ខេត្តកំពង់ធំ ៖ យោងតាមប្រភពព័ត៏មានពីប្រជាពលរដ្ន១៦គ្រួសារដែលរស់នៅក្នុងភូមិទំអរ ឃុំទំរីង ស្រុកសណ្ដាន ខេត្តកំពង់ធំ បានអោយដឹងថា មានមន្រ្ដីបរិស្ថាន១ក្រុមមានគ្នាប្រមាណជាង៤០នាក់ មកពីស្នាក់ការអូរដៃជ្រៃ ស្នាក់ការ៤៤ ស្នាក់ការព្រៃឡង់ ស្នាក់ការត្រពាំងឬស្សី បានមកកាប់បំផ្លាញដំណាំស្វាយចន្ទី និងដំណាំកៅស៊ូរបស់ពួកគាត់អស់ចំនួន ៦៤ ហិចតានៅជិតតំបន់៤៤ ចំនុចដីរអិល បច្ចុប្បន្នគេហៅ អូរបុស្សវែង ក្បែរចំនុចត្រាចឆេះ និងចំនុចជាំស្មាច ព្រំប្រទល់ស្រុកសន្ទុក និងស្រុកសណ្ដាន ដោយមិនដឹងមូលហេតុអ្វី?។
ពលរដ្នម្ចាស់ចំការម្នាក់បានរៀបរាបទាំងយំសោកបោកខ្លួនថា ខ្ញុំស្ដាយដំណាំដែលខ្លួនបានចំណាយកម្លាំងកាយកម្លាំងចិត្តដាំដុះជាង៥ឆ្នាំមកហើយ ជិតបានទទួលផលហើយ តែត្រូវបានក្រុមមន្រ្ដីបរិស្ថានមកកាប់បំផ្លាញស្វាយចន្ទីរនិងកៅស៊ូរបស់ពួកខ្ញុំអស់រលើង។ ពួកគាត់បន្ដថា នេះមិនមែនជាលើកទី១ទេ គឺជាលើកទី២ហើយ កាលពីឆ្នាំមុនក្រុមមន្រ្ដីបរិស្ថានបានមកកាប់បំផ្លាញដំណាំទាំងនេះម្ដងហើយ ធ្វើអោយពួកគាត់ដែលជាអ្នកខ្ចីលុយពីធានាគាររកលុយបង់បំណុលមិនបាន។មិនតែប៉ុណ្ណោះមន្រ្ដីបរិស្ថានបានចាប់ស្ដី្រម្នាក់ឈ្មោះ សុខ ស្រីនាង យកកាំភ្លើងផ្ចុងពីក្រោយខ្នង ហើយបញ្ចូនទៅស្នាក់ការបរិស្ថានអូរដៃជ្រៃ ដើម្បីសួរនាំនិងធ្វើរបាយការណ៍ធ្វើកិច្ចសន្យារួចដោះលែងអោយមកផ្ទះវិញ។
លោក ផន សុផុន មេឃុំទំរីង បានឆ្លើយតបតាមទូស័ព្ទនៅព្រឹកថ្ងៃទី២២ ខែកក្កដា ឆ្នាំ២០២០ ថា ដីនៅចំនុចនោះស្ថិតនៅក្នុងស្រុកសន្ទុកគ្រប់គ្រងដោយមន្រ្ដីបរិស្ថាន។ លោកបន្ដថា លោកបានទទួលព័ត៏មាននេះហើយ លោកនិងចុះទៅដល់ទីតាំងដើម្បីពិនិត្យមើលថាតើដំណាំពលរដ្នប៉ះពាលខូចខាតប៉ុន្មានហិចតា ។
លោក ឡង់ គឺសឹង អភិបាលស្រុកសណ្ដាន បានអោយដឹងតាមទូស័ព្ទថា សុំអោយសួរទៅលោក តុប កក្កដា ប្រធានមន្ទីរបរិស្ថានខេត្តកំពង់ធំទៅទើបដឹងច្បាស់។ លោក តុប កក្កដា បានឆ្លើយតបតាមប្រព័ន្ធតេលេក្រាមថា កម្លាំងរបស់លោកធ្លាប់បានចុះទៅបង្រ្កាប់ណែនាំនិងធ្វើកិច្ចសន្យាម្ដងរួចមកហើយ ថាមិនអោយមានការដាំដុះដាំណាំឬរុករានលើតំបន់ការពារច្រករបៀងអភិរក្សជីវជំរុះព្រៃអង្គតែននោះទេ តែពួកគាត់នៅតែលួចដាំដុះ។ រហូតមកដល់ថ្ងៃទី១៩ ខែកក្កដា ឆ្នាំ២០២០ ថ្មីៗនេះ លោកបានប្រមូលកម្លាំងឧទ្យាននុរក្សជាង៤០នាក់ចុះទៅដល់ចំនុចខាងលើ។ លោកថា បើកម្លាំងតិចងាយរងគ្រោះពីការតបតរបស់ពលរដ្ន ចឹងទេដើម្បីគ្រប់គ្រងសភាពការណ៍បានត្រូវតែមានគ្នាច្រើន។ !លោកបន្ដថា ការពិតដីនៅទីនោះមានមិនដល់៦៤ហិចតាទេ ក្រោយរាជរដ្នាភិបាលបានអោយក្រសួងបរិស្ថានគ្រប់គ្រងតំបន់ព្រៃអង្គតែនក្នុងឆ្នាំ២០១៧ ចឹងអ្វីដែលកើតមុនឆ្នាំ២០១៧ មន្រ្ដីបរិស្ថានមិនបង្រ្កាប់នោះទេ តែអ្វីដែលកើតក្រោយឆ្នាំ២០១៧ទើបយើងធ្វើការបង្រ្កាប់។
ប្រជាពលរដ្នសំណូមពរសុំអោយលោក សុខ លូ អភិបាលខេត្តកំពង់ធំ ជួយរកដំណោះស្រាយជូនពួកគាត់ផង ព្រោះ ពួកគាត់គ្មានដីធ្លីសំរាបធ្វើការដាំដុះនោះទេ ប្រសិនបើបាត់ដីនេះ ជាពិសេសសុំអោយសម្ដេច ហ៊ុន សែន ជួយអន្ដរគមន៍ដោះស្រាយបញ្ហាដីធ្លីអោយពលរដ្នផង ព្រោះពលរដ្នគឺជាពលរដ្នគាំទ្រសម្ដេច ៕
