ខេត្តព្រះវិហារ ៖ សម្បត្តិធម្ម ជាតិនៅប្រទេសកម្ពុជាទាំង នៅលើដីក្រោមដី បាតសមុទ្រ ដែលគេចាត់ទុកថា ជាប្រទេសមួយសំបូរទៅដោយធន ធានធម្មជាតិ កំពុងត្រូវបានគេ ធ្វើអាជីវកម្មយ៉ាងគគ្រឹកគគ្រេង ទាំងអាជីវកម្មមានច្បាប់ត្រឹម ត្រូវនិងអាជីវកម្មខ្លះពុំស្រប ច្បាប់នោះឡើយ ។
ការធ្វើអាជីវកម្មធនធាន ធម្មជាតិយ៉ាងគំហុកពុំមាន ការសិក្សាវាយតម្លៃច្បាស់ លាស់និងពុំមានការត្រួតពិនិត្យ ឱ្យបានដិតដល់បណ្តាលអោយ មជ្ឈដ្ឋានសាធារណៈមានការ ព្រួយបារម្ភព្រមទាំងសន្និដ្ឋាន ថា រយៈពេលមិនយូរនោះ ឡើយធនធានធម្មជាតិដ៏មហា សាលត្រូវបាត់បង់ដោយការ ធ្វើអាជីវកម្មយ៉ាងគំហុកដែល នាំឱ្យប៉ះពាល់ដល់បរិស្ថាននិង ជីវចម្រុះទៀតផង ។
ជាក់ស្តែងរ៉ែត្បូងនៅខេត្ត ប៉ៃលិនដែលគេចាត់ទុកថាជា តំបន់សំបូរត្បូងនៅអាស៊ីអា គ្នេយ៍ត្រូវបានគេរុករកយ៉ាង អនាធិបតេយ្យរហូតដល់វិ់នាស ហិនហោចអស់បច្ចុប្បន្នពុំមាន នៅសល់រ៉ែត្បូងដ៏មានតម្លៃ នៅខេត្តប៉ៃលិននោះឡើយ ។
ទន្ទឹមនឹងនោះដែរសូម្បីតែ ខ្សាច់ក៏ត្រូវបានគេធ្វើអាជីវ កម្មយ៉ាងគំហុកនៅក្រោមដី បាតទន្លេ បាតសមុទ្រ ដែលធ្វើ ឱ្យប៉ះពាល់ដល់បរិស្ថានជីវៈ ចម្រុះនិងការរស់នៅរបស់ ប្រជាពលរដ្ឋដូចជាការបូម យកខ្សាច់ពីបាតទន្លេដោយពុំ មានការសិក្សាច្បាស់លាស់ បណ្តាលឱ្យបាក់ច្រាំងទន្លេប៉ះ ពាល់ដល់លំនៅដ្ឋានដីចំការ របស់ប្រជាពលរដ្ឋដែលរស់នៅ តាមមាត់ច្រាំងទន្លេជាដើម ហើយបញ្ហានេះបណ្តាលឱ្យ មានការលំបាកដល់ជីវភាព រស់នៅរបស់ប្រជាពលរដ្ឋ ។
ដោយឡែកនៅខេត្តព្រះ វិហារក្រៅពីព្រៃឈើដែលជា ធនធានធម្មជាតិដ៏វិសេសវិសាល នៅមានធនធានរ៉ែដ៏សំបូរ បែបដូចជា រ៉ែមាស ជាដើម ហើយបច្ចុប្បន្នថ្មមួយប្រភេទ គឺថ្មភក់ក៏កំពុងត្រូវគេធ្វើអាជីវ កម្មយ៉ាងគំហុកទាំងក្នុងស្រុក និងនាំយកទៅលក់នៅប្រទេស ជិតខាងបណ្តាលឱ្យប្រជាពល រដ្ឋព្រួយបារម្ភថា ប្រសិនបើ គ្មានការត្រួតពិនិត្យនិងសិក្សា ឱ្យបានច្បាស់លាស់ថ្មភក់នៅ ខេត្តព្រះវិហារនិងត្រូវអស់ជា មិនខាន ។
ប្រជាពលរដ្ឋបានឱ្យដឹង ថា ប្រភេទថ្មភក់ដែលមាន តម្លៃក្នុងស្ថាបត្យកម្មពិសេស កាលពីសម័យបុរាណដែល ត្រួវបានគេយកទៅសាងសង់ ប្រាសាទនានានោះពេលនេះ កំពុងតែត្រូវបានក្រុមឈ្មួញធ្វើ ការប្រមូលទិញយ៉ាងគគ្រឹក គគ្រេង នៅក្នុងខេត្តព្រះវិហារ ហើយបានដឹកយកទៅលក់ តាមខេត្តមួយចំនួនដូចជាក្នុង ខេត្តបន្ទាយមានជ័យនិងបញ្ចោញ ទៅកាន់ប្រទេសជិតខាង ។
យោងតាមប្រភពឱ្យដឹង ថា ផ្ទាំងថ្មទាំងនោះត្រូវបាន គេគាស់និងស្ទួចនៅចំណុចភ្នំ ក្រាំងដូង ក្នុងភូមិក្រាំងដូង ឃុំព្រះឃ្លាំង ស្រុកត្បែងមាន ជ័យហើយយកទៅស្តុកទុក នៅភូមិវាលរំពុក ឃុំព្រះឃ្លាំង ជាប់ផ្លូវជាតិលេខ៦២មុននឹង ធ្វើការដឹកចេញ ។
បើទោះជាដូច្នេះក្តីលោក គង់ មករា ប្រធានមន្ទីររ៉ែនិង ថាមពលខេត្ត បានឱ្យដឹងថា ឈ្មួញដែលបានគាស់កកាយ យកថ្មនោះមានច្បាប់ត្រឹមត្រូវ មកពីក្រសួងរ៉ែ និងថាមពល។ លោកថាចំណែកខាងមន្ទីរ លោកគ្រាន់តែយកពន្ធប៉ុណ្ណោះ គឺឈ្មួញបានបង់ក្នុងមួយតោន ត្រឹមតែ ៣ដុល្លារទេ ។
តែប្រភពផ្សេងៗបាន បង្ហើបឱ្យដឹងថា ថ្មភក់មួយ តោនមានតំលៃប្រមាណ ១ លានរៀល ប្រហែល ២៥០ ដុល្លារសហរដ្ឋអាមេរិកឯណោះ ៕
