ខេត្តកោះកុង ៖ តាមប្រភពព័ត៌មានបានឲ្យដឹងថា មានគ្រឿងចក្រពីរគ្រឿង សង្សយ័មកជីករកមាស ប្រមាណ៣តោន នៅក្នុងទីធ្លាវត្តសុណ្ណឥសី ហៅជីផាត នៅភូមិទឹកល្អក់ ឃុំជីផាត ស្រុកថ្មបាំង ខេត្តកោះកុង។
យោងតាមប្រភពព័ត៌មានពីប្រជាពលរដ្ឋនៅក្នុងឃុំជីផាត ស្រុកថ្មបាំង និងបានផ្អើលមកដល់ស្រុកស្រែអិល ថាមានការជីករកមាស នៅក្នុងវត្តជីផាត កាលពីថ្ងៃទី៩ ខែកក្កដា ឆ្នាំ២០២០ ដោយមានកងកម្លាំងទាហាន ប៉ូលិសជាច្រើននាក់ និងមានដឹកគ្រឿងចក្រ ពីរគ្រឿងមកទៀត ព្រមទាំងធ្វើការហ៊ុំពទ្ធ័វត្តជីផាតនេះមិនអោយប្រជាពលរដ្ចេញចូល ដោយកងកម្លាំងទាហាន ប៉ូលិស អោយគ្រឿងចក្រចូលកាយដីក្នុងវត្ត និងនិយាយប្រាប់ពលរដ្ឋថា មកកាយស្រះទឹក។
នៅថ្ងៃទី១១ ខែកក្កដា ឆ្នាំ២០២០ មានក្រុមអ្នកសារព័ត៌មានចំនួន៥នាក់ បានចុះដល់ទីតាំងវត្តជីផាត។ ពេលទៅដល់ឃើញមាន ប៉ូលិស២នាក់យាមខាងក្រៅ ហើយប៉ូលិស៣នាក់ទៀតនៅអង្គុយជាមួយលោកសង្ឃមួយអង្គ និង៤នាក់ទៀតជាស៊ីវិល អង្អុយជំនុំគ្នា។ ពេលនោះលោកប៉ូលីសបានមកសួរថា ពូទៅណា?។ ក្រុមអ្នកសារព័ត៌មានឆ្លើយថា មកធ្វើការ រួចហើយ ក្រុមអ្នកសារព័ត៌មានបានថតយករូបភាពគ្រឿងចក្រ ។ នៅពេលនោះ ប៉ូលិសហាមមិនអោយថត ហើយប៉ូលិសនោះហៅក្រុមអ្នកសារព័ត៌មានមកសួរនាំថា តើពូមកពីខាងក្រុមអ្នកសារព័ត៌មាន?។ បន្ទាប់ពីបានប្រាប់លោកប៉ូលិសថា ជាអ្នកសារព័ត៌មាន លោកប៉ូលិសក៏បន្តសួរថា ពូថតធ្វើអ្វី?។ ហើយនៅពេលនោះ អ្នកសារព័ត៌មានបានសួរទៅលោកប៉ូលីសវិញថា បងមកនេះទីនេះមានប៉ូលីសជាច្រើននាក់ហើយមានកាំភ្លើងទៀត មានការអ្វីដែរ ?លោកប៉ូលិស បានឆ្លើយថា ខ្ញុំមកយាមគ្រឿងចក្រកាយស្រះទឹកអោយ លោក។នៅពេលនោះ អ្នកសារព័ត៌មានសួរប៉ូលិសថា បងតើមានការកាយរកកំណប់មាសមែនទេ? ប៉ូលិសបានឆ្លើយថា គាត់មិនដឹងទេ គេអោយគាត់មកយាមទេ។
បន្ទាប់មក ក្រុមអ្នកសារព័ត៌មានបានសុំសម្ភាសព្រះចៅអធិការវត្ត មានព្រះនាម ហុង សុភា ព្រះអង្គមានសង្ឃដិការថា កាយស្រះទឹកទេ មិនមែនកាយរកកំណប់មាសទេ។
នៅពេលនោះអ្នកសារព័ត៌មានបានសួរនាំតៃកុងគ្រឿងចក្រទាំងពីរនាក់នោះ គាត់បាននិយាយថា គេហៅមកកាយស្រះទឹកទេ ក៍ប៉ុន្តែ ពួកគាត់ឆ្ងល់ថា ហេតុអ្វីមកកាយ ស្រះទឹកសោះ ម៉ិចក៏មានប៉ូលិសមកយាមច្រើនម្ល៉េះ ហើយមានទាំងដ្រូនហោះហើរសម្រាប់មើល ពួកគាត់កាយដីនេះ។ តៃកុងគ្រឿងចក្រនោះបន្តថា ការកាយដីនោះ គេអោយគាត់វីអាចម៏ដីទៀត ហើយគាត់ក៍សង្ស័យដែរ មុខជា កាយរកអ្វីមួយហើយ មិនដែលជីកស្រះទឹកមានដ្រូនបង្ហោះចាំមើលទេ។ពួកគាត់បន្តថា មានជនជាតិចិនម្នាក់ហើយដូចជាមាន អ្នកនៅប្រទេសក្រៅពីរនាក់ទៀត មកឈរប្រាប់ពួកគាត់អោយជីកដីនេះ។
