ខេត្តឧត្តរមានជ័យ ៖ មន្ត្រី ស្ថាប័នពាក់ព័ន្ធប្រចាំការនៅ ច្រកអន្តរជាតិជាំសាង៉ាំ កំពុង តែឃុបឃិតគ្នាជាមួយនិងក្រុម ឈ្មួញដឹកធ្យូងឆ្លងដែនទៅប្រទេស ថៃយ៉ាងកគ្រឹកកគ្រេងដោយក្នុង មួយថ្ងៃៗរាប់សិបតោនតាមរយៈ រថយន្តកូរ៉េ ។
សព្វថ្ងៃនេះត្រូវបានគេដឹង ថា ក្រុមឈ្មួញរកស៊ីធ្យូងទាំង នោះសុទ្ធតែជាជនជាតិថៃដែល មានការទំនាក់ទំនងជាមួយនិង មន្ត្រីនគរបាលម្នាក់មានឋានៈជា វរៈសេនីយ៍ឯក មានតួនាទីជាអនុ ប្រធានការិយាល័យអន្តោប្រវេសន៍ប្រចាំច្រកអន្តរជាតិជាំ សាង៉ាំម្នាក់ឈ្មោះ លីណា ។
ក្រុមហ៊ុនប្រមូលទិញធ្យូង នាំចូលទៅប្រទេសថៃ ត្រូវបាន គេដឹងថាកំពុងតែបានចំណាយ លុយរាប់សែនបាត ដាក់អោយ ប្រជាពលរដ្ឋបីស្រុកដុតធ្យូងលក់ ទៅឱ្យពួកគេ គឺស្រុកអន្លង់វែង ស្រុកត្រពាំងប្រាសាទ ខេត្តឧត្តរ មានជ័យ និងស្រុកវ៉ារិន ខេត្ត សៀមរាប ដើម្បីបណ្តាក់ទុនឱ្យ ប្រជាពលរដ្ឋកាប់បំផ្លាញព្រៃ ឈើដែលសេសសល់យកមកដុត ធ្យូង ។
គ្រប់សកម្មភាពនៃរថយន្ត ដឹកជញ្ជូនធ្យូងនាំចេញទៅប្រទេសថៃ តែងតែមានលេចមុខ លោក លីណា ដែលជាអនុប្រធានការិយាល័យអន្តោប្រវេ សន៍ប្រចាំនៅច្រកអន្តរជាតិជាំ សាង៉ាំថា ជារបស់ខ្លួនរហូត ដោយដឹកជញ្ជូនយកទៅអោយ ថៅកែក្រុមហ៊ុននៅឯប្រទេសថៃ ក្នុងស្រុកខាន់តាឡាក់ ខេត្តស៊ី សាកេត ។
ព្រៃឈើគ្រប់ទីកន្លែងមិនថា ព្រៃសហគមន៍តំបន់បរិស្ថានរឺ តំបន់ព្រៃបំរុងទុកអចិន្ត្រៃយ៍របស់ រដ្ឋដែលគ្រប់គ្រងដោយរដ្ឋបាល ព្រៃឈើកំពុងរងការកាប់បំផ្លាញ ជាបន្តបន្ទាប់ ដោយសាតែមាន ថៅកែបណ្តាក់ទុននិងប្រមូល ទិញធ្យូងឆ្លងដែនទៅប្រទេស ជិតខាង ។ ហើយសកម្មភាព ទាំងអស់នេះកំពុងតែកក្រើកឡើង យ៉ាងខ្លាំងដោយមិនទាន់ឃើញ មានអាជ្ញាធរស្ថាប័នមានសមត្ថ កិច្ចនិងមន្ត្រីជំនាញណាម្នាក់យក ចិត្តទុកដាក់អំពីបញ្ហាទាំងអស់ ខាងលើនេះឡើយ ។
ភ្នាក់ងារយើងបានធ្វើការ ទំនាក់ទំនងតាមទូរស័ព្ទទៅលោក ឃុន ប៊ុនហេង នាយផ្នែករដ្ឋបាលព្រៃឈើស្រុកអន្លង់វែងនិង ស្រុកត្រពាំងប្រាសាទទូរស័ព្ទចូល ប៉ុន្តែគ្មានអ្នកលើក រីឯលោក គ្រូច សម្បត្តិ ប្រធានគណៈកម្ម ការច្រកអន្តរជាតិជាំសាង៉ាំលេខ ទូរស័ព្ទរបស់លោកមិនអាចធ្វើ ការទំនាក់ទំនងបានទេ 3
ដោយៈ សាន្ត យន់
