ខេត្តកោះកុង ៖ នាយផ្នែក រដ្ឋបាលជលផលឃុំថ្មស លោក ហិន ឡា បានដឹកនាំកម្លាំងសហ ការជាមួយសមត្ថកិច្ចនិងប្រធាន សហគមន៍ឈ្មោះ នីវ៉ា និង លោកមេភូមិស្រែក្រៅ ឈ្មោះ ងៀវ សេង ។ លោក ហិន ឡា នាយផ្នែករដ្ឋបាលជលផល បាន ចុះទៅដកស៊ុមគ្រែងនិងកំណត់ បង្គោលព្រំឱ្យប្រជាពលរដ្ឋដឹង ទុកឱ្យប្រជាពលរដ្ឋរាវដៃជា លក្ខណៈគ្រួសារ ។
កន្លងមកមានជនខិលខូច បោះបង្គោលធ្វើស៊ុមគ្រែង ចិញ្ចឹមយកដីរបស់រដ្ឋនិងដីសមុទ្រ ទឹករាក់យកធ្វើកម្មសិទ្ធិផ្ទាល់ខ្លួន ឯង ។ ១-មានឈ្មោះ ហ៊ួ ហ៊ួត យកដីសមុទ្រធ្វើកម្មសិទ្ធផ្ទាល់ខ្លួន អាងខ្លួនជាអ្នកមានលុយនៅក្នុង ភូមិស្រែក្រៅ ឃុំថ្មស ស្រុកបុទម សាគរ យកដីតំបន់ទឹករាក់បោះ បង្គោលពេញដីទឹករាក់ធ្វើឱ្យប៉ះ ពាល់ដល់ប្រជានេសាទ ។ ហើយ ឈ្មោះ ហ៊ួ ហ៊ួត នេះហាមមិនឱ្យ គេយកទូកឆ្លងកាត់តាមស៊ុម ដែលខ្លួនចិញ្ចឹមគ្រែងឈាមនោះ ដោយឈ្មោះ ហ៊ួ ហ៊ួត ធ្វើដូចជា មេកន្ទ្រាញដ៏ធំនៅក្នុងភូមិស្រែ ក្រៅយ៉ាងដូច្នោះ ។
តាមប្រភពពីប្រជាពលរដ្ឋ នៅភូមិស្រែក្រៅម្នាក់ សូមមិន បញ្ចោញឈ្មោះបានប្រាប់អ្នក សារព័ត៌មានថា ឈ្មោះ ហ៊ួ ហ៊ួត នោះអាងខ្សែខ្នងអ្នកមានលុយ ម្នាក់នៅខេត្តកោះកុង ទើបគេ ហ៊ានយកដីតំបន់ទឹករាក់ដែលរដ្ឋ ហាមឃាត់ និងរដ្ឋបាលជលផល ហាមមិនឱ្យធ្វើទុកឱ្យក្តាម បង្គារ ត្រីពង ។ ពេលនាយផ្នែករដ្ឋបាលជលផល និងសមត្ថកិច្ចចុះ ទៅបង្ក្រាបហាមមិនឱ្យធ្វើតទៅ ទៀត ឈ្មោះ ហ៊ួ ហ៊ួត បាននាំ ប្រជាពលរដ្ឋទៅរារាំងសមត្ថកិច្ច និងនាយផ្នែករដ្ឋបាលជល ផលជាច្រើននាក់ ដើម្បីឱ្យពួក គាត់កាងស៊ុមគ្រែង ក្នុងពេល នោះសមត្ថកិច្ចនិងនាយផ្នែករដ្ឋ បាលជលផលចុះទៅដល់ស៊ុម គ្រែងរបស់ឈ្មោះ ហ៊ួ ហ៊ួត ។ ស្រាប់តែឈ្មោះ ហ៊ួ ហ៊ួត ជេរ ប្រមាថនាយផ្នែករដ្ឋបាលជល ផល ដោយភាសាអសុរសយ៉ាង ខ្លាំង ។
