បានបញ្ចប់ទៅ ដោយនាំមកនូវលទ្ធផលជាវិជ្ជមាន និង កិច្ចស្វាគមយ៉ាងរាក់ទាក់ យ៉ាងកក់ក្តៅបំផុត ពីសំណាក់ថ្នាក់ដឹកនាំចិន ជាពិសេស ពី ឯកឧត្តម Li Yuachao អនុប្រធានាធិបតី និង ជាប្រធានាធិបតីស្តីទីនៃសាធារណរដ្ឋប្រជាមានិតចិន ៕
