ខេត្តកំពង់ធំ ៖ ឯកឧត្តម សុខ លូ អភិបាលខេត្តកំពង់ធំ បានថ្លែងក្នុងពិធីគំរប់3ឆ្នាំបញ្ចូលប្រាសាទសំបូរព្រៃគុកជាសម្បត្តិបេតិកភណ្ឌឯកឧត្តមបានអំពាវនាវដល់អាជ្ញាធរ ប្រជាពលរដ្ឋដែលរស់នៅជាប់តំបន់ប្រាសាទសំបូរព្រៃគុក ជួយថែរក្សាសម្បត្តិបេតិកភណ្ឌជាតិអោយមានបរិស្ថានស្អាត អនាម័យល្អ ជៀសវាងសំរាមស្លឹកឈើបណ្ដាលអោយមានអគ្គីភ័យ ដើម្បីប្រជាពលរដ្ឋខ្មែរនិងជនបរទេសមកលេងកំសាន្តក្នុងនោះដែរ ឯកឧត្តមក៏បានជំរុញដល់អាជ្ញាធរក្រុងស្រុកត្រូវពិនិត្យមើលប្រជាពលរដ្ឋក្រីក្រពិតប្រាកដដែលត្រូវបានទទួលសាច់ប្រាក់ពីរាជរដ្ឋាភិបាលកម្ពុជា។ ជៀសវាងការប្រកាន់ប្សកពួកនិយម។
ជាមួយគ្នានេះ ឯកឧត្តម ប្រាក់ សុវណ្ណារ៉ា រដ្ឋលេខាធិការក្រសួងវប្បធម៌តំណាងលោកំទាវ ភឿង សកុណា រដ្ឋមន្ត្រីវប្បធម៌បានមានប្រសាសន៍លើកឡើង ថា គំរប់ខួប3ឆ្នាំ 8កក្កដា 2017 – 8កក្កដា2020 ប្រារព្ធពិធីបុព្វបុរសសម្រាប់កូនចៅជំនាន់ក្រោយជាសសរស្តមប្រទេសជាតិ ប្រាសាទសំបូរព្រៃគុកដែលបុព្វបុរសបន្សល់ទុកចេរភាពបញ្ចូលជាសម្បត្តិបេតិកភណ្ឌពិភពលោក អឆ្ឆរិយដែលមានចំណាស់រាប់ពាន់ឆ្នាំត្រូវគោរពដឹងគុណដល់បុព្វបុរសជំនាន់មុនដែលមានវិរភាពជាច្រើននិងសមទ្ធិផលជាច្រើនសម្រាប់ប្រទេសជាតិនិងលើសកលលោក។
នៅឆ្នាំ1998 ប្រមុខរាជរដ្ឋាភិបាលកម្ពុជាបានអភិរក្សនិងអភិវឌ្ឍន៍បោះជំហានលើឆាកអន្តរជាតិក្នុងការថែរក្សាការពារនូវសម្បត្តិវប្បធម៌បេតិកភណ្ឌជាតិនិងសូមអោយបងប្អូននៅតំបន់ប្រាសាទជួយថែរក្សារួមទាំងអាជ្ញាធរចូលរួមទាំងអស់គ្នា៕