នៅពេលនោះ អ្នកសារព័ត៌មានបានទូរស័ព្ទទៅសួរលោកមេឃុំ ជីផាត ឈ្មោះ ម៉ឹង សុភា លោកបានឆ្លើយថា រឿងកាយដីក្នុងវត្តជីផាតនេះ លោកមិនបានដឹងទេ ហើយព្រះសង្ឃក៍មិនបានប្រាប់លោកដែរ។ លោកមេឃុំបន្តថា លោកបានលឺគេរាយការមកថា មានទាហាន ប៉ូលិស នៅវត្តច្រើននាក់ ហើយមានការកាយដីក្នុងវត្ត ហើយទាហាន ប៉ូលិសនោះក៍មិនហៅលោកផងដែរ លោកស្បថជូនមិនដឹងរឿងកាយ ដីរកកំណប់មាសនោះទេ។
អ្នកសារព័ត៌មានបានទូរស័ព្ទទៅសួរលោក អន ធារិទ្ធ អភិបាលស្រុកថ្មបាំង លោកឆ្លើយថា រឿងកាយដីនៅក្នុងវត្ត គេមានឯកសារពីឃុំ ហើយឯកសារនោះគេបញ្ជូនទៅខេត្តថាកាយស្រះទឹក មិនមែនកាយរកកំណប់មាសអ្វីទេ។ លោក
អន ភារិទ្ធ អភិបាលស្រុក បន្តថាមានអាណិកជននៅក្រៅប្រទេសមកកាយស្រះទឹកជូនលោកទេ។ លោកអភិបាលស្រុកបន្តថា រឿង កាយដីនេះគឺមានលិខិតពីថ្នាក់លើមក ហើយលិខិតថ្នាក់ជាតិមកទៀត បើចង់ដឹងសួរទៅខេត្តទៅរឿងកាយដីនេះ។
អ្នកសារព័ត៌មានបានទូរស័ព្ទទៅលោក ស៊ឹម វានី អធិការស្រុកថ្មបាំង តែប្រពន្ធជាអ្នកលើកទូរស័ព្ទថា ប្ដីគាត់មិននៅទេ។
ពាក់ព័ន្ធរឿងនេះ អ្នកសារព័ត៌មានបានទូរស័ព្ទទៅសួរលោក សំ ឃិតវៀន ស្នងការនគរបាលខេត្តកោះកុង ឆ្លើយថា រឿងប៉ូលិសនៅវត្ត ជីផាតនេះ ប៉ូលិសទាំងអស់នេះ មកយាមនៅវត្ត២ខែហើយ ហើយការពារ សន្តិសុខ ហើយទុកប៉ូលិសទាំងនោះដូរវេនគ្នាការពារ ណាមួយពិបាកឆ្លងសាឡង់ទៅមកផង តែរឿងជីកដីក្នុងវត្តជីផាតនេះគឺជីកស្រះទេ។
លោកស្នងការបន្តថា សម័យនេះហើយរឿងជីកកាយរកកំណប់មាសនេះ ដំណាក់កាលនេះនៅមានដែរអី?។
តាមប្រភពព័ត៌មានពីក្រុមប្រឹក្សាឃុំម្នាក់សូមមិនបញ្ចេញឈ្មោះបាននិយាយប្រាប់អ្នកសារព័ត៌មានថា គេយកគ្រឿងចក្រមកជីកដីកាយ
រកកំណប់មាស ដែលគេបានកប់ទុកកាលជំនាន់ប៉ុលពត ហើយអ្នកដែលគេបានកប់មាសនេះគឺគេចខ្លួនទៅប្រទេសក្រៅ ឥឡូវគេមកកាយយកវិញ។កន្លងមក មានគេមកលួចកាយរកកំណប់មាសនេះដែរ។ ក្រុមប្រឹក្សាឃុំរូបនោះបន្តទៀតថា រឿងកាយដីរកកំណប់មាសនេះ ផ្អើលពេញ ក្នុងឃុំជីផាតហើយ សូម្បីតែប្រជាពលរដ្ឋក៍សួរគាត់ដែរ។
ចំណែកតាអាចារ្យនៅវត្ត សុវណ្ណឥសី ហៅ វត្តជីផាត ក៍បានត្រឹមឈរមើលទេ គេមិនប្រាប់ផង នេះជាការលើកឡើងដែលតាអាចារ្យ និយាយប្រាប់អ្នកសារព័ត៌មានចំពោះមុខ។
មានប៉ូលិសពីរនាក់សូមមិនបញ្ចេញឈ្មោះបានប្រាប់អ្នកសារព័ត៌មានថា សូម្បីតែមេប៉ុស្តិ៍ក៍ចូលមើលមិនបានដែរនៅក្នុងការកាយដី នៅក្នុងវត្តនេះ។ប៉ូលិសម្នាក់ទៀតបាននិយាយថា គេដឹកគ្រឿងចក្រនេះមកកាយរកកំណប់មាសចំនួន ៣តោនមាស ដែលបានកប់ទុកតាំងពីសម័យជំនាន់ ប៉ុលពត ឥឡូវម្ចាស់គេអ្នកកប់មាសផ្ទាល់ដៃ គេមកកាយរកមាសនេះ ។ ប៉ូលិរូបនោះបន្តថា កាលថ្ងៃទី៩ ខែកក្ដដា ឆ្នាំ២០២០នេះ មាន គេជិះយន្តហោះមកចុះមើលការជីកដីរកកំណប់មាសនេះ។
ប្រជាពលរដ្ឋរង់ចាំមើល សកម្មភាពអាជ្ញាធរ ក្នុងការជីកស្រះ ឬការជីករកកំណប់មាស នៅក្នុងវត្តជីផាតនេះ ទៅជាយ៉ាងណា បើមន្ត្រីទាំងនេះ ឆ្លងឆ្លើយដាក់គ្នាយ៉ាងណា បើកាយស្រះទឹកមួយសោះមានប៉ូលិសដេកយាមច្រើនយ៉ាងនេះ៕ ដោយ យួន ឈីវ
