ខេត្តកោះកុង ៖ នៅសាលាស្រុកបូទុមសាគរ ខេត្តកោះកុង បានធ្វើការស្រង់ទិន្នន័យប្រជាពលរដ្ឋដែលស្នើសុំកាត់ឆ្វៀលដីធ្លីចេញពីតំបន់ ឧទ្យានជាតិ បុទុមសាគរ។
១ តំបន់ឧទ្យានជាតិ បុទុមសាគរ
២ តំបន់ជម្រកសត្វព្រៃ
៣ តំបន់ជម្រកព្រៃឈើ
៤ តំបន់ប្រើប្រាស់ច្រើនយ៉ាងដងពែង។
តំបន់ទាំងអស់នេះ ស្ថិតក្នុងខេត្តកោះកុង ដែលសព្វថ្ងៃនេះប្រជាពលរដ្ឋបានរស់នៅអាស្រ័យផលក្នុងតំបន់ទាំងបួននេះ ដែលបានបង្កបង្កើនផលជាយូរឆ្នាំមកហើយ ហើយមិនទាន់បានទទួលសិទ្ធិអនុញ្ញាតកាន់កាប់ដីធ្លីនេះទេ។
កន្លងមកថ្មីៗនេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ថា និងកាត់ឆ្វៀលដីធ្លី ជូនប្រជាពលរដ្ឋ ដែលបានរស់នៅអាស្រ័យផលជាយូរមកហើយ ហើយអាស្រ័យផលជាក់ស្តែង ត្រូវអោយប្រជាពលរដ្ឋនោះបានទទួលសិទ្ធិកាន់កាប់ដីធ្លីអោយស្របច្បាប់។
សូមបញ្ចាក់ថា បន្ទាប់ពីប្រមុខថ្នាក់ដឹកនាំមានប្រសាសន៍មក នៅសាលាខេត្តកោះកុង បានបើកកិច្ចប្រជុំជាបន្ទាន់ ហើយលោកជំទាវ មិថុនា ភូថង អភិបាលខេត្តកោះកុង បានអោយលោក សុខ សុទ្ធី អភិបាលរងខេត្ត ជាតំណាងដ៍ខ្ពង់ខ្ពស់របស់លោកជំទាវ បាន ដឹកនាំក្រុមការងារអោយលោក ហាក់ ឡេង អភិបាលស្រុក
បូទុមសាគរ ដឹកនាំក្រុមការងារធ្វើការចុះឈ្មោះប្រជាពលរដ្ឋនៅទីតាំងសាលាស្រុកតែម្ដង។
នៅក្នុងការចុះឈ្មោះប្រជាពលរដ្ឋ ចាប់តាំងពីថ្ងៃទី១៥ ខែកក្កដា ឆ្នាំ២០២០ នេះមកដល់ថ្ងៃទី២០ ខែកក្កដា ឆ្នាំ២០២០ នេះ មានប្រជាពលរដ្ឋមកចុះក្បាលដីមានចំនួនក្រួសារ
2974គ្រួសារ។
នៅក្នុងនេះ ចំនួនក្បាលដីដែលពលរដ្ឋមកចុះឈ្មោះតាមតំបន់និមួយៗ។
១ តំបន់ ឧទ្យានជាតិចំនួន២១៥៥ក្បាលដី។
២ តំបន់ជម្រកសត្វព្រៃអនុក្រឹត្យលេខ៨០ចំនួន៩៤៣ក្បាលដី។
៣ តំបន់ជម្រកព្រៃឈើចំនួន៧៧៧ក្បាលដី។
៤ តំបន់ប្រើប្រាស់ច្រើនយ៉ាងដងពែងចំនួន៣៨ក្បាលដី។
សារុបក្បាលដីពីថៃ្ងទី១៥ ខែកក្កដា មកដល់ថ្ងៃទី២០ ខែកក្កដា ឆ្នាំ២០២០ នេះចំនួនក្បាលដី៤៧៣២ក្បាលដី។
ចំណែកលោក ក្រួច បូរីសីហា អភិបាលរងស្រុកបូទុមសាគរ ដែលទទួលខាងចុះឈ្មោះដីធ្លីប្រជាពលរដ្ឋបានប្រាប់អ្នកសារព័ត៌មាន ល្ងាចថ្ងៃទី២០ ខែកក្កដា ឆ្នាំ២០២០ នេះ រឿងប្រជាពលរដ្ឋមកចុះបញ្ជីឈ្មោះលោកមិនទាន់បានដឹងនៅឡើយទេ លោកកំពុងជាប់ប្រជុំ ពីរឿងដីធ្លីនេះ។
ចំណែក លោក សុខ សុទ្ធី អភិបាលរងខេត្តកោះកុង ដែលទទួលបន្ទុកដីធ្លី បាននិយាយប្រាប់អ្នកសារព័ត៌មាន នៅល្ងាចថ្ងៃទី២០ ០៧ ២០២០នេះ រឿងចុះឈ្មោះដីធ្លីរបស់ប្រជាពលរដ្ឋ គឺចុះដែល ប្រជាពលរដ្ឋរស់នៅអាស្រ័យផលជាក់ស្តែង ហើយមាន ដំំណាំជាក់ស្តែងរបស់នៅទីនោះជាក់ស្តែង ទើបអាជ្ញាធរកាត់ឆ្វៀលអោយប្រជាពលរដ្ឋទាំងអស់នោះ។
លោក សុខ សទ្ធី អភិបាលរងខេត្តកោះកុង សូមបញ្ជាក់ថា បើដីធ្លីប្រជាពលរដ្ឋទៅកាប់ទន្ទា្រន់រានយកដីព្រៃ ហើយមិនមានដំណាំនោះ មិនអាចកាត់ជូនប្រជាពលរដ្ឋបានទេ ហើយអ្នកខ្លះទៀតទើបតែកាប់ទន្ទ្រានរានយកថ្មីៗនេះ ក៍មិនកាត់ឆ្វៀលអោយដែរ។
លោក សុខ សុទ្ធី បន្តថា បើប្រជាពលរដ្ឋណាទើបតែទៅកាប់ទន្ទ្រានដំណាំថ្មីនេះ ហើយក៍មិនកាត់ឆ្វៀលអោយទេ។
លោក សុខ សុទ្ធី ពិតជានិយាយបានល្អចំពោះការសហការជាមួយអ្នកសារព័ត៌មាន ហើយបាននិយាយបានល្អ ចំពោះការបកស្រាយ ចំពោះប្រជាពលរដ្ឋ អោយប្រជាពលរដ្ឋជ្រាបជា ព័ត៌មានផង។
ដោយ យួន ឈីវ
