ខេត្តកំពង់ឆ្នាំង ៖ ជនសង្ស័យ ២ នាក់រួមនឹងវត្ថុតាងឆក់ត្រីប្រភេទត្រជាក់និងក្តៅចំនួន២គ្រឿង ដែលជនល្មើសកំពុងធ្វើសកម្មភាពឆក់ត្រី ត្រូវបានសមត្ថកិច្ចសង្កាត់រដ្ឋបាលជលផលបរិបូរណ៍ធ្វើការបង្ក្រាបបានភ្លាមៗ ខណៈពួកគេកំពុងតែធ្វើសកម្មភាពឆក់ត្រី ។
ក្នុងកិច្ចប្រតិបត្តិការបង្រ្កាបបទល្មើសឆក់ត្រីខាងលើនេះ សមត្ថកិច្ចសង្កាត់ជលផលបានធ្វើឡើងនៅវេលាម៉ោង២និង១៥នាទី ថ្ងៃទី៥ ខែ សីហា ឆ្នាំ២០២០ នៅចំណុចកោះសត្វ ស្ថិតនៅក្នុងភូមិសេះស្លាប់ ឃុំឆ្នុកទ្រូ ស្រុកបរិបូរណ៍ ។
លោកតាត សីហាក់ នាយផ្នែករដ្ឋបាលជលផលកំពង់ឆ្នាំងបាននិយាយអោយដឹងថា នៅវេលាខាងលើនេះ កម្លាំងសង្កាត់រដ្ឋបាលជលផលបរិបូណ៌ បានចុះត្រួតពិនិត្យបទល្មើសនេសាទនៅចំណុចខាងលើនេះ ក៍បានប្រទះឃើញជន
សង្ស័យទាំង២នាក់កំពុងធ្វើសកម្មភាពឆក់ត្រីនៅចំណុចខាងលើនេះ ក៍បានធ្វើការប្រដេញតាមចាប់ឃាត់ខ្លួនបាន
ភ្លាមៗផងដែរ ។
លោក តាត សីហាក់ នាយផ្នែករដ្ឋបាលជលផលកំពង់ឆ្នាំង បានអោយដឹងទៀតថា ក្នុងកិច្ចប្រតិបត្តការខាងលើនេះ សមត្ថកិច្ចសង្កាត់រដ្ឋបាលជលផលបរិបូណ៍ បានធ្វើការឃាត់ខ្លួនបានជនសង្សយ័២នាក់ រួមនិងវត្ថុតាងឆក់ត្រីមានអាំងវទរ័ឆក់ត្រីប្រភេទត្រជាក់១គ្រឿងនិងក្តៅ១គ្រឿង អាគុយ៧០អាំពែរ១គ្រឿង ដងឆក់១គូ កន្ត្រកដងត្រី១ រួមនិងមធ្យោបាយធ្វើសកម្មភាពកាណូតបាឡាស្មាច់ភ្ជាប់ជាមួយម៉ាស៊ីនឡាន១គ្រឿងផងដែរ។
ជនសង្ស័យដែលត្រូវបានឃាត់ខ្លួនបានទាំង២នាក់ខាងលើនេះ១. ឈ្មោះ មឿង វុទ្ធី ប្រុសអាយុ២៥ឆ្នាំ ។
២.ឈ្មោះ តៃ សុភី ប្រុស អាយុ១៦ឆ្នាំ អ្នកទាំង២រស់នៅក្នុងភូមិថ្នល់ឈើទាល ឃុំផ្លូវទូក ស្រុកកំពង់លែង ជាមួយគ្នា។
បច្ចុប្បន្នជនសង្ស័យទាំង២នាក់រួមនិងវត្ថុតាងខាងលើត្រូវបានបញ្ជូនមកខ័ណ្ឌរដ្ឋបាលជលផលកំពង់ឆ្នាំង ធ្វើការសាកសួនិងកសាងឯកសារបញ្ជូនទៅសាលាដំបូងខេត្តកំពង់ឆ្នាំងដើម្បីចាត់ការតាមនិតិវិធី៕
