ខេត្តព្រះសីហនុ ៖ រយៈពេលប៉ុន្មានថ្ងៃជាប់ៗគ្នានេះ នៅក្នុងភូមិសាស្ត្រខេត្តព្រះសីហនុ មានភ្លៀងធ្លាក់យ៉ាងខ្លាំងនិងខ្យល់កន្ត្រាក់ស្ទើរគ្រប់ទីកន្លែង ដែលធ្វើឲ្យភ្ញៀវទេសចរណ៍ដែលបានទៅកំសាន្តនៅក្រុងកោះរ៉ុងមិនអាចធ្វើដំណើរត្រឡប់មកក្រុងព្រះសីហនុវិញបាន។
លោក គួច ចំរើន អភិបាលនៃគណៈអភិបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត និងមន្ត្រីជំនាញក្រោមឱវាទ សហការជាមួយអង្គភាពជំនាញពាក់ព័ន្ធ បានធ្វើអន្តរាគមន៍រៀបចំមធ្យោបាយដឹកជញ្ជូនភ្ញៀវទេសចរពីក្រុងកោះរ៉ុង ត្រឡប់មកក្រុងព្រះសីហនុវិញ ប្រកបដោយសុវត្ថិភាព ៕