បន្ទាប់មកទៀត ជេរអ្នក សារព័ត៌មាន ឈ្មោះ ហ៊ួ ហ៊ួត ស្រែកថា ពួកយើងទៅវ៉ៃអ្នក កាសែតឱ្យងាប់ទុកវាធ្វើអី ។ មានប្រជាពលរដ្ឋម្នាក់នៅក្នុង ចំណោមប្រជាពលរដ្ឋដែលឈ្មោះ ហ៊ួ ហ៊ួត ហៅទៅគឺឈ្មោះ ទោម សុខហួយ ពុំមានស៊ុមគ្រែងទេ តែជេរអ្នកសារព័ត៌មានថា អ្នក កាសែតហ្អែងចង់ស៊ីដំបងចង់ស៊ី ក្តាទូកទេ បើអាហ្អែងចង់ថត អញស្រាតខោឱ្យអាហ្អែងថត អាឆ្កែ វ៉ៃអាហ្អែងធ្លាក់ទឹកឥឡូវ ដែលសុទ្ធតែជាសម្តីអសុរសពុំ អាចទទួលយកបាន ។
បើតាមសំដីប្រជាពលរដ្ឋ ម្នាក់ឈ្មោះ អូន ចាន់ ដែលទៅ ជាមួយឈ្មោះ ទោម សុខហួយ និយាយថា គាត់ចង់ឱ្យជលផល ដកស៊ុមគ្រែងចេញឱ្យអស់ងាយ ស្រួលគាត់ដាក់មង កុំឱ្យបោះ បង្គោលដាច់មងរបស់គាត់ ពីព្រោះពួកគាត់អត់មានស៊ុមគ្រែង ទេ ឈ្មោះ អូន ចាន់ គាត់ថាគេ ហៅគាត់មកមើលស៊ុមគ្រែង ។
បើតាមសម្តីលោកមេឃុំ ថ្មស លោក អិន គួន និយាយ ប្រាប់អ្នកសារព័ត៌មានយើងថា នៅភូមិស្រែក្រៅ មានប្រជាពល រដ្ឋចិញ្ចឹមគ្រែង តែពីរបីគ្រួសារ ទេ តែធ្វើប៉ះពាល់ដល់ប្រជាពល រដ្ឋរាប់រយនាក់ លោកមេឃុំថ្មស គាត់ថា គាត់គិតផលប្រយោជន៍ ប្រជាពលរដ្ឋរាប់រយគ្រួសារ ច្រើនជាងមិនទុកឱ្យប្រជាពលរដ្ឋ ពីរបីគ្រួសារ ធ្វើតាមចិត្តទេនោះ ជាសម្តីរបស់លោកមេឃុំថ្មស ។
ប្រជាពលរដ្ឋនៅក្នុងឃុំថ្មស ទាំងមូល គាត់ត្រេកអរខ្លាំង ណាស់ ដែលរដ្ឋបាលជលផល បានបង្ក្រាប និងឱ្យម្ចាស់ស៊ុម គ្រែង ដកបង្គោលចេញពីដែន សមភាពទុកឱ្យប្រជាពលរដ្ឋ ងាយស្រួលប្រកបមុខរបររាវដៃ និងនេសាទបានស្រួលរកប្រាក់ ចិញ្ចឹមក្នុងក្រុមគ្រួសារ ។
ចុងក្រោយប្រជាពលរដ្ឋអរ គុណដល់នាយផ្នែករដ្ឋបាលជល ផលឃុំថ្មស និងអរគុណដល់ សមត្ថកិច្ច ហើយលោកមេឃុំ ថ្មស លោក អិន គួន ហើយនឹង អរគុណដល់លោកប្រធានមន្ទីរ ជលផលខេត្តកោះកុងដែលឱ្យ ក្រុមការងារចុះមកដកស៊ុម គ្រែង ៕
ដោយ ៖ យួន ឈីវ
