រាជធានីភ្នំពេញ ៖ ទីតាំងល្បែងប្រជល់មាន់នឹងអាប៉ោងខ្នាតយក្សមួយកន្លែង ដែលមួយរយៈមុនអាជ្ញាធរមានសមត្ថកិច្ចបានចុះបង្ក្រាបចាប់បានអ្នកញៀនល្បែងនិងអ្នកសារព័ត៌មានមួយចំនួនម្តងរួចទៅហើយ ប៉ុន្តែថ្មីៗនេះមិនដឹងថាមូលហេតុអ្វីនោះទេបានជាវង់ល្បែងស៊ីសងមួយនេះបានបើកលេងជាថ្មីម្តងទៀតវិញហើយ នៅចំណុចដីឡូតិ៍ខាងត្បូងក្រុមហ៊ុនក្រឡុកស៊ីម៉ង់មួយកន្លែងនិងកំពុងបើកលេងបានយ៉ាងរលូន ស្ថិតនៅភូមិដំណាក់ធំ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
ដូច្នេះហើយ ពលរដ្ឋនាំគ្នាធ្វើការសូមណុំពរមកដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និង ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ចាត់កម្លាំងក្រោមឱវាទចុះមកត្រួតពិនិត្យនៅកន្លែងទីតាំងល្បែងប្រជល់មាន់និងអាប៉ោងខ្នាតធំ រាល់ថ្ងៃកំពុងតែបើកលេងយ៉ាងគគ្រឹកគគ្រេងនៅភូមិខាងលើនេះផង
ស្របពេលនេះរាជរដ្ឋាភិបាលបម្រាមហាមឃាត់មិនអោយមានការជួបជុំ!នៅតាមមូលដ្ឋាននានា ដើម្បីទប់ស្កាត់ជំងឺកូវីដ ១៩ អោយមានប្រសិទ្ធភាព ខណៈ បែរជាបណ្ដោយអោយមានល្បែងប្រជល់មាន់និងអាប៉ោងខ្នាតធំ ស្ថិតនៅភូមិដំណាក់ធំ សង្កាត់ស្ទឹងមានជ័យ៣ នៅតែបន្តបើកលេងបានយ៉ាងគគ្រឹកគគ្រេងទៅវិញ៕
