រាជធានីភ្នំពេញ ៖ រថយន្តធុនធំដឹកដែកសសៃរាប់សិបតោនបើកចុះពីលើស្ពានច្បារអំពៅ ស្រាប់តែដាច់ហ្រាំង ជ្រុលទៅបុករះ រថយន្ត៥គ្រឿង និងកង់បីឥណ្ឌាមួយគ្រឿងទៀត បណ្ដាលឲ្យរថយន្តរងការខូចខាតពេញផ្លូវជាតិលេខ១ តែសំណាងល្អមិនបង្កអោយមានមនុស្សរងរបួសឡើយ។
ហេតុការនេះបង្កការភ្ញាក់ផ្អើលកាលពីវេលាម៉ោង៩ព្រឹកថ្ងៃទី១០ ខែសីហា ឆ្នាំ២០២០ នៅតាមបណ្ដោយផ្លូវជាតិលេខ១ សង្កាត់ច្បាអំពៅទី១ ខណ្ឌច្បារអំពៅ រាជធានីភ្នំពេញ។
តាមប្រភពព័ត៌មានពីប្រជាពលរដ្ឋនៅក្បែរកន្លែងកើតហេតុបានអោយដឹងថា នៅមុនពេលកើតហេតុគេឃើញមានរថយន្តធុន ធំរបស់ក្រុមហ៊ុនជីបម៉ុង ពណ៌លឿង ពាក់ស្លាកលេខ ភ្នំពេញ 3D-5800 បានបើកឡើងស្ពានច្បារអំពៅ ខណៈចុះស្ពានមកផ្លូវជាតិលេខ១ ស្រាប់តែដាច់ហ្រាំង ជ្រុលទៅបុករះរថយន្ត៥គ្រឿង និងកង់បីឥណ្ឌាមួយគ្រឿងទៀត បណ្ដាលឲ្យរថយន្តរងការខូចខាតពេញផ្លូវជាតិលេខ១ តែសំណាងល្អមិនបង្កអោយមានមនុស្សរងរបួសឡើយ។