ភ្នំពេញ ៖ លោក សុខ សុវណ្ណ ប្រធានក្រុមប្រឹក្សាសារព័ត៌មាន កម្ពុជាបានមានប្រសាសន៍ថា ក្រុមប្រឹក្សាសារព័ត៌មានកម្ពុជា និងរួបរួមបង្កើតជាក្រុមអ្នកសារ ព័ត៌មានស្ម័គ្រចិត្តជួយអ្នកសារ ព័ត៌មានដែលជួបបញ្ហានៅពេល បំពេញបេសកកម្ម ដោយមិន គិតពីពណ៌សម្បុរឬនិន្នាការនោះ ឡើយ ។
ការថ្លែងបែបនេះធ្វើឡើង នៅពេលដែលក្រុមប្រឹក្សាសារ ព័ត៌មានកម្ពុជាបានអញ្ជើញអ្នក សារព័ត៌មាននៅក្នុងសមាគម អ្នកសារព័ត៌មានដែលជាសមាជិក ក្រុមប្រឹក្សាប្រារឰទិវាសេរីភាព សារព័ត៌មានពិភពលោក ថ្ងៃទី ០៣ ខែឧសភា ឆ្នាំ២០១៥ នៅ ទីស្នាក់ការក្រុមប្រឹក្សាសារព័ត៌ មានកម្ពុជា ។
លោក កង អារុណ អនុប្រធានក្រុមប្រឹក្សាសារព័ត៌មាន កម្ពុជាបានថ្លែងនៅក្នុងអង្គពិធី ថា ជារៀងរាល់ឆ្នាំក្រុមប្រឹក្សា សារព័ត៌មានកម្ពុជាតែងតែ ប្រារឰទិវាសេរីភាពសារព័ត៌មាន ពិភពលោកក្រោមប្រធានបទ ផ្សេងៗដើម្បីរំលឹកដល់ការតស៊ូ របស់អ្នកសារព័ត៌មាននៅលើ ពិភពលោកដើម្បីលើកកម្ពស់ សេរីភាពនៃសារព័ត៌មាន ។ ការ តស៊ូមតិនេះមានភាព ស្វិតស្វាញ និងមានអ្នកសារព័ត៌មានជាច្រើន បានខិតខំអស់កម្លាំងកាយនិងចិត្ត រហូតដល់ពេលខ្លះបានធ្វើការ ពលីក្នុងបេសកកម្មយកព័ត៌មាន នៅគ្រប់ទីកន្លែងលើពិភពលោក រហូតដល់អង្គការសហប្រជាជាតិ សម្រេចយកថ្ងៃទី ៣ ខែឧសភា គឺជាថ្ងៃទិវាសេរីភាពសារព័ត៌មានពិភពលោក ។
លោកអនុប្រធានក្រុមប្រឹក្សា សារព័ត៌មានកម្ពុជាបានឱ្យដឹង ទៀតថាលើកនេះជាខួបលើកទី ប្រាំ ដែលក្រុមប្រឹក្សាបានប្រារឰ ទិវាសេរីភាពសារព័ត៌មានដោយ បានជួបជុំអ្នកសារព័ត៌មានដើម្បី រំលឹកដល់ការខិតខំតស៊ូមតិរបស់ អ្នកកាសែតជំនាន់មុន ដើម្បី ឈានទៅដល់ការទទួលស្គាល់ ជាសកលទិវាសេរីភាពសារព័ត៌ មាននិងស្វែងរកយន្តការថ្មីមួយ ចំនួនដើម្បីប្រឈមនឹងឧបសគ្គ នានារបស់អ្នកសារព័ត៌មាន កម្ពុជាក្នុងការយកព័ត៌មាននា ពេលបច្ចុប្បន្ន ។
លោក សុខ សុវណ្ណ ប្រធាន ក្រុមប្រឹក្សាសារព័ត៌មានកម្ពុជា បានឱ្យដឹងដែរថាទោះបីជាក្រុម ប្រឹក្សាខ្វះខាតថវិកាក៏ពិតមែនតែ នូវតែខិតខំជួយអ្នកសារព័ត៌មាន ដែលជាប់ឃុំ និងជាប់បណ្តឹង តុលាការទាំងផ្នែកតស៊ូមតិផ្នែក ច្បាប់ និងផ្នែកទឹកចិត្ត ដោយ រួបរួមជាមួយអ្នកសារព័ត៌មាន ស្រាវជ្រាវស្វែងរកយុត្តិធម៌ជូន អ្នកសារព័ត៌មានរងគ្រោះដែល ជារឿយៗត្រូវទទួលការចោទ ប្រកាន់ពីបទកំហែងផ្សេងៗ ។
ទន្ទឹមនឹងនោះដែរ វាគ្មិនជា ច្រើនបានឡើងមានមតិពាក់ព័ន្ធ និងបញ្ហាឧបសគ្គមួយចំនួនដែល អ្នកសារព័ត៌មានកំពុងជួបប្រទះ បញ្ហាផ្លូវច្បាប់និងប្រព័ន្ធតុលា ការជាពិសេសសំណើសុំឱ្យតុលា ការយកច្បាប់ស្តីពីរបបសារព័ត៌ មានមកអនុវត្តន៍ជៀសជាងយក ច្បាប់ព្រហ្មទណ្ឌដែលផ្តល់នូវ ភាពអយុត្តិធម៌ដល់អ្នកសារព័ត៌ មានកម្ពុជា ។
លោក សុខ សុវណ្ណ បានឱ្យ ដឹងថា នៅថ្ងៃទី ០៧ ខែឧសភា ឆ្នាំ២០១៥ តុលាការខេត្តព្រះ វិហារ និងបើកសវនាការជំនុំ ជម្រះរឿងក្តីអ្នកកាសែតពីររូប ដែលកំពុងជាប់ឃុំជាបណ្តោះ អាសន្នហើយលោកនឹងដឹកនាំ អ្នកសារព័ត៌មានមួយក្រុមទៅ ចូលស្តាប់សវនាការដោយរំពឹង ថា តុលាការខេត្តនឹងផ្តល់ភាព យុត្តិធម៌៊ដល់អ្នកសារព័ត៌មាន ខាងលើជាមិនខាន ។
គួររំលឹកដែរថា គិតជា មធ្យមទៅលើពិភពលោកក្នុង ០១សប្តាហ៍ អ្នកសារព័ត៌មាន ស្លាប់មួយនាក់ ក្នុងបុព្វហេតុ យកព័ត៌មាននៅតំបន់មានជម្លោះ និងតំបន់គ្មានជម្លោះ ដែលគិត មកទល់ថ្ងៃនេះមានអ្នកសារព័ត៌ មានស្លាប់ជាង៦០០នាក់ហើយ ។
ទោះបីជាយ៉ាងណានៅ កម្ពុជាគេសង្កេតឃើញថា សេរី ភាពសារព័ត៌មានភាពទូលំទូ លាយជាងប្រទេសក្នុងតំបន់មួយ ចំនួនរដ្ឋាភិបាលនិងក្រសួងព័ត៌ មានតែងតែលើកកម្ពស់វិស័យ ព័ត៌មានផ្សារភ្ជាប់ទៅនឹងការ អភិវឌ្ឍន៍សង្គម ជាពិសេសការ អនុវត្តន៍លទ្ធិប្រជាធិបតេយ្យត្រូវ តែដើរទន្ទឹមឹងការលើកកម្ពស់ វិស័យព័ត៌មាន ៕
ដោយ ៖ កែវ ចាន់ឌួង
