រាជធានីភ្នំពេញ ៖ កាលពីព្រឹកថ្ងៃទី២៣ ខែកក្កដា ឆ្នាំ២០២០នេះ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ រួមជាមួយលោក Sardar Umar Alan តំណាងអង្គការយូណេស្កូ ប្រចាំកម្ពុជា និងលោក Magnus Saemundsson លេខាទីមួយ នៃស្ថានទូតស៊ុយអែតប្រចាំកម្ពុជា បានអញ្ជើញចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការ នូវសៀវភៅស្តីពី “វិជ្ជាជីវៈសារព័ត៌មាន ដំណឹងក្លែងក្លាយ និងព័ត៌មានមិនពិត ជាភាសាខ្មែរ ខណដែលពិធីនោះរៀបចំធ្វើឡើងនៅសណ្ឋាគារសូហ្វីតែលភ្នំពេញភូកេតត្រា រាជធានីភ្នំពេញ ។
សៀវភៅខាងលើនេះ មានគោលបំណងសម្រាប់ការអប់រំ និងការបណ្តុះបណ្តាលផ្នែកវិជ្ជាជីវៈសារព័ត៌មាន ជូនដល់អ្នកសារព័ត៌មាន និងអ្នកអប់រំផ្នែកវិជ្ជាជីវៈសារព័ត៌មាននៅកម្ពុជា ។
សូមជម្រាបថា សៀវភៅដ៏មានសារៈសំខាន់នេះត្រូវបានរៀបចំនិងជាមធ្យោបាយ ដើម្បីប្រយុទ្ធប្រឆាំង នឹងព័ត៌មានមិនពិត ក្នុងកិច្ចសហការរវាងក្រសួងព័ត៌មាន និងអង្គការយូណេស្កូប្រចាំនៅកម្ពុជាផងដែរ ៕
